१ युहन्‍ना 4:21 - धिमाल

²¹ ख्रिस्‍ट केलाइहेङ पिका हुकुम इदोङ एइ: परमेस्‍वरहेङ जाइ माया पाखे, इङको ताइको दादाओने बाइओनेहेङ बुङ माया पालि गोयाङ।

Dhimal NT

²¹ केलाइ वाकोसो इदोइ आग्या निङका हिनाहि, कि जाइ परमेस्वरहेङ प्रेम पाखे वा ताइको खान्धुराइ ओनेहेङ बुङ प्रेम पालि गोइखे।

१ युहन्‍ना 4:21 Iomraidhean Croise

मत्‍ति 5:43

“नेलाइ इसिका दोअ्‌का हिङका हिसुन्‍हा, ‘भेर्पाकोहेङ माया पासु रो दुस्‍मनहेङ दिगमिग पासु।’

लुका 10:37

धरम मास्‍टर दोअ्‌हि, “दाया पाका द्‍याङ!” इसु दोअ्‌हि, “हाने, ना बुङ एङसाङ पा।”

युहन्‍ना 15:12

“काङको हुकुम इदोइ दोङ एइ, जेसापा का नेलाइहेङ इन्‍ताना पाघा, नेलाइ बुङ एमि भेनेङहेङ एन्‍सा दोङ इन्‍ताना पासु।

गलाति 5:14

हाइदोनु नेलाइ एलोङ हुकुम साअ्‌सुन्‍हा पानु, गोताङ नियम साअ्‌स्‍वाना। इङको हुकुमचाहिँ इसिका हि, “ना ताइको भेरपाकोहेङ ताइमिहेङ भाइपाङ माया पा।”

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

1 थेस्लोनिकि 4:9

एला खान्‍धुरिगेलाइ ताताइमिता माया पाका बारेता हासुङ नेलाइहेङ हाइदोङ लेखेलि मागोयाङ। हाइपानु एमि भेनेङहेङ दाया पालि दोअ्‌का नेलाइ ताइमिङ बुङ परमेस्‍वरसो बिद्‍या निङका हिसुन्‍हा।

1पतरुस 3:8

आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।

1पतरुस 4:8

झाराङखान्‍तेङ बाराका काथाचाहिँ एमि भेनेङहेङ इन्‍ताना पासु, हाइदोनु इन्‍ताना दोङ हेन्‍जाङ कुकरमगेलाइहेङ थुम्‍खे।

१ युहन्‍ना 2:7

काङको मोन्‍दाताकालाइ, का नेलाइहेङ हिदिङ नावा हुकुम माको, कालाउ इङकोङ पुरना हुकुम लेखेदोङखा, जाइ लाम्‍फासो नेलाइदोफाङ हिघाहि। इदोइ पुरना हुकुम नेलाइ हिङकाङ कथन एइ।

१ युहन्‍ना 3:11

नेलाइ लाम्‍फासो दोङ हिङका बानाल इदोइ एइ, “केलाइ ताताइमिता माया पालिगोयाङ।”

१ युहन्‍ना 3:14

केलाइ गेन्‍हाखे, केलाइ ते सिकासो छुटकारा जेङतेङ ज्‍यानता सारेन्‍हाका हिन्‍हाहि। हाइदोनु केलाइ ताइको दादाओने बाइओनेगेलाइहेङ माया पान्‍हाखे। जाइ माया मापाखे, इङको सिकाता हितेङहिखे।

१ युहन्‍ना 3:18

काङको दायाका जामालाइ, केलाइ कथन रो नुइहोइ खिनिङ माया मापाइने। कालाउ काम रो सतहोइ माया पाइने।

१ युहन्‍ना 3:23

कालाउ परमेस्‍वरको हुकुम इदोइ दोङ एइ। वा केलाइहेङ हुकुम पाका आन्‍सार केलाइ वाको चान इसु ख्रिस्‍टको मिङता खान्‍धुर पालिगोयाङ रो केलाइ एमि भेनेङहेङ माया पालिगोयाङ।

१ युहन्‍ना 4:11

मोन्‍दाताकालाइ, परमेस्‍वर एसापा केलाइहेङ माया पाका एइ पानु, केलाइ बुङ एमि भेनेङहेङ माया पाइने।