१ युहन्‍ना 3:9 - धिमाल

⁹ परमेस्‍वरको जामाल कुकरम पातेङमाहिखे हाइदोनु वाता परमेस्‍वरकोङ ज्‍यान हिखे। वा कुकरम पातेङ हिलिङ मादोखे हाइदोनु परमेस्‍वर दोङ वाको आबा हि।

Dhimal NT

⁹ जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

१ युहन्‍ना 3:9 Iomraidhean Croise

मत्‍ति 7:18

रेम्‍का सिङ मारेम्‍का फल सेपालि मादोखे, ना मारेम्‍का सिङ रेम्‍का फल सेपालि दोखे।

युहन्‍ना 1:13

एम्‍बालाइ हितिसो, जिउको लाल्‍सासो रो हिदिङ द्‍याङको लाल्‍सासो माको, कुलाउ परमेस्‍वर दोङ एम्‍बालाइहेङ ताइको चान चामिन्‍दि बान्‍हाइहि।

युहन्‍ना 3:3

इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

साल्न्हाका चात्या 4:20

हाइपानु केलाइ तिङका रो हिङका काथागेलाइ माधुइसिङ केलाइ हिलि मामाद्‍वाङ।”

गलाति 5:17

हाइपानु केलाइको मारेम्‍का लाल्‍साको पालि खाङका काथा पुनित हाङसाको खिलापता रो पुनित हाङसाको पालि खाङका काथा केलाइको कुकरमि लाल्‍साको खिलापता हिखे। इदोइ न्‍हे सरबङ ए भेनेङको खिलापता ल्‍होखे। कालाउ केलाइको दुरजन बिचारहोइ पातेङ केलाइको पालि भोका रेम्‍का काम बुङ पालि मादोन्‍हाखे।

तितस 1:2

इदोइ सतचाहिँ असिम ज्‍यानको आसता आरेन्‍हाका हि। हेअ्‌लाउ बुङ असत माधुइका परमेस्‍वर सिरजाइ जेङकाखान्‍तेङ लाम्‍फा दोङ केलाइहेङ इदोइ ज्‍यान प्‍याङका दोअ्‌तेङ कबोल पाका हिघाहि।

1पतरुस 1:23

परमेस्‍वरको सिन्‍हुका रो दिनाङ हितेङहिका कथनसो नेलाइ नावा जेङतेङ जोल्‍मिका हिसुन्‍हा। नेलाइ मुअ्‌का आबाको चानचामिन्‍दिगेलाइ माको, कालाउ मामुअ्‌का आबाको चानचामिन्‍दिगेलाइ जेङका हिसुन्‍हा।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 3:6

इदोइभाअ्‌सिङ ख्रिस्‍टता हिका हासुङ कुकरम पातेङमाहिखे। कुकरम पातेङहिका हासुङ वासेहेङ ना तिङका हि ना ते नाल्‍का दोङ हि।

१ युहन्‍ना 4:7

मोन्‍दाताकालाइ, केलाइ एमि भेनेङहेङ माया पाइने, हाइदोनु माया परमेस्‍वरसो लोखे। जाइ माया पाखे इङको परमेस्‍वरसो जोन्‍मिका एइ रो इङको परमेस्‍वरहेङ नाल्‍खे।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

१ युहन्‍ना 5:18

केलाइ गेन्‍हाखे, परमेस्‍वरको जाहान जेङकालाइ हासुङ बुङ कुकरम पातेङमाहिखे दोअ्‌तेङ केलाइ खान्‍धुर पान्‍हाखे। हाइदोनु परमेस्‍वरको चान एम्‍बालाइहेङ जोगाइतेङ ताअ्‌तावा रो दुरजन इङकोहेङ हाइदोङ पालि माद्‌वावा।

१ युहन्‍ना 5:4

हाइपानु परमेस्‍वरसो झाराङ जाहान दुनियाहेङ दोङ जितिलि द्‌वावा रो केलाइको खान्‍धुरहोइ दोङ दुनियाहेङ जितिलि द्‌वाङ।

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।