१ युहन्‍ना 2:4 - धिमाल

⁴ एदि हासुङ वासेहेङ नाल्‍खा दोअ्‌खे कालाउ वाको हुकुम मासाअ्‌खे पानु इङको असत एइ कालाउ इङकोता सत मान्‍थुखे।

Dhimal NT

⁴ जाइ का परमेस्वरहेङ नाल्खा दोअ्खे, कालाउ वाको आग्यागेलाइ उलङगन पाखे, उङको धाताइका हि, उङकोता सत्ये मान्थु।

१ युहन्‍ना 2:4 Iomraidhean Croise

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

तितस 1:10

हाइदोनु हेन्‍जाङ द्‍याङगेलाइ छलपाका, बिथाको काथा पाका, धाताइकाइ हिखे। इसिकालाइता ते खास पातेङ खाताना पालिगोयाङ दोअ्‌कालाइ दोङ हि।

तितस 1:16

एम्‍बालाइ परमेस्‍वरहेङ नाल्‍का हिघा दोअ्‌तेङ जिकिर पाखे, कालाउ एम्‍बालाइको कामहोइ चाहिँ परमेस्‍वरहेङ इन्‍कार पाखे दोअ्‌का तिङपाखे। एम्‍बालाइ ते दिगमिगहिका, आटेरिगेलाइ हि रो हिदिङ बुङ रेम्‍का काम पालि लाएकको मान्‍थु।

१ युहन्‍ना 1:10

एदि केलाइ कुकरम पाका मान्‍थुन्‍हाहि दोअ्‌तेङ केलाइ दोअ्‌न्‍हाखे पानु केलाइ परमेस्‍वरहेङ असत ठर्‍हाइन्‍हाखे रो वाको वचन केलाइदोफा माह्‍यावा।

१ युहन्‍ना 1:6

एदि केलाइ परमेस्‍वरको मिलापता हिन्‍हाहि दोअ्‌तेङ दोअ्‌न्‍हाखे कालाउ केलाइ जेलाउ बुङ आखेका काम पान्‍हाखे पानु, केलाइ असत धुइन्‍हाखे रो सतता माचलेन्‍हाखे।

१ युहन्‍ना 1:8

एदि केलाइता कुकरम मान्‍थु दोअ्‌तेङ केलाइ दोअ्‌न्‍हाखे पानु केलाइ ताइमिङहेङ छल पान्‍हाखे रो केलाइता सत मान्‍थुखे।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 2:9

जाइ ताइमि जोल्‍काता हिघा दोअ्‌तेङ दोअ्‌खे कालाउ ताइको खान्‍धुरि दादाओने बाइओनेगेलाइहेङ दिगमिग पाखे पानु, इङको आरोङ बुङ कितिकितिकाता दोङ हि।

१ युहन्‍ना 3:6

इदोइभाअ्‌सिङ ख्रिस्‍टता हिका हासुङ कुकरम पातेङमाहिखे। कुकरम पातेङहिका हासुङ वासेहेङ ना तिङका हि ना ते नाल्‍का दोङ हि।

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?

१ युहन्‍ना 4:7

मोन्‍दाताकालाइ, केलाइ एमि भेनेङहेङ माया पाइने, हाइदोनु माया परमेस्‍वरसो लोखे। जाइ माया पाखे इङको परमेस्‍वरसो जोन्‍मिका एइ रो इङको परमेस्‍वरहेङ नाल्‍खे।