1पतरुस 1:15 - धिमाल

¹⁵ कालाउ नेलाइहेङ काइका परमेस्‍वर पुनित हिका भाइपाङ नेलाइ बुङ गोताङ काथाता पुनित जेङसु।

Dhimal NT

¹⁵ नेलाइको पाका गोताङ काथाता ताइमिहेङ मारेम्का काथासो खेङसु, हाइपालिपानु परमेस्वर जाइ नेलाइहेङ चुनिहि वा पबित्तरो हि।

1पतरुस 1:15 Iomraidhean Croise

मत्‍ति 5:48

इदोइखातिर सादेलता हिका नेलाइको परमेस्‍वर आबा गोताङ काथाता रेम्‍का हिकाभाइपाङ नेलाइ बुङ गोताङ काथाता रेम्‍का जेङसु।”

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 3:14

इदोइखातिर का सादेलको इनाम जितिलिको भाअ्‌सिङ धाअ्‌दोङखा। परमेस्‍वर याको भाअ्‌सिङ ख्रिस्‍ट इसुसो असिमको ज्‍यान निङलि कासेहेङ काइका एइ।

फिलिप्पि 3:20

कालाउ केलाइ सादेलता हिका द्‌याङगेलाइ एइ। केलाइको प्रभु इसु ख्रिस्‍ट सादेलसो ल्‍वावा दोअ्‌तेङ वाको दामा खाङतेङ हिन्‍हाहि। वा दोङ केलाइहेङ छुटकारा प्‍यावा।

1 थेस्लोनिकि 2:12

केलाइ नेलाइहेङ आर्ति पिन्‍हाहि, बल पिन्‍हाहि रो बिम्‍ति पान्‍हाहि। एन्‍साङ नेलाइको ज्‍यान परमेस्‍वरहेङ मोन्‍दाताका ज्‍याको। हाइपानु वा नेलाइहेङ परमेस्‍वरको सारभि रो प्रतापता काइका हि।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

2 तिमोथि 1:9

परमेस्‍वर दोङ केलाइहेङ सिन्‍हुपातेङ ताइकोङ द्‍याङ जेङलि काइहि। केलाइको पाका कामहोइ माको, कालाउ वाको ताइकोङ बिचार रो निगाहाहोइ केलाइहेङ ताइको बान्‍हाइलि काइहि। सिरजाइ खान्‍तेङ लाम्‍फा दोङ केलाइहेङ ख्रिस्‍ट इसु इदोइ निगाहा पिका।

तितस 3:14

केलाइको द्‍याङगेलाइ बिथाता ज्‍यान थाल्‍लिमागोयाङ। एम्‍बालाइ रेम्‍का काम पातेङ हारजा परेका पहरता द्‍याङगेलाइहेङ साहेता पालि द्‍वाको।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

याकुब 3:13

नेलाइको माझाता हासुङ आकिलहिका रो बुझाकि द्‌याङ हि पानु वा ताइको ज्‍यानता नोइतेङ द्‌याङगेलाइको माझाता रेम्‍का काम पातेङ तिम्‍पाको।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 2:9

कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।

1पतरुस 3:16

कालाउ एसापा दोअ्‌पिलाउ नोइतेङ, मान पातेङ दोअ्‌सु रो ताइको मन साफा ताअ्‌सु। एन्‍सा जेङनु नेलाइ ख्रिस्‍टहेङ पिताइलाउ पाका रेम्‍का चालचलनहेङ तिङतेङ नेलाइको खिलापता धुइतेङ बादनाम पाकालाइ ताइमिङ लेदेरावा।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।