१ युहन्‍ना 4:12 - धिमाल

¹² परमेस्‍वरहेङ हासुङ हेअ्‌लाउ तिङका मान्‍थु। एदि केलाइ एमि भेनेङहेङ माया पान्‍हाहि पानु परमेस्‍वर केलाइता ह्‍यावा रो वाको माया केलाइता पोङघाका हि।

Dhimal NT

¹² परमेस्वरहेङ हासु बुङ हेलाउ बुङ तिङका मान्थु। जेसापा केलाइ एमिसो-भेनेङहेङ प्रेम पानाहे पानु परमेस्वर केलाइ दोफा ह्यावा, कालाउ वाको प्रेम केलाइता सिद्द जेङका हिखे।

१ युहन्‍ना 4:12 Iomraidhean Croise

युहन्‍ना 1:18

परमेस्‍वरहेङ हासुङ हेअ्‌लाउ तिङका मान्‍थु। कुलाउ आबाको दोसा हिका ए खिनिङ चान वासेहेङ देखाल पिका हि।

1 कोरिन्थि 13:13

एला खान्‍धुर, आस रो माया जेलाउ बुङ ह्‍यावा। कालाउ इदोइ सुमलोङता झाराङखान्‍तेङ बाराका माया दोङ एइ।

1तिमोथि 1:17

जुग जुग थिकापा राज पाका राजा, हेअ्‌लाउ मासिका रो तिङलि बुङ मादोका एखिनिङ परमेस्‍वरहेङ दिनाङ मान रो प्रताप हितेङह्‍याको। आमेन।

1तिमोथि 6:16

वा हेअ्‌लाउ मासिका रो हासुङ थुकालि मादोका फाइसालाम्‍काता ह्‍यावा। वासेहेङ हासुङ बुङ एलाथिकापा तिङका मान्‍थु रो तिङलि बुङ माद्‍वावा। दिनाङ दोङ हितेङ हिका सरबङ रो मान वाताङ ह्‍याको। आमेन।

१ युहन्‍ना 2:5

कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।

१ युहन्‍ना 3:24

परमेस्‍वरको हुकुम मानेकालाइ झाराङ परमेस्‍वरताङ ह्‍यावा रो वाता परमेस्‍वर ह्‍यावा। वा केलाइहेङ पिका पुनित हाङसासो केलाइ गेन्‍हाखे, वा केलाइता बासा ह्‍यावा।

१ युहन्‍ना 4:16

एसापा केलाइ ताइमिङ बुङ परमेस्‍वर केलाइहेङ माया पाखे दोअ्‌का काथा गेन्‍हाखे रो इङको मायाता केलाइ खान्‍धुर पान्‍हाखे। परमेस्‍वर माया हि रो जाइ मायाता हिखे इङको परमेस्‍वरता हिखे रो परमेस्‍वर वाता हिखे।

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?

१ युहन्‍ना 4:6

कालाउ केलाइ ते परमेस्‍वरको एइ। जाइ परमेस्‍वरहेङ नाल्‍खे वा केलाइको काथा हिङखे। जाइ परमेस्‍वरको माको, इङको केलाइको काथा माहिङखे। इदोङसो केलाइ सतको हाङसा रो आवाइपाका हाङसाहेङ नालन्‍हाखे।