1पतरुस 1:13 - धिमाल

¹³ इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

Dhimal NT

¹³ ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 1:13 Iomraidhean Croise

मत्‍ति 20:4

वा एम्‍बालाइहेङ दोअ्‌हि, ‘नेलाइ बुङ काङको आङगुर बारिता काम पालि हानेसु रो नेलाइको निङलि गोइका मुनासिप जेला का नेलाइहेङ प्‍याङका।’

लुका 12:35

इङकोन्‍हुअ्‌सो इसु दोअ्‌हि, “ताइको केङखेने जिङतेङ त्यार जेङतेङ हिसु रो गिसागेलाइ जोलाइतेङ ताअ्‌सु।

लुका 17:30

का द्‌याङको चान लोका दिना बुङ एन्‍साङ ज्‍यावा।

लुका 17:8

भुरुङ ‘काङको भाअ्‌सिङ उम सार गा रो मिङतेङ कासेहेङ चालि पि। कालाउ का चालि दोअ्‌तेङ खिनिङ ना चा।’

1 कोरिन्थि 1:7

इदोइखातिर केलाइको प्रभु इसु ख्रिस्‍ट लोका दामा र्‍हुमलाउ नेलाइहेङ हिदिङ बरको हारजा माज्‍यावा।

1 कोरिन्थि 13:13

एला खान्‍धुर, आस रो माया जेलाउ बुङ ह्‍यावा। कालाउ इदोइ सुमलोङता झाराङखान्‍तेङ बाराका माया दोङ एइ।

कलस्सि 3:4

नेलाइहेङ नावा ज्‍यान पिका ते ख्रिस्‍ट दोङ हि। वा इदोइ सुमिङता द्‌याङगेलाइकोता तिङन्‍हालाउ नेलाइ बुङ वा दोफाङ तिङन्‍हास्‍वाना रो वा दोफाङ मानता आसि र्‍हुस्‍वाना।

2 थेस्लोनिकि 1:7

तु: सहेका नेलाइ रो केलाइहेङ वा छुटकारा प्‍यावा। वा प्रभु इसु सरबङहिका सादेलचरगेलाइ दोफा मेको रापता सादेलसो लोलाउ इदोइ गोताङ पावा।

2 तिमोथि 4:5

कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

1पतरुस 1:10

इदोइ छुटकाराको बारेता आगाधुइकालाइ भोहि कालाउ परमेस्‍वर नेलाइहेङ पिका छुटकाराको बारेता लाम्‍फासोङ दोअ्‌का हिघाहि।

1पतरुस 3:15

ख्रिस्‍टहेङ नेलाइ कोन्‍धाङसोङ प्रभु साअ्‌तेङ वासेहेङ मान पासु। नेलाइलिअ्‌ता हिका आसको बारेता हासुङ हिअ्‌हि पानु इङकोको बारेता दोअ्‍पिलि दिनाङ त्‍यार हिसु।

1पतरुस 4:7

गोताङ काथागेलाइको आखिर जेङलिङ तोम्‍का हि। इदोइखातिर नेलाइ ताइको मनहेङ आधिता ताअ्‌सु रो हुसपातेङ पुकार पासु।

1पतरुस 5:12

काङको खान्‍धुरि ओने सिलासको मदतसो इदोइ पोतोका चिथि नेलाइहेङ लेखेका हिघा। का इदोइ चिथिता परमेस्‍वरको जातिङको निगाहाको दासि पिलि रो नेलाइको हाउसाला बार्‍हेपापिलि भाअ्‌सिङ लेखेका एइ। कालाउ नेलाइ इदोइ निगाहाता बोल्‍याका जेङलि दोसु।

1पतरुस 5:8

हुस ताअ्‌सु रो चानाखा जेङसु। हाइदोनु नेलाइको दुस्‍मन दियाबलस डिकिरिम्‍का झाबिरिभाइपाङ हासुहेङ निनाङका रो चाङका दोअ्‌तेङ दाउ खान्‍तेङ घुराइगिल्‍दोङखे।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।