1पतरुस 2:12 - धिमाल

¹² बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

Dhimal NT

¹² परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 2:12 Iomraidhean Croise

मत्‍ति 10:25

चात्‍या ताइको मास्‍टरभाइपा रो बान्‍धाइ ताइको गिर्‍हिभाइपा जेङलि निङकाता लेङचा। एला एम्‍बालाइ साअ्‌को गिर्‍हिहेङ दोङ मासानको राजा दियाबलस दोअ्‌काहिपानु, वाको खालगेलाइहेङ झन हेथे हेन्‍जा मारेम्‍का दोअ्‌तावा?

मत्‍ति 5:11

“सहसाम्‍पा निङका नेलाइ, जेलाउ द्‍याङगेलाइ काङको भाअ्‌सिङ नेलाइहेङ निन्‍दा पावा, सान्‍तायावा रो ढाटाइतेङ नेलाइको खिलापता गोताङ खालको मारेम्‍का काथा दोअ्‌तावा।

मत्‍ति 5:16

एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

मत्‍ति 9:8

जेलाउ जोम्‍तेङ हिकालाइ तिङहि, कालाउ एम्‍बालाइ थिहि रो द्‍याङगेलाइहेङ इसिका सरबङ पिका परमेस्‍वरहेङ बाखिन्‍हि।

लुका 1:68

“इस्राएलिगेलाइको परमप्रभु, परमेस्‍वरको बाखिन्‍का ज्‍याको, हाइदोनु वा लोकाहि रो ताइको द्‌याङगेलाइहेङ बान्‍चिपाका हि!

लुका 19:44

कालाउ नेलाइको जामालाइहेङ बुङ सेअ्‌तावा। कालाउ एम्‍बालाइ एलोङ उन्‍ठुइ बुङ मालाअ्‌ध्‍यावा। हाइदोनु परमेस्‍वर नेलाइहेङ सिन्‍हुपालि लोलाउ बुङ नेलाइ वासेहेङ मामा नाल्‍सुन्‍हा।”

लुका 6:22

“का द्‌याङको चानर्‍हुता खान्‍धुर पानाङसिङ द्‌याङगेलाइ नेलाइहेङ हेला पानु, समाजसो ओल्‍हेपानु, फतुर लागाइनु रो लेदेरपानु ते नेलाइहेङ परमेस्‍वर आसिस प्‍यावा।

युहन्‍ना 13:31

जेलाउ यहुदा बाहार हानेहि कोलाउ इसु दोअ्‌हि, “एला का द्‍याङको चान प्रतापि जेङका हिघा रो परमेस्‍वर काता प्रतापि जेङका हि।

साल्न्हाका चात्या 15:14

परमेस्‍वर ताइकोङ मिङको भाअ्‌सिङ बोजात्‍यागेलाइसो एलोङ जात्‍या साल्‍लि निगाह पाहि दोअ्‌का काथा सिमोन पत्‍रुस दोअ्‌पिका हि।

साल्न्हाका चात्या 24:13

कालाउ एम्‍बालाइ कासेहेङ फतुर लागाइका दासि बुङ पिलि माद्‍वावा।

साल्न्हाका चात्या 25:7

जेलाउ पावल थुकालि लोहि कालाउ यरुसलेमसो लोका यहुदिगेलाइ वासेहेङ चारबितिङसो गोर्‍हाइतेङ मारेम्‍फाङ फतुर लागाइहि। कुलाउ एम्‍बालाइ हिदि बुङ फतुर लागाइकालाइको दासि पिलि मादोहि।

साल्न्हाका चात्या 28:22

कुलाउ केलाइ नाङको ठहरगेलाइ हिङलि भोन्‍हाखे हाइदोनु नाङको मन्‍डलिको खिलापता जेसोको सोङ काथा जेङका चाहिँ केलाइ गेका हिनाहि।”

1 कोरिन्थि 14:25

इङकोन्‍हुअ्‌सो एम्‍बालाइको मनलिअ्‌ता म्‍होअ्‌न्‍हाका काथागेलाइ बुङ देखाल ज्‍यावा। कालाउ एम्‍बालाइ ताइको तिर्‍हो थोतेङ दोअ्‌तावा, “जातिङकोङ परमेस्‍वर इदोइ द्‌याङगेलाइको माझाता हि।”

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

1 थेस्लोनिकि 4:12

एसा पासुन्‍हा पानु नेलाइहेङ बोजात्‍यागेलाइ बुङ मान पावा रो नेलाइहेङ हार्जा जेङलाउ बोमिदोफा भर परेलि मागोयावा।

1तिमोथि 2:2

कालाउ राजागेलाइ रो सारकारको द्‍याङगेलाइको भाअ्‌सिङ बुङ पुकार पासु। कोलाउ केलाइ दिनाङ सान्‍तिता हितेङ धरमाति रो मानको ज्‍यान सिन्‍हुलि द्‍वाइने।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1तिमोथि 5:10

रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

याकुब 3:13

नेलाइको माझाता हासुङ आकिलहिका रो बुझाकि द्‌याङ हि पानु वा ताइको ज्‍यानता नोइतेङ द्‌याङगेलाइको माझाता रेम्‍का काम पातेङ तिम्‍पाको।

1पतरुस 2:15

हाइपानु नेलाइ निरबुदिगेलाइ माबुझिसिङ धुइका काथागेलाइ एम्‍बालाइको रेम्‍का कामहोइ नुइगिअ्‍पिका परमेस्‍वर भोखे।

1पतरुस 3:16

कालाउ एसापा दोअ्‌पिलाउ नोइतेङ, मान पातेङ दोअ्‌सु रो ताइको मन साफा ताअ्‌सु। एन्‍सा जेङनु नेलाइ ख्रिस्‍टहेङ पिताइलाउ पाका रेम्‍का चालचलनहेङ तिङतेङ नेलाइको खिलापता धुइतेङ बादनाम पाकालाइ ताइमिङ लेदेरावा।

1पतरुस 4:11

एदि हासुङ धुइका बर निङकाहि पानु, इङको परमेस्‍वर धुइका भाइपाङ धुयाको। एदि हासुङ चाकर पालि भोखे पानु, इङको परमेस्‍वरको पुनित हाङसाको सरबङसो चाकर पाको। एसापा नेलाइको पाका गोताङ कामगेलाइता इसु ख्रिस्‍टसो परमेस्‍वरको दोङ मिङ झाउका जेङका ह्‍याको। वाता दोङ गोताङ प्रताप रो सरबङ दिनाङ हितेङ ह्‍याको। आमेन।

२ पत्‍रुस 3:11

इदोइ गोताङ काथागेलाइ एसापा गाल्‍यावा दोअ्‌का गेतेङ पुनितता रो परमेस्‍वरहेङ लेङचापाका ज्‍यानता नेलाइ हिसिका खाल्‍को द्‍याङ हिलि गोयाङ दोअ्‌तेङ बिचार पासु।