१ युहन्‍ना 4:17 - धिमाल

¹⁷ एसापा केलाइ पोङघापाङ बोमिहेङ माया पान्‍हाखे रो ख्रिस्‍ट दुनियाता पाका भाइपाङ सहेन्‍हाखे पानु नियाको दिना केलाइ थिलि मागोयाङ।

Dhimal NT

¹⁷ एसापा जेलाउ केलाइ परमेस्वरता ए जेङतेङ हिनाखे, केलाइको प्रेम सिद्द जेङतेङ हानिनाखे, कालाउ केलाइ न्यायको दिनाको भाअ्सिङ थिलि मागोयाङ, कालाउ केलाइ निर्धक्क जेङतेङ वाको आगाता जाअ्लि द्वाङ, हाइपालिपानु ख्रिस्ट भाइपाङ केलाइ बुङ इदोइ सुमिङता जिबन जियाइनाखे।

१ युहन्‍ना 4:17 Iomraidhean Croise

मत्‍ति 10:15

जातिङको, का नेलाइहेङ दोअ्‌खा, नियाको दिनाता इङको पुरको हालात खान्‍तेङ भुरुङ सदोम रो गमोरा पुरको दासा हेन्‍जा सहेलि दोका ज्‍यावा।

मत्‍ति 10:25

चात्‍या ताइको मास्‍टरभाइपा रो बान्‍धाइ ताइको गिर्‍हिभाइपा जेङलि निङकाता लेङचा। एला एम्‍बालाइ साअ्‌को गिर्‍हिहेङ दोङ मासानको राजा दियाबलस दोअ्‌काहिपानु, वाको खालगेलाइहेङ झन हेथे हेन्‍जा मारेम्‍का दोअ्‌तावा?

मत्‍ति 11:22

कालाउ बुङ का नेलाइहेङ दोअ्‌खा, निसापको दिनाता नेलाइको खान्‍तेङ ते टुरोस रो सिदोन पुरको द्‍याङगेलाइको दासा हेन्‍जा सहेलि दोका ज्‍यावा।

मत्‍ति 11:24

कालाउ बुङ का नेलाइहेङ दोअ्‌खा, निसापको दिनाता नाङको खान्‍तेङ ते सदोम पुरको दासा हेन्‍जा सहेलि दोका ज्‍यावा।”

मत्‍ति 12:36

का नेलाइहेङ दोअ्‌खा, ‘जाइ माजेङका काथा धुइखे, नियाको दिनाता एम्‍बालाइ इङकोको हिसाब पिलिगोयावा।’

युहन्‍ना 15:20

का नेलाइहेङ दोअ्‌का कथन फोम पासु, ‘कामत्‍या साअ्‌को गिर्‍हिखान्‍तेङ बाराका माजेङखे।’ एम्‍बालाइ कासेहेङ सान्‍ताइहि पानु नेलाइहेङ बुङ सान्‍तायावा। एम्‍बालाइ काङको कथन साअ्‌हि पानु नेलाइको कथन बुङ साअ्‌तावा।

युहन्‍ना 17:22

जेदोङ प्रताप ना कासेहेङ पिका हिन्‍हा, का एम्‍बालाइहेङ पिका हिघा रो केलाइ ए जेङकाभाइपाङ एम्‍बालाइ बुङ ए ज्‍याको।

याकुब 2:13

हाइपानु जेदोङ द्‌याङ बोमिहेङ मादायाखे, इङकोको निया बुङ इङकोङआन्‍सार जेङखे। कालाउ जाइ बोमिहेङ दायाखे, इङकोङ आन्‍सार परमेस्‍वर निया पावा।

याकुब 2:22

आब्राहामको खान्‍धुर वाको कामता नारिन्‍हाहि रो वाको कामसो वाको खान्‍धुर पोङघाहि दोअ्‌तेङ हाइ नेलाइ मातिङसुखेना?

२ पत्‍रुस 2:9

एसापा ताइको चाकरगेलाइहेङ आपतको दिनाता जोगाइतेङ तअ्‌लि रो दुरजनगेलाइहेङ साजाइ पिलि नियाको दिनाथिकापा ताअ्‌लि प्रभु गेखे।

२ पत्‍रुस 3:7

कालाउ इङकोङ कथनहोइ परमेस्‍वरहेङ मासाअ्‌का द्‍याङको निसाप रो बिगारको दिनाथिकापाको भाअ्‌सिङ एलाको आदेल रो सुमिङ मेको भाअ्‌सिङ जोगाइतेङ ताअ्‌का हि।

१ युहन्‍ना 2:28

काङको दायाका जामालाइ, वाता हितेङहिसु, कोलाउ वा देखाल पिलाउ केलाइ हिमत निनाङ रो वा लोका इङको दिना वाको आगाता केलाइ लेदेरलि मागोयाको।

१ युहन्‍ना 2:5

कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।

१ युहन्‍ना 2:6

जाइ परमेस्‍वर दोफा हिघा दोअ्‌खे वा ख्रिस्‍टकोङ डेगआन्‍सार चलेलिगोइखे।

१ युहन्‍ना 3:1

हिङसु, केलाइहेङ परमेस्‍वर आबा हेथे हेन्‍जा माया पाका हि, वाको मायाहोइ केलाइ परमेस्‍वरको जाहान दोअ्‌न्‍हाका एइ कालाउ जतिङकोङ एइ बुङ। दुनियाको द्‌याङगेलाइ परमेस्‍वरहेङ मानालनाङसिङ एम्‍बालाइ केलाइहेङ बुङ मानाल्‍खे।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।

१ युहन्‍ना 3:7

काङको दायाका जामालाइ, हिदिङ बुङ द्‍याङ नेलाइहेङ छलेलि मानिनाको। धरमाति काम पाका द्‌याङ दोङ ख्रिस्‍टभाइपाङ धरमाति ज्‍यावा।

१ युहन्‍ना 4:12

परमेस्‍वरहेङ हासुङ हेअ्‌लाउ तिङका मान्‍थु। एदि केलाइ एमि भेनेङहेङ माया पान्‍हाहि पानु परमेस्‍वर केलाइता ह्‍यावा रो वाको माया केलाइता पोङघाका हि।