१ युहन्‍ना 2:24 - धिमाल

²⁴ जेदोङ काथा नेलाइ लाम्‍फासो दोङ हिङका हिसुन्‍हा, इङको नेलाइता हितेङह्‍याको। एदि लाम्‍फासो दोङ हिङका इङको काथा नेलाइता हिका हिनु नेलाइ चान रो आबाता हिस्‍वाना।

Dhimal NT

²⁴ जेदोङ सत्ये सन्‍देस नेलाइ येसुहेङ खाङधुरि पाका सोमोइसोङ हिङका हिसुना, इङको काथा नेलाइकोता हिनु नेलाइ चान कालाउ आबा परमेस्वर दोफा ए दोफाङ हिस्वाना।

१ युहन्‍ना 2:24 Iomraidhean Croise

लुका 1:2

इङको बारदातगेलाइचाहिँ लाम्‍फासो दोङ ताइकोङ मिसो तिङका रो याको बारेता रेम्‍काबानाल पारचार पाकालाइ दोअ्‌का हि।

लुका 9:44

द्‌याङगेलाइ वाको काम तिङतेङ भारभुसाइका पहरता इसु चात्‍यागेलाइहेङ दोअ्‌हि, “का हाइ दोअ्‌लि भोखा इङको काथा रेम्‍फा हिङसु कालाउ मनता ताअ्‌सु। हाइपानु का द्‌याङको चानहेङ रिम्‍तेङ द्‌याङगेलाइको खुर्ता प्‍यावा।”

युहन्‍ना 14:23

इसु इङकोहेङ दोअ्‌हि, “जाइ कासेहेङ इन्‍ताना पाखे, इङको काङको कथन साअ्‌तावा। काङको आबा इङकोहेङ इन्‍ताना पावा, केलाइ इङकोता ल्‍वाङ रो इङकोदोफा बासा ह्‍याङ।

युहन्‍ना 15:7

एदि नेलाइ काता हिसुन्‍हा पानु रो काङको दोअ्‌का कथनगेलाइ बुङ नेलाइता हिहे पानु, नेलाइ भोका काथा र्‍हेनु निङस्‍वाना।

युहन्‍ना 6:56

काङको जिउ चाका रो काङको हिति आम्‍काचाहिँ काता ह्‍यावा रो का इङकोता ह्‍याङका।

युहन्‍ना 8:25

एम्‍बालाइहेङ वासेहेङ दोअ्‌हि, “ना हासु एइ कुनु?” इसु एम्‍बालाइहेङ दोअ्‌हि, “का वाआङ एइ, जाइ का नेलाइहेङ लाम्‍फासो दोङ दोअ्‌दोङखा।

फिलिप्पि 4:15

कालाउ का माकेडोनिया माउजा लाअ्‌तेङ हानेलाउ कासेहेङ साघाइका हुल नेलाइ खिनिङ हिघासुन्‍हा दोअ्‍का काथा नेलाइ फिलिप्‍पिगेलाइ ताइमिङ गेसुखेना। का नेलाइहेङ रेम्‍काबानाल हिङपाका लाङ पहरता ताका काउरिहोइ साघाइका मन्‍डलि नेलाइ खिनिङ हिघासुन्‍हा।

कलस्सि 3:16

ख्रिस्‍टको कथन नेलाइको कोन्‍धाङता इस्‍तुङ ह्‍याको। इङकोङ कथनको गोताङ आकिलहोइ ए भेनेङहेङ धिरपाका रो साल्‍हा पिका जेङसु। ताइको कोन्‍धाङसोङ च्‍याबासि जेङतेङ परमेस्‍वरको पिका भेभेनेङ लेगेलाइ लेतेङ वासेहेङ बाखिन्‍सु।

१ युहन्‍ना 1:3

केलाइ जाइ तिङका रो हिङका हिन्‍हाहि, इङको केलाइ नेलाइहेङ पारचार पान्‍हाखे, कोलाउ केलाइदोफा नेलाइको मिलाप ज्‍याको। केलाइको मिलापचाहिँ परमेस्‍वर आबा रो वाको चान इसु ख्रिस्‍टदोफा हि।

१ युहन्‍ना 1:7

कालाउ वा जोल्‍काता हिनाभाइपाङ केलाइ बुङ जोल्‍काता हिन्‍हाखे पानु, एमि भेनेङदोसा केलाइको मिलाप जेनावा रो परमेस्‍वरको चान इसुको हितिहोइ केलाइहेङ गोताङ कुकरमसो चोखाइ पावा।

१ युहन्‍ना 2:7

काङको मोन्‍दाताकालाइ, का नेलाइहेङ हिदिङ नावा हुकुम माको, कालाउ इङकोङ पुरना हुकुम लेखेदोङखा, जाइ लाम्‍फासो नेलाइदोफाङ हिघाहि। इदोइ पुरना हुकुम नेलाइ हिङकाङ कथन एइ।

१ युहन्‍ना 3:24

परमेस्‍वरको हुकुम मानेकालाइ झाराङ परमेस्‍वरताङ ह्‍यावा रो वाता परमेस्‍वर ह्‍यावा। वा केलाइहेङ पिका पुनित हाङसासो केलाइ गेन्‍हाखे, वा केलाइता बासा ह्‍यावा।

१ युहन्‍ना 4:13

केलाइ गेन्‍हाखे, केलाइ परमेस्‍वरता हिन्‍हाखे रो परमेस्‍वर बुङ केलाइता हिखे। हाइदोनु वा केलाइहेङ ताइको पुनित हाङसा पिका हि।

१ युहन्‍ना 4:15

जाइ इसुहेङ परमेस्‍वरको चान हि दोअ्‌तेङ मन्‍जुर पाखे, वाता परमेस्‍वर हिखे रो वाचाहिँ परमेस्‍वरता हिखे।

१ युहन्‍ना 4:16

एसापा केलाइ ताइमिङ बुङ परमेस्‍वर केलाइहेङ माया पाखे दोअ्‌का काथा गेन्‍हाखे रो इङको मायाता केलाइ खान्‍धुर पान्‍हाखे। परमेस्‍वर माया हि रो जाइ मायाता हिखे इङको परमेस्‍वरता हिखे रो परमेस्‍वर वाता हिखे।

२ युहन्‍ना 1:2

हाइदोनु सत केलाइलिअ्‌ता हि इङको भाअ्‌सिङ नेलाइहेङ माया पान्‍हाखे। इङको सत दिनाङ केलाइदोफा ह्‍यावा।

२ युहन्‍ना 1:9

ख्रिस्‍टको बिद्‌याता माहिगिल्‍कालाइ रो इङकोहेङ केउपाकालाइदोफा परमेस्‍वर माहिखे। कालाउ वाको बिद्‌याता लागेकादोफा आबा परमेस्‍वर रो चान इसु ख्रिस्‍ट न्‍हेमिङ हिखे।

३ युहन्‍ना 1:3

ख्रिस्‍‍टहेङ खान्‍धुर पाकालाइ हेअ्‌मि काङकोता लोतेङ कासेहेङ दोअ्‌हि। ना परमेस्‍वरको सत दामाता हिगिल्‍खेना कालाउ जातिङकोङ ना इङको आन्‍सार दोङ पाखेना दोअ्‌का हिङतेङ का हेन्‍जाङ लेङचाघा।