१ युहन्‍ना 4:13 - धिमाल

¹³ केलाइ गेन्‍हाखे, केलाइ परमेस्‍वरता हिन्‍हाखे रो परमेस्‍वर बुङ केलाइता हिखे। हाइदोनु वा केलाइहेङ ताइको पुनित हाङसा पिका हि।

Dhimal NT

¹³ वा केलाइहेङ ताइको पबित्तरो आत्मा पिकानाङ, केलाइ या गिनाखे कि केलाइ वा दोफा ए जेङतेङ हिनाहि कालाउ वा बुङ केलाइ दोफा ए जेङतेङ हिखे।

१ युहन्‍ना 4:13 Iomraidhean Croise

1 कोरिन्थि 2:12

केलाइ दुनियाको हाङसा मानिङन्‍हाहि, कालाउ परमेस्‍वरको पुनित हाङसा निङका हिन्‍हाहि। परमेस्‍वर केलाइहेङ पिका गोताङ काथा गेलि द्‍वाको दोअ्‌तेङ दोङ केलाइ इदोइ निङन्‍हाहि।

1 कोरिन्थि 6:19

हाइ नेलाइको जिउ पुनित हाङसाको थान दोअ्‌तेङ नेलाइ मागेसुखेना? परमेस्‍वरको पिका पुनित हाङसा दोङ नेलाइको जिउलिअ्‌ता ह्‍यावा। एन्‍साजेङलाउ नेलाइ वाकोङ रो नेलाइ ताइमिङचाहिँ ताइकोङ माको।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 2:5

कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।

१ युहन्‍ना 3:24

परमेस्‍वरको हुकुम मानेकालाइ झाराङ परमेस्‍वरताङ ह्‍यावा रो वाता परमेस्‍वर ह्‍यावा। वा केलाइहेङ पिका पुनित हाङसासो केलाइ गेन्‍हाखे, वा केलाइता बासा ह्‍यावा।