१ युहन्‍ना 2:5 - धिमाल

⁵ कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।

Dhimal NT

⁵ कालाउ जाइ परमेस्वरको बचन केम्खे, वाकोता परमेस्वरको प्रेम जातिङकोङ सिद्द जेङका हिखे। केलाइ परमेस्वर दोफा ए जेङतेङ हिनाहि दोअ्का काथा इदोइसोङ निस्चित जेङन्हाखे।

१ युहन्‍ना 2:5 Iomraidhean Croise

लुका 11:28

इदोइ हिङतेङ इसु दोअ्‌हि, “इन्‍सिका माको भुरुङ परमेस्‍वरको बिद्‌या हिङतेङ मानेकालाइ हेथे आसिस निङका जेनावा।”

युहन्‍ना 14:21

कासेहेङ इन्‍ताना पाका इङकोङ एइ, जाइदोफा काङको हुकुम हि रो इङको साअ्‌खे। कालाउ कासेहेङ इन्‍ताना पाकाहेङ काङको आबा इन्‍ताना पाखे। का इङकोहेङ इन्‍ताना पाङका रो का ताइमिङहेङ इङकोता देखाल प्‍याङका।”

युहन्‍ना 14:23

इसु इङकोहेङ दोअ्‌हि, “जाइ कासेहेङ इन्‍ताना पाखे, इङको काङको कथन साअ्‌तावा। काङको आबा इङकोहेङ इन्‍ताना पावा, केलाइ इङकोता ल्‍वाङ रो इङकोदोफा बासा ह्‍याङ।

युहन्‍ना 15:5

“आङगुरको सिङ का दोङ एइ रो नेलाइचाहिँ दालेङगेलाइ एइ। जाइ काता हिखे, का बुङ वाता ह्‍याङका रो एसापा इङको हेन्‍जा फल सेपावा। हाइपानु कासो फारापा हितेङ नेलाइ हाइ बुङ पालि मादोस्‍वाना।

युहन्‍ना 6:56

काङको जिउ चाका रो काङको हिति आम्‍काचाहिँ काता ह्‍यावा रो का इङकोता ह्‍याङका।

1 कोरिन्थि 1:30

परमेस्‍वर नेलाइहेङ इसु ख्रिस्‍टदोफाङ ए बान्‍हाइका हि। वाकोङ कामसो ख्रिस्‍ट केलाइको आकिल जेङका हि। केलाइ ख्रिस्‍टसो परमेस्‍वरको आगा धरमाति ठर्‍हाइन्‍हाङ। कालाउ केलाइ परमेस्‍वरको पुनित रो छुटकारा निङका द्‌याङ जेनाङ।

याकुब 2:22

आब्राहामको खान्‍धुर वाको कामता नारिन्‍हाहि रो वाको कामसो वाको खान्‍धुर पोङघाहि दोअ्‌तेङ हाइ नेलाइ मातिङसुखेना?

१ युहन्‍ना 3:24

परमेस्‍वरको हुकुम मानेकालाइ झाराङ परमेस्‍वरताङ ह्‍यावा रो वाता परमेस्‍वर ह्‍यावा। वा केलाइहेङ पिका पुनित हाङसासो केलाइ गेन्‍हाखे, वा केलाइता बासा ह्‍यावा।

१ युहन्‍ना 4:17

एसापा केलाइ पोङघापाङ बोमिहेङ माया पान्‍हाखे रो ख्रिस्‍ट दुनियाता पाका भाइपाङ सहेन्‍हाखे पानु नियाको दिना केलाइ थिलि मागोयाङ।

१ युहन्‍ना 4:18

मायाता थिका मान्‍थुखे, कालाउ जातिङको माया थिकाहेङ लाअ्‌पाखे। हाइपानु थिकाको सामान्‍दा ते दारदोफा हिखे, कालाउ जाइ थिखे इङको परमेस्‍वरहेङ पोङघापा माया मापाखे।

१ युहन्‍ना 5:2

केलाइ परमेस्‍वरहेङ माया पान्‍हाखे रो वाको हुकुमगेलाइ मानेन्‍हाखे पानु वाको जाहानहेङ माया पान्‍हाखे दोअ्‌तेङ केलाइ गेन्‍हाखे।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।

२ युहन्‍ना 1:6

माया पालि परमेस्‍वरको हुकुमआन्‍सार तेलि एइ। नेलाइ झाराङ हिङका लाम्‍फासोङको हुकुम इदोङ एइ: नेलाइ झाराङ मायाता हिलिगोयाङ।