१ युहन्‍ना 4:6 - धिमाल

⁶ कालाउ केलाइ ते परमेस्‍वरको एइ। जाइ परमेस्‍वरहेङ नाल्‍खे वा केलाइको काथा हिङखे। जाइ परमेस्‍वरको माको, इङको केलाइको काथा माहिङखे। इदोङसो केलाइ सतको हाङसा रो आवाइपाका हाङसाहेङ नालन्‍हाखे।

Dhimal NT

⁶ केलाइते परमेस्वरको द्‍याङगेलाइ हिनाहि। जाइ परमेस्वरहेङ नाल्खे वा केलाइको धिरपाका सिक्स्या हिङखे, कालाउ जाइ परमेस्वरको माको वा केलाइको धिरपाका सिक्स्या बुङ माहिङ पिखे। इदोइ पाहासो केलाइ सत्ये धुइका आत्मा कालाउ धाताइका आत्माहेङ नाल्लि दोनाखे।

१ युहन्‍ना 4:6 Iomraidhean Croise

लुका 10:22

“काङको आबा कासेहेङ गोताङ थोक जिम्‍मा पिकाहि। आबाबिना का चानहेङ हासुङ मानाल्‍खे। एन्‍साङ चान रो वाको नाल्‍पाका द्‌याङगेलाइ बिना बो हासुबुङ आबाहेङ मानाल्‍खे।”

युहन्‍ना 10:16

“काङको बो भेरा हि, जाइ इदोइ खोतारको माको। एम्‍बालाइहेङ बुङ का चुमालिगोइका हि। एम्‍बालाइ काङको गाला हिन्‍हावा रो एम्‍बालाइ एलोङदोङ जेर ज्‍यावा रो एलोङदोङ घोका ज्‍यावा।

युहन्‍ना 10:27

काङको भेरागेलाइ काङको गाला हिङखे, का एम्‍बालाइहेङ नाल्‍खा रो एम्‍बालाइ कासेहेङ पिताइतेङ लोखे।

युहन्‍ना 10:3

द्‌वारपाल वाको भाअ्‌सिङ फिनु हेपिखे। भेरागेलाइ वाको गाला हिङखे रो वा ताइको भेरागेलाइहेङ मिङ ल्‍होपितेङ काइखे, कालाउ एम्‍बालाइहेङ बाहार चुम्‍पुखे।

युहन्‍ना 13:20

जातिङको का नेलाइहेङ दोअ्‌खा, जाइहेङ का दिङगिलाङका वासेहेङ र्‍हुका कासेहेङ र्‍हुकावा रो कासेहेङ र्‍हुका कासेहेङ दिङगिल्‍काहेङ र्‍हुकावा।”

युहन्‍ना 14:17

या सतको हाङसा हि, जाइहेङ दुनिया र्‍हुलि माद्‍वावा, हाइदोनु दुनिया वासेहेङ ना ते तिङखे ना नाल्‍खे। नेलाइ वासेहेङ नाल्‍सुखेना, वा नेलाइदोफा बासा हिखे रो वा नेलाइता हितेङह्‍यावा।

युहन्‍ना 15:26

“जेलाउ साल्‍हापिका ल्‍वावा जाइहेङ का आबाको पाहासो सतको हाङसा नेलाइकोता दिङगिलप्‍यावा। जाइ आबासो लोखे वा दोङ काङको बारेता दासि प्‍यावा।

युहन्‍ना 16:13

जेलाउ वा पुनित हाङसा ल्‍वावा, कोलाउ वा नेलाइहेङ गोताङ सतता थोङगिलावा। वा ताइको पाहासो माधुयावा। वा जेदोङ हिनावा, इङकोङ धुयावा रो जेङलि लोका काथागेलाइ नेलाइहेङ हुकुम पाप्‍यावा।

युहन्‍ना 18:37

पिलातस इसुहेङ हिअ्‌हि, “एन्‍सा पानु, हाइ ना राजा दोङ हिना ते?” इसु दोअ्‌हि, “का राजा हिघा दोअ्‌तेङ ना ताइमिङ दोअ्‌दोङखेना। याकोङ भाअ्‌सिङ का जोन्‍मेका एइ रो याकोङ भाअ्‌सिङ सतको दासि पिलि का इदोइ दुनियाता लोका एइ। झाराङ जाइ सतको पाहाता हि, इङको काङको दोअ्‍का साअ्‌खे।”

युहन्‍ना 20:21

कालाउ इसु आरोङ एम्‍बालाइहेङ दोअ्‌हि, “नेलाइहेङ सुबिस्‍ता ज्‍याको! जेसापा आबा कासेहेङ दिङगिल्‍हि, एन्‍साङ का बुङ नेलाइहेङ दिङगिलाङका।”

युहन्‍ना 8:19

एम्‍बालाइ वासेहेङ हिअ्‌हि, “नाङको आबा हिता हि?” इसु दोअ्‌हि, “नेलाइ ना ते कासेहेङ ना काङको आबाहेङ नाल्‍सुखेना। नेलाइ कासेहेङ नाल्‍का हिनु, काङको आबाहेङ बुङ नाल्‍सुधाना।”

युहन्‍ना 8:23

कालाउ इसु एम्‍बालाइहेङ दोअ्‌हि, “नेलाइ लेताको एइ। का र्‍हुताको एइ। नेलाइ इदोङ दुनियाको एइ। का इदोइ दुनियाको माको।

1 कोरिन्थि 14:37

एदि नेलाइता हासुङ ताइमिङहेङ आगाधुइका माकोनु पुनित हाङसाको पिका बर हि दोअ्‌तेङ फोमपाखे पानु, काङको लेखेका इदोइ काथागेलाइ प्रभुको हुकुम दोङ एइ दोअ्‌का इङको ग्‍याको।

2 थेस्लोनिकि 1:8

कालाउ परमेस्‍वरहेङ मानाल्‍कालाइहेङ रो केलाइको प्रभु इसुको रेम्‍काबानाल मासाअ्‌कालाइहेङ वा दार प्‍यावा।

1तिमोथि 4:1

पुनित हाङसा रेम्‍फा गिपातेङ दोअ्‌खे, न्‍हुअ्‌सो लोका पहरता हेथे द्‍याङगेलाइ खान्‍धुर दोङ पालि लाअ्‌तावा। एम्‍बालाइ असत हाङसागेलाइको रो मासानको दोअ्‌का काथा साअ्‌तावा।

२ पत्‍रुस 3:2

लाङफोरतिको पहरता पुनित आगाधुइकालाइ दोअ्‌का काथा रो नेलाइको प्रेरितगेलाइसो पिका प्रभु रो छुटकारा पिकाको हुकुमहेङ नेलाइ फोम पासु।

१ युहन्‍ना 4:1

मोन्‍दाताकालाइ, ताइमिदोफा पुनित हाङसा हि दोअ्‌तेङ धुइकालाइहेङ खान्‍धुर मापासु, कालाउ नेलाइदोफा परमेस्‍वरको हाङसा एइ ना माको जाचेतेङ खाङसु। हाइदोनु हेन्‍जाङ असत आगाधुइकालाइ बुङ जेसोकोसोङ हानेका हि।

१ युहन्‍ना 4:4

काङको दायाका जामालाइ, नेलाइ परमेस्‍वरको एइ रो नेलाइ असत आगाधुइकालाइहेङ जितिका हिसुन्‍हा। हाइदोनु नेलाइता हितेङहिका पुनित हाङसाचाहिँ दुनियाता हिका हाङसाखान्‍तेङ सरबङहिका हि।

१ युहन्‍ना 4:8

जाइ बोमिहेङ माया मापाखे इङको परमेस्‍वरहेङ मानाल्‍खे। हाइदोनु परमेस्‍वर माया हि।

१ युहन्‍ना 5:19

केलाइ गेन्‍हाखे, परमेस्‍वरहेङ मानाल्‍का द्‌याङगेलाइ दियाबलसको खाबराता हिलाउ बुङ केलाइचाहिँ परमेस्‍वरको जाहान हिन्‍हाहि।