१ युहन्‍ना 3:5 - धिमाल

⁵ नेलाइ गेसुखेना, ख्रिस्‍ट द्‌याङगेलाइको कुकरमगेलाइ लाअ्‌पालि भाअ्‌सिङ लोका एइ। वाता हिदिङ कुकरम मान्‍थु।

Dhimal NT

⁵ पापको आनान्त दन्ड मोअ्पालि ख्रिस्ट इदोइ सुमिङता लोहि दोअ्का काथा नेलाइ गिसुखेना। कालाउ वा हेलाउ बुङ पाप मापाहि।

१ युहन्‍ना 3:5 Iomraidhean Croise

मत्‍ति 1:21

इङको एलोङ चान जोन्‍मायावा रो ना इङकोको मिङ इसु ताअ्ताना, हाइदोनु वा ताइको द्‍याङगेलाइहेङ एम्‍बालाइको कुकरमसो सिन्‍हुपावा।”

लुका 23:41

केलाइ ते मारेम्‍का काम पानाङसिङ इदि डाँड भोगेदोङन्‍हाखे। कालाउ खाङ, वा ते हिदि बुङ मारेम्‍का काम पानाङ दोङ मान्‍थुघाहि।”

लुका 23:47

इसिका जेङका तिङतेङ रोमि पलटनको कप्‍तान परमेस्‍वरको परसङसा पातेङ दोअ्‌हि, “जातिङको इदोइ द्‍याङ धरम हिघाखे।”

युहन्‍ना 1:29

जुम्‍निदिना युहन्‍ना इसुहेङ ताइमिभारि लोतेङहिका तिङतेङ दोअ्‌हि, “खाङसु, दुनियाको द्‍याङगेलाइको कुकरम तोल्‍हेतेङचुम्‍पुका परमेस्‍वरको भेरा!

युहन्‍ना 1:31

का ताइमिङ वासेहेङ नाल्‍का मान्‍थुघाघा, कुलाउ वा इस्राएलता देखाल ज्‍याको दोअ्‌तेङ दोङ चिहोइ चिभुअ्‌लि पितेङ लोघा।”

युहन्‍ना 14:30

का नेलाइदोफा एला हेन्‍जा माधुयाङका, हाइदोनु इदोइ दुनियाको राजपाका लोदोङखे। इङको कार्‍हुता हाइदोङ सरबङ मान्‍थु।

युहन्‍ना 8:46

नेलाइता हासु कासेहेङ कुकरमको कसुर लागाइलि द्‍वावा? एदि का सत धुइखा पानु, हाइपालि नेलाइ कासेहेङ खान्‍धुर मापासुखेना?

1तिमोथि 1:15

ख्रिस्‍ट इसु कुकरमिगेलाइहेङ दोङ सिन्‍हुपालि इदोइ दुनियाता लोका, इदोइ झाराङ साअ्‌लिगोइका जातिङको काथा। कालाउ कुकरमिगेलाइता काचाहिँ झाराङखान्‍तेङ कुकरमि द्‌याङ।

1तिमोथि 3:16

केलाइ इदोइ काथा साङखा मापासिङ इदोइ भेद हेथे बाराका हि दोअ्‌तेङ खान्‍धुर पान्‍हाखे। ख्रिस्‍ट द्‍याङ जेङतेङ लोहि, पुनित हाङसाहोइ धरमाति द्‌याङ ठहर्‍हाइन्‍हाहि कालाउ वासेहेङ सादेलचरगेलाइ तिङहि। मुलुकमुलुकता वाको पारचार जेङहि, दुनियाको द्‌याङगेलाइ वासेहेङ खान्‍धुर पाहि कालाउ वा प्रतापता सादेल चुम्‍पुन्‍हाहि।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

1पतरुस 1:18

नेलाइ दोङ गेसुखेना, नेलाइको आबाखालगेलाइको बिथाको चालचलनसो परमेस्‍वर नेलाइहेङ मुअ्‌तेङ हानेका सोना रो रुपाको भाइपा मोल तिरितेङ लाअ्‌पाका माको,

1पतरुस 1:20

परमेस्‍वर दुनियाहेङ सिरजाइका खान्‍तेङ लाम्‍फा दोङ ख्रिस्‍टहेङ साल्‍का हिघाहि रो नेलाइको भाअ्‌सिङ न्‍हुअ् दिनाता वा देखाल जेङहि।

1पतरुस 2:22

“वा हिदिङ कुकरम मापाहि रो वाको नुइसो हासुङ बुङ धाताइका काथा माहिङहि।”

1पतरुस 2:24

केलाइ कुकरमको भाअ्‌सिङ सितेङ धरमातिको भाअ्‌सिङ बानच्‍याइने दोअ्‌तेङ ख्रिस्‍ट ताइमिङ केलाइको कुकरम फातेङ कुरुसता सिहि। एन्‍साङ पातेङ वाकोङ पेचारासो नेलाइ एल्‍का हिसुन्‍हा।

1पतरुस 3:18

हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।

१ युहन्‍ना 1:2

जेलाउ इङको ज्‍यान देखाल जेङहि, केलाइ तिङन्‍हाहि। वा असिम ज्‍यान हि दोअ्‌तेङ केलाइ नेलाइहेङ दासि पितेङ दोअ्‌न्‍हाखे। वा परमेस्‍वर आबादोफा हिघाहि रो केलाइकोता देखाल जेङहि।

१ युहन्‍ना 1:7

कालाउ वा जोल्‍काता हिनाभाइपाङ केलाइ बुङ जोल्‍काता हिन्‍हाखे पानु, एमि भेनेङदोसा केलाइको मिलाप जेनावा रो परमेस्‍वरको चान इसुको हितिहोइ केलाइहेङ गोताङ कुकरमसो चोखाइ पावा।

१ युहन्‍ना 2:1

काङको दायाका जामालाइ, नेलाइ कुकरम मापासु दोअ्‌तेङ का इदोइ काथा नेलाइहेङ लेखेदोङखा। कालाउ हासुङ कुकरम पाहि पानु बुङ केलाइको भाअ्‌सिङ परमेस्‍वर आबादोफा धुइपिका एमि धरमाति इसु ख्रिस्‍ट हि।

१ युहन्‍ना 2:2

वा केलाइको कुकरम माअ्‌पालिको भाअ्‌सिङ खिनिङ माको, कालाउ दुनियाको गोताङ द्‍याङगेलाइको कुकरम माअ्‌पालि भाअ्‌सिङ ताइमिङ भोक हि।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 3:8

जाइ कुकरम पातेङहिखे इङको दियाबलसको एइ। हाइपानु दियाबलस ते लाम्‍फासो दोङ कुकरम पातेङलोका हि। इदोइभाअ्‌सिङ दियाबलसको कामहेङ मुअ्‌ पालि दोङ परमेस्‍वरको चान देखाल जेङका एइ।