१ युहन्‍ना 4:1 - धिमाल

¹ मोन्‍दाताकालाइ, ताइमिदोफा पुनित हाङसा हि दोअ्‌तेङ धुइकालाइहेङ खान्‍धुर मापासु, कालाउ नेलाइदोफा परमेस्‍वरको हाङसा एइ ना माको जाचेतेङ खाङसु। हाइदोनु हेन्‍जाङ असत आगाधुइकालाइ बुङ जेसोकोसोङ हानेका हि।

Dhimal NT

¹ आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

१ युहन्‍ना 4:1 Iomraidhean Croise

मर्कुस 13:21

इङको पहर हासुङ नेलाइहेङ “खाङसु, ‘ख्रिस्‍ट इता हि’, ‘इन्‍ता हि’ दोअ्‌नु नेलाइ खान्‍धुर मापासु।

लुका 12:57

हिदोइ काथा ठिक हि, हिदोइ काथा बेठिक हि दोअ्‌तेङ नेलाइ ताइमिङ हाइपालि निधो मापासुखेना?

लुका 21:8

इसु दोअ्‌हि, “होसपातेङ हिसु, नेलाइहेङ हासुबुङ ढाटाइलि माद्‌वाको। हाइदोनु हेन्‍जाङ द्‍याङगेलाइ काङको मिङ ओर्‍हाइतेङ ‘ख्रिस्‍ट का दोङ’ दोअ्‌तेङ ल्‍वावा। कालाउ ‘पहर भेरपाङ हि’ दोअ्‌तावा। कालाउ एम्‍बालाइहेङ मापिताइसु।

साल्न्हाका चात्या 17:11

इताको यहुदिगेलाइ थेसलोनिकेगेलाइखान्‍तेङ हेन्‍जाङ रेम्‍का हिघाखे। हाइदोनु एबालाइ रेम्‍काबानाल मन पितेङ हिङहि रो लेङचातेङ कथन र्‍हुहि। इङको काथागेलाइ मुनासिप इन्‍सिकाङ जेङ ना माको दोअ्‌तेङ एम्‍बालाइ दिनाङ धरमकिताब पर्‍हितेङ जाच पाघाखे।

साल्न्हाका चात्या 20:29

कालाउ का हानेकान्‍हुअ्‌सो झारको स्‍याइलेभाइका द्‍याङगेलाइ नेलाइको माझाता दुलावा रो मन्‍डलिहेङ पिर पिलि मालाअ्‌तावा दोअ्‌तेङ का गेखा।

1 कोरिन्थि 12:10

एन्‍साङ पातेङ आधेमिहेङ भारभुसाइका काम पाका, आधेमिहेङ आगाधुइ धुइका, आधेमिहेङ सत रो असत हाङसा खेङलि दोका, आधेमिहेङ भेभेनेङ खाल्‍को राउ धुइका रो आधेमिहेङ इङको राउको माने हेपिलि दोका सरबङ पिखे।

1 कोरिन्थि 14:29

आगाधुइ धुइकालाइ बुङ न्‍हेमि माकोनु सुमि झोको खिनिङ ह्‍याको। कालाउ बोगेलाइचाहिँ एम्‍बालाइको धुइका काथा रेम्‍फा हिनाको रो जाच पाको।

1 थेस्लोनिकि 5:20

आगाधुइहेङ दिगमिग मापासु।

1 थेस्लोनिकि 5:21

कालाउ गोताङ काथाको जाच पासु। जेदोङ काथा रेम्‍का हि इङकोताङ अचल हिसु।

2 थेस्लोनिकि 2:2

एदि हासुङ हिदिङ बुङ आगाधुइ, धुइका काथा माकोनु लेखेन्‍हाका काथासो प्रभु लाम्‍फा दोङ लोलि दोका हि दोअ्‌तेङ दोअ्‌खे पानु इङको काथा केलाइसो लोका फोमपातेङ नेलाइ सुरता मापासु रो माथिसु।

1तिमोथि 4:1

पुनित हाङसा रेम्‍फा गिपातेङ दोअ्‌खे, न्‍हुअ्‌सो लोका पहरता हेथे द्‍याङगेलाइ खान्‍धुर दोङ पालि लाअ्‌तावा। एम्‍बालाइ असत हाङसागेलाइको रो मासानको दोअ्‌का काथा साअ्‌तावा।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

२ पत्‍रुस 2:1

लाम्‍फालाम्‍फा जेसापा इस्राएलिगेलाइको माझाता असत आगाधुइकालाइ बुङ हिघाखे, एन्‍साङ पातेङ नेलाइको माझाता असत मास्‍टरगेलाइ जाअ्‌तावा। एम्‍बालाइ सिपापा मुअ्‌पाका असत बिद्‌यागेलाइ चुमावा रो ताइमिहेङ छुटकारा पिका प्रभुहेङ सुदाङ लाअ्‌वा। कालाउ ताइमिङर्‍हुता मारफाङ मुअ्‌का चुमावा।

१ युहन्‍ना 2:18

काङको दायाका जामालाइ, न्‍हुअ् पहर इदोङ एइ। ख्रिस्‍ट दुस्‍मन लोदोङखे दोअ्‌का नेलाइ हिङका हिसुन्‍हा। एला हेन्‍जाङ ख्रिस्‍ट बाइरि लोका हि। इदोइभाअ्‌सिङ केलाइ गेन्‍हाखे, इदोइ न्‍हुअ् पहर एइ।

१ युहन्‍ना 2:7

काङको मोन्‍दाताकालाइ, का नेलाइहेङ हिदिङ नावा हुकुम माको, कालाउ इङकोङ पुरना हुकुम लेखेदोङखा, जाइ लाम्‍फासो नेलाइदोफाङ हिघाहि। इदोइ पुरना हुकुम नेलाइ हिङकाङ कथन एइ।

२ युहन्‍ना 1:7

हाइपानु आवाइ पाकालाइ हेन्‍जाङ दोङ इदोइ दुनियाता लोका हि। एम्‍बालाइ इसु ख्रिस्‍ट जिउता लोका एइ दोअ्‌तेङ मन्‍जुर मापाखे। इसिका खामाल दोङ आवाइपाका रो ख्रिस्‍ट दुस्‍मन हि।

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।