1पतरुस 1:5 - धिमाल

⁵ नेलाइ आखिरि पहरता देखाल जेङलि तोम्‍का छुटकाराको भाअ्‌सिङ खान्‍धुरसो परमेस्‍वरको सरबङसो सामर्‍हाइतेङ ताअ्‌न्‍हाका हिसुन्‍हा।

Dhimal NT

⁵ कालाउ नेलाइको खाङधुरि पाहासोङ, परमेस्वर ताइको सरबुङ पाहासो नेलाइहेङ बान्चिपाङ, जेलाउ थेकापा नेलाइ साइतानको सरबुङसो पुरा मालान्हास्वाना। कालाउ ख्रिस्ट लोका दिनाता या पुरा जेनावा।

1पतरुस 1:5 Iomraidhean Croise

युहन्‍ना 12:48

कासेहेङ इन्‍कार पाका रो काङको बचन मार्‍हुकाको भाअ्‌सिङ ए मि नियापाका हि। जाइ कथन का धुइघा इङको आखिर दिनाता इङकोको निया पावा।

युहन्‍ना 17:15

ना एम्‍बालाइहेङ दुनियासो चुम्‍पु दोअ्‌तेङ का पुकार मापाङका। कुलाउ एम्‍बालाइहेङ दियाबलससो हिफाजत ताअ्‍पि।

युहन्‍ना 4:14

कुलाउ जाइजाइ का पिका चि आमावा इङको हेअ्‌लाउ आम्‍लिमाकिअ्‌तावा। जेदोङ चि का इङकोहेङ प्‍याङका, इङको इङकोता असिम ज्‍यानको भाअ्‌सिङ मुरतेङहिका चिको मुल जेनावा।”

युहन्‍ना 5:24

“जातिङको, का नेलाइहेङ दोअ्‌ताङका, जाइ काङको कथन हिङखे रो कासेहेङ दिङगिल्‍काहेङ खान्‍धुर पाखे, इङकोदोफा असिम ज्‍यान हि। इङको नियाता मालोखे, कुलाउ सिकासो इङको ज्‍यानता दुल्‍का हि।

1 कोरिन्थि 1:21

दुनियाको द्‍याङगेलाइ ताइकोङ आकिलहोइ परमेस्‍वरहेङ नाल्‍लि माद्‌वाङ दोअ्‌का काथा परमेस्‍वर ताइको आकिलहोइ निधो पाहि। कालाउ इङकोको बादाला केलाइको पारचार पाका निरबुदि काथासो दोङ खान्‍धुर पाका द्‍याङगेलाइहेङ सिन्‍हुपालि विचार पाहि।

गलाति 2:20

का ख्रिस्‍टदोफाङ काङको ज्‍यानको पुरुना आनिबानि कुरुसताङ टाङगाइका हिघा। एलासो ओसो सिन्‍हुका का माको, कालाउ ख्रिस्‍ट काता सिन्‍हुतावा। जेदोङ ज्‍यान जिउता का एला सिन्‍हुताङका, इङको परमेस्‍वरको चानता खान्‍धुर पातेङ सिन्‍हुताङका। हाइपानु जाइ कासेहेङ माया पाहि रो काङको भाअ्‌सिङ ताइमिहेङ क्रुसता चार्‍हाइहि।

फिलिप्पि 1:6

परमेस्‍वर नेलाइको माझाता एलोङ एल्‍का काम थालनि पाका हि। कालाउ वा दोङ इसु ख्रिस्‍ट घुरितेङ लोका पहरता इङको काम पोङघा पावा दोअ्‌तेङ का पाक्‍काङ खान्‍धुर पाखा।

फिलिप्पि 4:7

एसा पासुन्‍हा पानु परमेस्‍वरको बेराजा नेलाइको कोन्‍धाङ रो मनहेङ ख्रिस्‍ट इसुता जोगाइतेङ ताअ्‌तावा। नेलाइहेङ परमेस्‍वरको पिका इदोङ बेराजा हासुङ बुझिलि माद्‌वावा।

2 तिमोथि 3:15

ना आतुइनाङसो पुनित धरमकिताबको काथागेलाइ गिका हिन्‍हा। इदोङ काथाहोइ ख्रिस्‍ट इसुता खान्‍धुर पालाउ निङका छुटकाराबारे गिका आकिल पिखे।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

1पतरुस 4:13

कालाउ ख्रिस्‍टको तु:ता नेलाइ बुङ भागर्‍हुलि निङलाउ लेङचासु। वाको प्रताप देखाल जेङलाउ नेलाइ बुङ हेन्‍जाङ लेङचालि दोस्‍वाना।

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

१ युहन्‍ना 3:2

दायाकालाइ, एलाचाहिँ केलाइ परमेस्‍वरको जाहान एइ रो न्‍हुअ्‌सो केलाइ हाइ जेनाङ, इङको केलाइहेङ गेपाका मान्‍थु। कालाउ ख्रिस्‍ट लोकान्‍हुअ्‌सो केलाइ बुङ वाभाइपाङ जेनाङ। हाइदोनु ख्रिस्‍ट जिसिका हि केलाइ वासेहेङ इन्‍सिकाङ तिनाङ दोअ्‌तेङ केलाइ गेन्‍हाखे।