१ युहन्‍ना 2:25 - धिमाल

²⁵ वा केलाइहेङ कबोल पाका असिम ज्‍यान इदोङ दोङ एइ।

Dhimal NT

²⁵ परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।

१ युहन्‍ना 2:25 Iomraidhean Croise

लुका 18:30

एला दोङ इङको खान्‍तेङ हेन्‍जा निनावा। कालाउ लोका जुगता हेअ्‌लाउ मानासाका ज्‍यान निनावा।”

युहन्‍ना 10:28

का एम्‍बालाइहेङ असिम ज्‍यान प्‍याङका। एम्‍बालाइ हेअ्‌लाउ मुअ्‌तेङ मान्‍हावा रो हासुङ एम्‍बालाइहेङ काङको खुरसो घिङतेङ माचुमप्‍वावा।

युहन्‍ना 12:50

का गेखा, वाको हुकुम असिम ज्‍यान एइ। इदोइखातिर का जेदोङ धुइखा, आबा कासेहेङ दोअ्‌काभाइपाङ धुइखा।”

युहन्‍ना 3:15

एसापा जाइजाइ वासेहेङ खान्‍धुर पावा, इङको असिम ज्‍यान निनावा।

युहन्‍ना 5:39

नेलाइ धरमकिताबता भोसुखेना, हाइदोनु इन्‍ता असिम ज्‍यान निङखे दोअ्‌तेङ नेलाइ फोमपासुखेना।

युहन्‍ना 6:27

मुअ्‌तेङ हानेका चाकाको भाअ्‌सिङ मिनेत मापासु, कुलाउ असिम ज्‍यानथिकापा हिका चाकाको भाअ्‌सिङ मिनेत पासु, जाइ द्‍याङको चान नेलाइहेङ प्‍यावा। हाइदोनु याकोङ भाअ्‌सिङ परमेस्‍वर आबा वासेहेङ खाटाइतेङ दिङगिल्‍का एइ।”

युहन्‍ना 6:40

हाइदोनु काङको आबाको लाल्‍सा इदोइ एइ, चानहेङ खाङका रो वासेहेङ खान्‍धुर पाका झाराङ असिम ज्‍यान निनाको। कालाउ का इङकोहेङ आखिरि दिनाता सिन्‍हु पाङका।”

युहन्‍ना 6:47

“जातिङको का नेलाइहेङ दोअ्‌खा, जाइ खान्‍धुर पाखे इङकोदोफा असिम ज्‍यान हि।

युहन्‍ना 6:54

काङको जिउ चाका रो काङको हिति आम्‍कादोफा असिम ज्‍यान हि रो आखिरको दिनाता का इङकोहेङ सिन्‍हु पाङका।

युहन्‍ना 6:68

कोलाउ सिमोन पत्‍रुस दोअ्‌हि, “प्रभु, केलाइ हासुकोता हानाङ? नाङकोदोसा असिम ज्‍यानको बचन हि।

गलाति 6:8

एदि हासुङ कुकरमि आनिबानिको काथाता खिनिङ मन लागाइखे पानु, इङको मुअ्‍पाका काथा खिनिङ चुमाखे। कालाउ जाइ पुनित हाङसाको काथाता मन लागाइखे पानु इङको पुनित हाङसासो असिम ज्‍यान निनावा।

1तिमोथि 1:16

इदोइभाअ्‌सिङ वा कासेहेङ दाया पाहि। का भाइका झाराङखान्‍तेङ कुकरमिहेङ ताइको धिर देखाल पिलि कासेहेङ नामुना बान्‍हाइहि। इदोइ नामुना वाता खान्‍धुर पाका रो हेअ्‌लाउ मानासाका ज्‍यान निङकालाइको भाअ्‌सिङ।

1तिमोथि 6:12

ना खान्‍धुर पाका काथाता रेम्‍फा चले रो असिम ज्‍यानहेङ रिम्‍तेङताअ्, याकोङ भाअ्‌सिङ परमेस्‍वर नासेहेङ काइका हिघाहि। कालाउ ना बुङ हेन्‍जाङ द्‌याङगेलाइको आगाता ताइको खान्‍धुरको दासि पिका हिघान्‍हा।

1तिमोथि 6:19

एसापा एम्‍बालाइ न्‍हुअ्‌सो निङका ज्‍यानको भाअ्‌सिङ गोइका ताइकोङ भाअ्‌सिङ बोल्‍याका जग बान्‍हाइलि ताकाकाउरि जोम्‍पाको एसा पानु खिनिङ एम्‍बालाइ जातिङको ज्‍यान निङलि द्‍वावा।

तितस 1:2

इदोइ सतचाहिँ असिम ज्‍यानको आसता आरेन्‍हाका हि। हेअ्‌लाउ बुङ असत माधुइका परमेस्‍वर सिरजाइ जेङकाखान्‍तेङ लाम्‍फा दोङ केलाइहेङ इदोइ ज्‍यान प्‍याङका दोअ्‌तेङ कबोल पाका हिघाहि।

तितस 3:7

एसापा वाको निगाहाहोइ केलाइ परमेस्‍वरको आगाता उचित ठर्‍हाइन्‍हालि द्‌वाको रो केलाइको आस ताअ्‌का केलाइ असिम ज्‍यानको बुङ हाक्‍वाला जेङलि द्‍वाको।

१ युहन्‍ना 1:2

जेलाउ इङको ज्‍यान देखाल जेङहि, केलाइ तिङन्‍हाहि। वा असिम ज्‍यान हि दोअ्‌तेङ केलाइ नेलाइहेङ दासि पितेङ दोअ्‌न्‍हाखे। वा परमेस्‍वर आबादोफा हिघाहि रो केलाइकोता देखाल जेङहि।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।