1पतरुस 1:4 - धिमाल

⁴ परमेस्‍वर आबा नेलाइको भाअ्‌सिङ हेअ्‌लाउ मामुअ्‌का, दगामान्‍थुका रो माचुअ्‌का सहसाम्‍पा सादेलता ताअ्‌पिका हि।

Dhimal NT

⁴ परमेस्वर ताइको द्‍याङगेलाइको भाअ्सिङ ताअ्का नुगामारि आसिस निङका आस पानाखे। वा इम्बालाइको भाअ्सिङ इङको आसिस स्वर्गता ताअ्खे, जेता इङको आसिस नासालि माकुनु बिगिरलि माकुनु राम्लि माद्वाङ।

1पतरुस 1:4 Iomraidhean Croise

मत्‍ति 25:34

“कालाउ राजा ताइको दाम्‍पाहाकोगेलाहेङ दोअ्‌तावा, ‘लोसु, काङको परमेस्‍वर आबासो सहसाम्‍पा निङकालाइ एइ! दुनियाको सिरजाइसो नेलाइको भाअ्‌सिङ त्‍यार पाका सारभिहेङ खाबरा पासु।

मर्कुस 10:17

इसु दामाता हानेकाताङ पालाउ एमि द्‍याङ धाअ्‌तेङ लोतेङ वाको आगाता तिर्‍हो थोहि रो वासेहेङ हिअ्‍हि, “ओइ रेम्‍का मास्‍टर, हेअ्‌लाउ मानासाका ज्‍यान निङलि का हाइ पालिगोयाङ?”

साल्न्हाका चात्या 20:32

“एला का नेलाइहेङ परमेस्‍वरको खुर्ता जिम्‍मा पिदोङखा रो वाकोङ दायासो पोङघाका बानालको भरता लाअ्‌प्‍याङका, जाइसो वा नेलाइहेङ खान्‍धुरता बोल्‍याका बान्‍हाइलि द्‍वावा रो ताइको द्‍याङगेलाइहेङ आसिसको हकदार बान्‍हायावा।

साल्न्हाका चात्या 26:18

ना एम्‍बालाइको मिँ हेपितेङ एम्‍बालाइहेङ कितिकितिकासो फाइसालामकाता, दियाबलसको सरबङसो परमेस्‍वरभारि घुरिपालि गोयाना। एम्‍बालाइ कार्‍हुता खान्‍धुर पाखे कालाउ एम्‍बालाइको कुकरम मेटिन्‍हावा रो एम्‍बालाइ परमेस्‍वरको साल्‍तेङ दिङगिल्‍का जनगेलाइको निङका एबाखारा निनावा।’

1 कोरिन्थि 9:25

घाकाता आसि र्‍हुकालाइ जिउहेङ सादाइलि दिनाङ रफत पाखे। एम्‍बालाइ ते मुअ्‍तेङ हानेका ताज निङलि एसा पाखे। कालाउ केलाइचाहिँ मामुअ्‌का मुकुट निङलि एसा पान्‍हाखे।

गलाति 3:18

हाइदोनु परमेस्‍वरको प्‍याङका दोअ्‌का खाबारा नियम मानितेङ निङनु ते इङको कबोल दोङ माजेङहि। कालाउ इदोइ ते परमेस्‍वर कबोल पातेङ आब्राहामहेङ पिलिङदोका हि।

कलस्सि 1:12

कालाउ परमेस्‍वर आबा फाइसालाम्‍काको सारभिता वाको पुनित जनगेलाइको निङका काथा नेलाइ बुङ निङलि दोका बान्‍हाइकाता वासेहेङ दिनाङ च्‍याबास चार्‍हाइसु।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

कलस्सि 3:24

हाइदोनु नेलाइ गेसुखेना, नेलाइहेङ प्रभु इनाम प्‍यावा। इङको इनाम चाहिँ वाको पाका कबोलको सहसाम्‍पा एइ। कालाउ नेलाइ जाइहेङ चाकर पासुखेना वा दोङ प्रभु ख्रिस्‍ट हि।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

याकुब 1:11

जेसापा चेरेङगापा सानेलाउ ल्‍हेअ्‌ सेङतेङ हुल्‍खे। कालाउ इङको ल्‍हेअ्‌को कोइन्‍हाका दोङ राम्‍खे।

1पतरुस 3:9

एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।