१ युहन्‍ना 3:11 - धिमाल

¹¹ नेलाइ लाम्‍फासो दोङ हिङका बानाल इदोइ एइ, “केलाइ ताताइमिता माया पालिगोयाङ।”

Dhimal NT

¹¹ नेलाइ लाम्फासोङ हिङका सन्‍देस इदोइ दोङ, कि केलाइ एमिसो-भेनेङहेङ प्रेम पालि गोइखे।

१ युहन्‍ना 3:11 Iomraidhean Croise

युहन्‍ना 13:4

कालाउ वा चाकासो ल्‍होहि रो गुअ्‌का धाबा एपाहा ताअ्‌तेङ एलोङ चेउताइ ताइको केङखेनेता तेअ्‌हि।

युहन्‍ना 15:12

“काङको हुकुम इदोइ दोङ एइ, जेसापा का नेलाइहेङ इन्‍ताना पाघा, नेलाइ बुङ एमि भेनेङहेङ एन्‍सा दोङ इन्‍ताना पासु।

गलाति 6:2

एमि भेनेङहेङ तु:ता साघाइसु। एसा पासुन्‍हा पानु नेलाइ ख्रिस्‍टको हुकुमहेङ पोङघा पास्‍वाना।

1 थेस्लोनिकि 4:9

एला खान्‍धुरिगेलाइ ताताइमिता माया पाका बारेता हासुङ नेलाइहेङ हाइदोङ लेखेलि मागोयाङ। हाइपानु एमि भेनेङहेङ दाया पालि दोअ्‌का नेलाइ ताइमिङ बुङ परमेस्‍वरसो बिद्‍या निङका हिसुन्‍हा।

1तिमोथि 1:5

केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

1पतरुस 3:8

आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।

1पतरुस 4:8

झाराङखान्‍तेङ बाराका काथाचाहिँ एमि भेनेङहेङ इन्‍ताना पासु, हाइदोनु इन्‍ताना दोङ हेन्‍जाङ कुकरमगेलाइहेङ थुम्‍खे।

१ युहन्‍ना 1:5

एला केलाइ जेदोङ बानाल इसु ख्रिस्‍टसो हिङका हिन्‍हाहि इङको बानाल नेलाइहेङ पारचार पादोङन्‍हाखे: परमेस्‍वर जोल्‍का हि रो वाता हेथे बुङ कितिकितिका मान्‍थु।

१ युहन्‍ना 4:11

मोन्‍दाताकालाइ, परमेस्‍वर एसापा केलाइहेङ माया पाका एइ पानु, केलाइ बुङ एमि भेनेङहेङ माया पाइने।

१ युहन्‍ना 4:21

ख्रिस्‍ट केलाइहेङ पिका हुकुम इदोङ एइ: परमेस्‍वरहेङ जाइ माया पाखे, इङको ताइको दादाओने बाइओनेहेङ बुङ माया पालि गोयाङ।

१ युहन्‍ना 4:7

मोन्‍दाताकालाइ, केलाइ एमि भेनेङहेङ माया पाइने, हाइदोनु माया परमेस्‍वरसो लोखे। जाइ माया पाखे इङको परमेस्‍वरसो जोन्‍मिका एइ रो इङको परमेस्‍वरहेङ नाल्‍खे।

२ युहन्‍ना 1:5

ओइ मोन्‍दाताका आनाउ, का नासेहेङ हिदिङ नावा हुकुम लेखेका माको। कालाउ लाम्‍फासो निङका हुकुमआन्‍सार का नासेहेङ पुकार पाखा। इङको काथाचाहिँ केलाइ एमि भेनेङहेङ माया पाइने दोअ्‌तेङ का नेलाइहेङ बिनइ पाखा।