१ युहन्‍ना 4:7 - धिमाल

⁷ मोन्‍दाताकालाइ, केलाइ एमि भेनेङहेङ माया पाइने, हाइदोनु माया परमेस्‍वरसो लोखे। जाइ माया पाखे इङको परमेस्‍वरसो जोन्‍मिका एइ रो इङको परमेस्‍वरहेङ नाल्‍खे।

Dhimal NT

⁷ आनाउ, केलाइ एमिसो-भेनेङहेङ प्रेम पाइने, हाइपालिपानु प्रेम परमेस्वरसो लोखे जाइ आरुहेङ प्रेम पाखे उङको परमेस्वरको सान्तान दोङ, कालाउ वा परमेस्वरहेङ नाल्खे।

१ युहन्‍ना 4:7 Iomraidhean Croise

युहन्‍ना 13:34

एलोङ नावा हुकुम का नेलाइहेङ प्‍याङकाः नेलाइ एमि भेनेङहेङ इन्‍ताना पासु। नेलाइहेङ का जेसापा इन्‍ताना पाका हिघा, नेलाइ बुङ एमि भेनेङहेङ एन्‍साङ इन्‍ताना पासु।

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

1 कोरिन्थि 8:3

कालाउ जाइ परमेस्‍वरहेङ माया पाखे, इङकोहेङ परमेस्‍वर ताइको बान्‍हाइखे।

गलाति 4:9

कालाउ एला ते नेलाइ परमेस्‍वरहेङ नाल्‍का हिसुन्‍हा रो परमेस्‍वर नेलाइहेङ नाल्‍का हि। कालाउ नेलाइ हेसापा लाम्‍फाको दुनियाको बिथाको बिद्‌या भारि घुरितेङ हानेलि भोसुखेना? नेलाइ आरोङ हाइपालि एम्‍बालाइको बान्‍धाइ जेङलि भोसुखेना?

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

2 तिमोथि 1:7

हाइदोनु परमेस्‍वर केलाइहेङ थिकाको हाङसा माको कालाउ सरबङ, माया कालाउ ताइमिङहेङ आधिनता ताअ्‌का हाङसा पिका हि।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

१ युहन्‍ना 2:10

जाइ ताइको दादाओने बाइओनेगेलाइहेङ माया पाखे, इङकोचाहिँ जोल्‍काता हिखे रो इङकोता बोमिहेङ कुकरम पापाका हिदिङ काथा बुङ माहिखे।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 2:4

एदि हासुङ वासेहेङ नाल्‍खा दोअ्‌खे कालाउ वाको हुकुम मासाअ्‌खे पानु इङको असत एइ कालाउ इङकोता सत मान्‍थुखे।

१ युहन्‍ना 2:7

काङको मोन्‍दाताकालाइ, का नेलाइहेङ हिदिङ नावा हुकुम माको, कालाउ इङकोङ पुरना हुकुम लेखेदोङखा, जाइ लाम्‍फासो नेलाइदोफाङ हिघाहि। इदोइ पुरना हुकुम नेलाइ हिङकाङ कथन एइ।

१ युहन्‍ना 3:9

परमेस्‍वरको जामाल कुकरम पातेङमाहिखे हाइदोनु वाता परमेस्‍वरकोङ ज्‍यान हिखे। वा कुकरम पातेङ हिलिङ मादोखे हाइदोनु परमेस्‍वर दोङ वाको आबा हि।

१ युहन्‍ना 4:11

मोन्‍दाताकालाइ, परमेस्‍वर एसापा केलाइहेङ माया पाका एइ पानु, केलाइ बुङ एमि भेनेङहेङ माया पाइने।

१ युहन्‍ना 4:12

परमेस्‍वरहेङ हासुङ हेअ्‌लाउ तिङका मान्‍थु। एदि केलाइ एमि भेनेङहेङ माया पान्‍हाहि पानु परमेस्‍वर केलाइता ह्‍यावा रो वाको माया केलाइता पोङघाका हि।

१ युहन्‍ना 4:16

एसापा केलाइ ताइमिङ बुङ परमेस्‍वर केलाइहेङ माया पाखे दोअ्‌का काथा गेन्‍हाखे रो इङको मायाता केलाइ खान्‍धुर पान्‍हाखे। परमेस्‍वर माया हि रो जाइ मायाता हिखे इङको परमेस्‍वरता हिखे रो परमेस्‍वर वाता हिखे।

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?

१ युहन्‍ना 4:8

जाइ बोमिहेङ माया मापाखे इङको परमेस्‍वरहेङ मानाल्‍खे। हाइदोनु परमेस्‍वर माया हि।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

२ युहन्‍ना 1:5

ओइ मोन्‍दाताका आनाउ, का नासेहेङ हिदिङ नावा हुकुम लेखेका माको। कालाउ लाम्‍फासो निङका हुकुमआन्‍सार का नासेहेङ पुकार पाखा। इङको काथाचाहिँ केलाइ एमि भेनेङहेङ माया पाइने दोअ्‌तेङ का नेलाइहेङ बिनइ पाखा।