1पतरुस 1:3 - धिमाल

³ केलाइको प्रभु इसु ख्रिस्‍टको आबा परमेस्‍वरको बाखिन्‍का ज्‍याको। वा इसु ख्रिस्‍टहेङ सिकासो सिन्‍हुपातेङ परमेस्‍वरको हेन्‍जाङ दायाहोइ केलाइहेङ नावा जोलोम पिहि। इदोइखातिर केलाइको सिन्‍हुका आस इदोङ हि,

Dhimal NT

³ केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

1पतरुस 1:3 Iomraidhean Croise

युहन्‍ना 1:13

एम्‍बालाइ हितिसो, जिउको लाल्‍सासो रो हिदिङ द्‍याङको लाल्‍सासो माको, कुलाउ परमेस्‍वर दोङ एम्‍बालाइहेङ ताइको चान चामिन्‍दि बान्‍हाइहि।

1 कोरिन्थि 13:13

एला खान्‍धुर, आस रो माया जेलाउ बुङ ह्‍यावा। कालाउ इदोइ सुमलोङता झाराङखान्‍तेङ बाराका माया दोङ एइ।

1 कोरिन्थि 15:20

कालाउ ख्रिस्‍ट ते सितेङ आरोङ सिन्‍हुतेङ झाराङ खान्‍तेङ लाम्‍फा ल्‍होका काथा जातिङको। वा सिकालाइता सिन्‍हुका लाङ खामाल हिनाङ बो सिकालाइको बुङ सिन्‍हुपान्‍हाङ दोअ्‌का वा दोङ केलाइको दासि हि।

गलाति 6:16

कालाउ जाइ इदोइ नियमता चलिखे, एम्‍बालाइहेङ परमेस्‍वर दायातेङ सुकाका प्‍यावा। कालाउ इङको द्‍याङगेलाइ दोङ परमेस्‍वरको ताइको द्‌याङगेलाइ जेनावा।

कलस्सि 1:23

जातिङको नेलाइ थिर रो खान्‍धुरता बोल्‍याका जेङतेङ हिसु। नेलाइको हिङका रेम्‍काबानालता परमेस्‍वरको कबोल पाका आस पालि मामालाअ्‌सु। इदोङ रेम्‍काबानाल दुनियाको झाराङ द्‌याङगेलाइहेङ हिङपान्‍हाका हि। कालाउ का पावल इदोङ रेम्‍काबानाल हिङपालिको भाअ्‌सिङ चाकर जेङका हिघा।

कलस्सि 1:27

एम्‍बालाइहेङ झाराङ द्‍याङगेलाइको भाअ्‌सिङ इङको लिअ्‌ताको काथा हेथे बाराका हि दोअ्‌तेङ हेपिका परमेस्‍वरको उपाइ हिघाहि। कालाउ इङको लिअ्‌ताको काथाचाहिँ इदोङ एइ: ख्रिस्‍ट नेलाइको मनता हि रो नेलाइको मानता बासा ह्‍यावा।

1 थेस्लोनिकि 1:3

केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

1 थेस्लोनिकि 4:13

दादाओने बाइओनेगेलाइ, सिलिदोका खान्‍धुरिगेलाइको बारेता केलाइ नेलाइहेङ दोअ्‌लि भोन्‍हाखे। एन्‍साङ बोजात्‍यागेलाइभाइपाङ नेलाइ सोक पालि मागोयाको।

2 थेस्लोनिकि 2:16

केलाइको प्रभु इसु ख्रिस्‍ट रो परमेस्‍वर आबा केलाइहेङ माया पाहि। कालाउ वाको निगाहासो हेअ्‌लाउ मादोका हाउसा रो रेम्‍का आस प्‍याको।

1तिमोथि 1:14

केलाइको प्रभुको निगाहा का हेन्‍जाङ निङका हिघा। ख्रिस्‍ट इसुता निङका खान्‍धुरि रो दाया प्रभु दोङ कासेहेङ पिहि।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

याकुब 1:18

केलाइ सिरजाइको लाङ सेकागेलाइभाइपाङ जेङलि द्‌वाको दोअ्‌तेङ वा ताइकोङ लाल्‍सासो सत कथनहोइ केलाइहेङ नावा पातेङ सिरजाइका हि।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

1पतरुस 1:21

ख्रिस्‍टसो नेलाइ परमेस्‍वरता खान्‍धुर पासुन्‍हा, जाइ वासेहेङ सिकासो सिन्‍हुपाहि रो वासेहेङ प्रताप पिहि, इदोइभाअ्‌सिङ नेलाइ खान्‍धुर रो आस परमेस्‍वरता ताअ्‌सुखेना।

1पतरुस 1:23

परमेस्‍वरको सिन्‍हुका रो दिनाङ हितेङहिका कथनसो नेलाइ नावा जेङतेङ जोल्‍मिका हिसुन्‍हा। नेलाइ मुअ्‌का आबाको चानचामिन्‍दिगेलाइ माको, कालाउ मामुअ्‌का आबाको चानचामिन्‍दिगेलाइ जेङका हिसुन्‍हा।

1पतरुस 2:2

एलाङ खिनिङ जोन्‍मिका जामाल म्‍हितुतेङ आमाइको दुदु आम्‍लि भोकाभाइपाङ नेलाइ बुङ परमेस्‍वरको सत कथनहेङ आम्‍लि भोसु रो इन्‍तासो ताइको छुटकाराता आगा लाङतेङ हानेलि दोस्‍वाना।

1पतरुस 3:15

ख्रिस्‍टहेङ नेलाइ कोन्‍धाङसोङ प्रभु साअ्‌तेङ वासेहेङ मान पासु। नेलाइलिअ्‌ता हिका आसको बारेता हासुङ हिअ्‌हि पानु इङकोको बारेता दोअ्‍पिलि दिनाङ त्‍यार हिसु।

1पतरुस 3:21

इदोइहोइ बतिस्‍माहेङ तिङपाखे, जाइ नेलाइहेङ सिन्‍हुपाखे। इदोइ ताइ जिउको आखेका झाका भाइका माको, कालाउ इदोङ एल्‍का मनहोइ परमेस्‍वरदोफा पाका कबोल एइ। कालाउ जेसापा इसु ख्रिस्‍ट सिकासो सिन्‍हुपान्‍हाहि एन्‍साङ पातेङ बतिस्‍माहोइ नेलाइहेङ बुङ बान्‍चेपावा।

1पतरुस 3:5

हाइदोनु परमेस्‍वरता भर पाका लाम्‍फाको धरमाति बेबालाइ ताइमिङहेङ बुङ एसापा सोबाइ पाघाखे रो ताइको केअ्‌को आधिनता बुङ हिघाखे।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।

१ युहन्‍ना 3:9

परमेस्‍वरको जामाल कुकरम पातेङमाहिखे हाइदोनु वाता परमेस्‍वरकोङ ज्‍यान हिखे। वा कुकरम पातेङ हिलिङ मादोखे हाइदोनु परमेस्‍वर दोङ वाको आबा हि।

१ युहन्‍ना 4:7

मोन्‍दाताकालाइ, केलाइ एमि भेनेङहेङ माया पाइने, हाइदोनु माया परमेस्‍वरसो लोखे। जाइ माया पाखे इङको परमेस्‍वरसो जोन्‍मिका एइ रो इङको परमेस्‍वरहेङ नाल्‍खे।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

१ युहन्‍ना 5:18

केलाइ गेन्‍हाखे, परमेस्‍वरको जाहान जेङकालाइ हासुङ बुङ कुकरम पातेङमाहिखे दोअ्‌तेङ केलाइ खान्‍धुर पान्‍हाखे। हाइदोनु परमेस्‍वरको चान एम्‍बालाइहेङ जोगाइतेङ ताअ्‌तावा रो दुरजन इङकोहेङ हाइदोङ पालि माद्‌वावा।

१ युहन्‍ना 5:4

हाइपानु परमेस्‍वरसो झाराङ जाहान दुनियाहेङ दोङ जितिलि द्‌वावा रो केलाइको खान्‍धुरहोइ दोङ दुनियाहेङ जितिलि द्‌वाङ।