१ युहन्‍ना 3:22 - धिमाल

²² कालाउ केलाइ जेदोङ र्‍हेन्‍हाखे इङको वासो निङन्‍हाखे। हाइदोनु केलाइ वाको हुकुम साअ्‌न्‍हाखे रो वासेहेङ मोन्‍दा ताका कामगेलाइ पान्‍हाखे।

Dhimal NT

²² कालाउ केलाइ जेदोङ परमेस्वर दोफा ह्रेनाखे, इङको वाकोसो निङनाखे, हाइपालिपानु केलाइ वाको आग्या केम्न्हाखे। कालाउ वासेहेङ मन परिका कामगेलाइ पानाखे।

१ युहन्‍ना 3:22 Iomraidhean Croise

मत्‍ति 17:5

पत्‍रुस धुइका धुइकाताङ, चोलका बादेल एम्‍बालाइहेङ थुम्‍हि रो इङको बादेलसो एलोङ गाला हिङहि, “या काङको मोन्‍दाताका चान एइ, याकोदोफा का हेन्‍जाङ लेङचाघा, याको काथा हिङसु।”

मत्‍ति 21:22

खान्‍धुर पातेङ पुकारता जेदोङ र्‍हेस्‍वाना इङको नेलाइ निङस्‍वाना।”

मर्कुस 11:24

इदोइभाअ्‌सिङ का नेलाइहेङ दोअ्‌खा, नेलाइ पुकार पातेङ जे र्‍हेसुखेना, इङको का निङहोइका दोअ्‌तेङ खान्‍धुर पासु रो इङको नेलाइको ज्‍यावा।

युहन्‍ना 14:13

नेलाइ काङको मिङता जेदोङसुदाङ र्‍हेलाउ बुङ चानता आबाको प्रताप ज्‍याको दोअ्‌तेङ का इङको पाङका।

युहन्‍ना 15:10

एदि काङको हुकुमगेलाइ साअ्‌सुन्‍हा पानु नेलाइ काङको इन्‍तानाता हिस्‍वाना। जेसापा का काङको आबाको हुकुमगेलाइ साअ्का हिघा रो वाको इन्‍तानाता ह्‍याङका।

युहन्‍ना 15:7

एदि नेलाइ काता हिसुन्‍हा पानु रो काङको दोअ्‌का कथनगेलाइ बुङ नेलाइता हिहे पानु, नेलाइ भोका काथा र्‍हेनु निङस्‍वाना।

युहन्‍ना 6:29

इसु एम्‍बालाइहेङ दोअ्‌हि, “परमेस्‍वरको काम इदोङ एइ: जाइहेङ वा दिङगिल्‍हि वार्‍हुता खान्‍धुर पासु।”

युहन्‍ना 8:29

कासेहेङ दिङगिल्‍का कादोफा हि। वा कासेहेङ एक्‍लाङ लाअ्‌नाङ मान्‍थु, हाइदोनु का दिनाङ वासेहेङ लेङचा पाका काम पाखा।”

युहन्‍ना 9:31

केलाइ गेन्‍हाखे, परमेस्‍वर कुकरमिगेलाइको काथा माहिङखे, कुलाउ परमेस्‍वरहेङ थिका रो वाको लाल्‍सा साअ्‌का खामालको काथा परमेस्‍वर हिङखे।

साल्न्हाका चात्या 17:30

इदोइभाअ्‍सिङ लाम्‍फा मागेसिङ पाका मारेम्‍का कामहेङ परमेस्‍वर माफ पाहि। कुलाउ एला परमेस्‍वर गोताङ थामेता झाराङ द्‍याङगेलाइहेङ ‘ताताइको कुकरमहेङ मानितेङ लाअ्‌सु’ दोअ्‌का हुकुम पिहि।

साल्न्हाका चात्या 20:21

का यहुदि रो बोजात्‍यागेलाइहेङ ताताइको कुकरम लाअ्‍तेङ परमेस्‍वरकोता घुरिसु रो केलाइको प्रभु इसुता खान्‍धुर पासु दोअ्‌तेङ पारचार पाघा।

फिलिप्पि 4:18

का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

याकुब 1:5

एदि नेलाइता हासुङहेङ आकिल गोइका हिनु परमेस्‍वरदोफा र्‍हेकाको रो वा इङकोहेङ लेङचातेङ प्‍यावा।

याकुब 4:3

नेलाइ र्‍हेसुखेना कालाउ मानिङसुखेना, हाइपानु नेलाइ ताइको लाल्‍सा पोङघा पालिको भाअ्‌सिङ खिनिङ दुरजन बिचारसो परमेस्‍वरदोफा र्‍हेसुखेना।

याकुब 5:16

इदोइखातिर नेलाइ एमि भेनेङदोफा ताताइको कुकरम मानेसु। नेलाइ एल्‍लि एमि भेनेङको भाअ्‌सिङ पुकार पासु। हाइपानु धरमाति द्‍याङको पुकार सरबङ हिका जेङखे रो या बाराका काम पालि दोखे।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 5:14

केलाइ परमेस्‍वरको आगाता हानेलाउ हाउसेन्‍हाखे, हाइपानु वाको लाल्‍साआन्‍सार जेदोङ र्‍हेलाउ बुङ वा केलाइको काथा हिङखे।