१ युहन्‍ना 2:22 - धिमाल

²² असत हासु कुनु? असत इङको एइ, जाइ इसु दोङ छुटकारा पिका ख्रिस्‍ट हि दोअ्‌का काथा इन्‍कार पाखे। जाइ आबा रो चानहेङ इन्‍कार पाखे, ख्रिस्‍ट दुस्‍मन इङकोङ एइ।

Dhimal NT

²² धातुवा हासु? वा दोङ, जाइ येसु दोङ ख्रिस्ट हि दोअ्का काथा मन्दा माताखे। आबा परमेस्वर कालाउ चानहेङ जाइ मन्दा माताखे, ख्रिस्ट बिरोधि इङको दोङ हि।

१ युहन्‍ना 2:22 Iomraidhean Croise

मत्‍ति 24:24

हाइपानु ‘कादोङ ख्रिस्‍ट’ हिघा दोअ्‌तेङ रो ‘कादोङ आगाधुइका’ हिघा दोअ्‌तेङ ढाटाइकालाइ ओल्‍हेतेङ लावा। जेङलि दोनु साल्‍तेङ दिङगिल्‍कालाइहेङ बुङ भाडकाइलि बाबारका भारभुसाइका काम रो सरबङको कामगेलाइ तिङपावा।

मत्‍ति 24:5

हाइदोनु हेअ्‌मि काङको मिङर्‍हुतेङ ‘का ख्रिस्‍ट हिघा’ दोअ्‌तेङ लावा रो हेन्‍जाङहेङ आवाइपावा।

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

१ युहन्‍ना 1:6

एदि केलाइ परमेस्‍वरको मिलापता हिन्‍हाहि दोअ्‌तेङ दोअ्‌न्‍हाखे कालाउ केलाइ जेलाउ बुङ आखेका काम पान्‍हाखे पानु, केलाइ असत धुइन्‍हाखे रो सतता माचलेन्‍हाखे।

१ युहन्‍ना 2:18

काङको दायाका जामालाइ, न्‍हुअ् पहर इदोङ एइ। ख्रिस्‍ट दुस्‍मन लोदोङखे दोअ्‌का नेलाइ हिङका हिसुन्‍हा। एला हेन्‍जाङ ख्रिस्‍ट बाइरि लोका हि। इदोइभाअ्‌सिङ केलाइ गेन्‍हाखे, इदोइ न्‍हुअ् पहर एइ।

१ युहन्‍ना 2:23

जाइ चानहेङ इन्‍कार पाखे इङको परमेस्‍वर आबाहेङ बुङ इन्‍कार पाखे। जाइ चानहेङ साअ्‌खे, इङको परमेस्‍वर आबाहेङ बुङ साअ्‌खे।

१ युहन्‍ना 2:4

एदि हासुङ वासेहेङ नाल्‍खा दोअ्‌खे कालाउ वाको हुकुम मासाअ्‌खे पानु इङको असत एइ कालाउ इङकोता सत मान्‍थुखे।

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?

१ युहन्‍ना 4:3

इसुहेङ मन्‍जुर मापाका गोताङ हाङसा परमेस्‍वरसो माको, कालाउ इङको ख्रिस्‍ट दुस्‍मनको हाङसा एइ। जाइको बिसइता “इङको ल्‍वाङ” दोअ्‌का नेलाइ हिङकाङ हिसुन्‍हा। एला इङको इदोइ दुनियाता लोका हि।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

२ युहन्‍ना 1:7

हाइपानु आवाइ पाकालाइ हेन्‍जाङ दोङ इदोइ दुनियाता लोका हि। एम्‍बालाइ इसु ख्रिस्‍ट जिउता लोका एइ दोअ्‌तेङ मन्‍जुर मापाखे। इसिका खामाल दोङ आवाइपाका रो ख्रिस्‍ट दुस्‍मन हि।