1पतरुस 1:8 - धिमाल

⁸ नेलाइ इसु ख्रिस्‍ट मातिङलाउ बुङ इन्‍ताना पासुखेना रो नेलाइ वासेहेङ तिङका मान्‍थु लाउबुङ खान्‍धुर पासुखेना। कालाउ बाखान दोङ पालि मादोका लेङहोइ नेलाइको कोन्‍धाङ पोङघाका हि।

Dhimal NT

⁸ नेलाइ येसुहेङ हेलाउ बुङ तिङका मान्थु सुन्हा, कालाउ बुङ नेलाइ वासेहेङ प्रेम पासुखेना, नेलाइ वासेहेङ एला मातिङसुखेना, कालाउ नेलाइ वाकोता खाङधुरि पासुखेना। ओदोङ भाअ्सिङ नेलाइ हेन्जा लेङचा सुखेना। नेलाइ हेथे लेङचा सुखेना दोअ्तेङ ब्याख्या पालि सब्दगेलाइ दोङ मान्थु।

1पतरुस 1:8 Iomraidhean Croise

मत्‍ति 10:37

जाइ कासेहेङ खान्‍तेङ हेन्‍जा ताइको आबा माकोनु आमाइहेङ इन्‍ताना पावा, वा काङको चात्‍या जेङलि लायकको माज्‍यावा। जाइ कासेहेङ खान्‍तेङ हेन्‍जा ताइको चान माकोनु चामिन्‍दिहेङ माया पावा, वा काङको चात्‍या जेङलि लायकको माज्‍यावा।

युहन्‍ना 14:15

“नेलाइ कासेहेङ इन्‍ताना पासुन्‍हा पानु काङको हुकुमगेलाइ साअ्‌स्‍वाना।

युहन्‍ना 14:21

कासेहेङ इन्‍ताना पाका इङकोङ एइ, जाइदोफा काङको हुकुम हि रो इङको साअ्‌खे। कालाउ कासेहेङ इन्‍ताना पाकाहेङ काङको आबा इन्‍ताना पाखे। का इङकोहेङ इन्‍ताना पाङका रो का ताइमिङहेङ इङकोता देखाल प्‍याङका।”

युहन्‍ना 14:24

कासेहेङ इन्‍ताना मापाकालाइ काङको कथन मासाअ्‌खे। जेदोङ कथन नेलाइ हिङसुखेना, इङको काङको माको, कुलाउ कासेहेङ दिङगिल्‍का आबाको एइ।

युहन्‍ना 16:22

एसापा दोङ एला नेलाइहेङ पिर जेङखे, कुलाउ का आरोङ नेलाइहेङ तिनाङका रो नेलाइको कोन्‍धाङ लेङचाका ज्‍यावा। कालाउ हासुङ नेलाइको लेङ नेलाइसो माघिङन्‍हावा।

युहन्‍ना 20:29

इसु इङकोहेङ दोअ्‌हि, “ना कासेहेङ तिङका खातिर कासेहेङ खान्‍धुर पाका एइ? सहसाम्‍पा निङका ज्‍याको एम्‍बालाइ, जाइ कासेहेङ तिङका मान्‍थु, कालाउबुङ खान्‍धुर पाखे।”

युहन्‍ना 8:42

इसु एम्‍बालाइहेङ दोअ्‌हि, “परमेस्‍वर नेलाइको आबा हिका हिनु ते नेलाइ कासेहेङ इन्‍ताना पासुधाना, हाइदोनु का परमेस्‍वरसो ओल्‍हेतेङलोघा। का ताइकोङ लाल्‍सासो लोका माको, कुलाउ वा कासेहेङ दिङगिल्‍हि।

साल्न्हाका चात्या 16:34

इङकोन्‍हुअ्‌सो पावल रो सिलासहेङ वा साअ्‌ता चुमपुतेङ बान्‍सा बुझाइहि रो परमेस्‍वरहेङ खान्‍धुर पाघा दोअ्‌का काथाता वाको झाराङ खालदोफा वा लेङचाहि।

1 कोरिन्थि 16:22

जाइ प्रभुहेङ माया मापाखे इङकोहेङ परमेस्‍वर साराप प्‍यावा। केलाइको प्रभु, लोउ!

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

फिलिप्पि 1:25

इदोइ काथा का जातिङको खान्‍धुर पाखा। इदोइखातिर नेलाइहेङ खान्‍धुरता बोल्‍याका बान्‍हाइलि रो नेलाइको सुकाका बार्‍हेपालि का सिन्‍हुतेङ हितेङ नेलाइदोफाङ ह्‍याङका दोअ्‌तेङ का गेखा।

फिलिप्पि 3:3

कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

फिलिप्पि 4:4

प्रभुता ए जेङतेङ नेलाइ दिनाङ लेङचासु, का आरोङ बुङ दोअ्‌खा, प्रभुता लेङचासु।

1पतरुस 1:6

नेलाइ इदोइ गोताङ काथाता लेङचासु, कालाउ बुङ नेलाइ एला आतुइसा पहरको भाअ्‌सिङ भेभेनेङ खाल्‍को तु: भोगेलि गोइस्‍वाना।

1पतरुस 2:7

इदोइखातिर नेलाइ खान्‍धुर पाकालाइको भाअ्‌सिङ इदोइ उन्‍थुइ मोलहिका हि। कालाउ खान्‍धुर मापाकालाइको भाअ्‌सिङ चाहिँ, “जेदोङ उन्‍थुइहेङ साअ् धामकालाइ खारेज पाहि, इङको उन्‍थुइचाहिँ कोन्‍हाको मुल उन्‍ठुइ जेङहि।”

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।