१ युहन्‍ना 2:17 - धिमाल

¹⁷ दुनिया रो दुनियाको द्‌याङगेलाइको पाका मारेम्‍का लाल्‍सागेलाइ मुअ्‌तेङ हानावा। कालाउ परमेस्‍वरको लाल्‍सा पोङघा पाकालाइ दिनाङको भाअ्‌सिङ हितेङह्‍यावा।

Dhimal NT

¹⁷ सुमिङ कालाउ इङकोता हिका द्‍याङगेलाइहेङ गोइका गोताङ काथा मोतेङ हानावा, कालाउ परमेस्वरको आग्या केम्का द्‍याङ चाहि जेलाउको भाअ्सिङ ह्यावा।

१ युहन्‍ना 2:17 Iomraidhean Croise

मत्‍ति 21:31

एला इदोइ न्‍हेमिता हिदोइचाहिँ आबाको दोअ्‌का साअ्‌हि?” एम्‍बालाइ दोअ्‌हि, “दादा चाहिँ।” इसु एम्‍बालाइहेङ दोअ्‌हि, “जातिङको, का नेलाइहेङ दोअ्‌खा, तिरो ल्‍होपाकालाइ रो कासबिरिगेलाइ नेलाइखान्‍तेङ लाम्‍फा सादेलको सारभिता दुलावा।

मत्‍ति 24:35

आदेल रो सुमिङ मुअ्‌तेङ हानावा, कालाउ बुङ काङको कथन मुअ्‌तेङ मान्‍हावा।

मत्‍ति 7:21

“कासेहेङ ‘प्रभु’, ‘प्रभु’ दोअ्‌का झाराङ सादेलको सारभिता दुल्‍लि मानिनावा। सादेलता हिका काङको आबाको लाल्‍सा मानिका द्‍याङ खिनिङ सादेलको सारभिता दुल्‍लि निनावा।

मर्कुस 3:35

हाइपानु जाइ परमेस्‍वरको हुकुम मानिखे वा दोङ काङको वाजान रो बेजान ओने रो काङको आमाइ हि।”

युहन्‍ना 4:14

कुलाउ जाइजाइ का पिका चि आमावा इङको हेअ्‌लाउ आम्‍लिमाकिअ्‌तावा। जेदोङ चि का इङकोहेङ प्‍याङका, इङको इङकोता असिम ज्‍यानको भाअ्‌सिङ मुरतेङहिका चिको मुल जेनावा।”

युहन्‍ना 6:58

सादेलसो लोका इदोइ तोले इन्‍सिका माको, जाइ नेलाइको आबाखालगेलाइ चालाउ बुङ सितेङ हानेहि। इदोइ तोले चाकाचाहिँ दिनाङ सिन्‍हुतावा।”

युहन्‍ना 7:17

एदि हिदिङ द्‍याङ परमेस्‍वरको लाल्‍सा साअ्‌लि खाङखे पानु, काङको धिरपाका बिद्‌या परमेस्‍वरपाहासो लोका एइ बे काङको ताइकोङ पाहासो लोका एइ इङको वा ग्‍यावा।

1 कोरिन्थि 7:31

कालाउ केलाइ इदोइ दुनियाता जेदोङ पान्‍हाखे, इदोइ थोकगेलाइ केलाइको भाअ्‌सिङ हेन्‍जा मोलको माको दोअ्‌तेङ गेसु। हाइदोनु इदोइ दुनिया एला मारफाङ मुअ्‌तेङ हानावा।

कलस्सि 1:9

इदोइ काथा हिङका दिनासोङ केलाइ नेलाइको भाअ्‌सिङ दिनाङ पुकार पान्‍हाखे। पुनित हाङसाको पिका आकिल रो समझसो परमेस्‍वरको लाल्‍सा गेसु दोअ्‌तेङ दोङ केलाइको पारथाना हि।

कलस्सि 4:12

नेलाइकोङ एमि ओने, ख्रिस्‍ट इसुको चाकर इपाफ्रास बुङ नेलाइहेङ सेउपाका पिगिल्‍का हि। नेलाइ हाङसाता बोल्‍याका जेङतेङ थिर जेङसु रो परमेस्‍वरको भोका गोताङ काथा पाक्‍का ग्‍याको दोअ्‌तेङ वा दिनाङ पुकार पाखे।

1 थेस्लोनिकि 4:3

नेलाइ पुनित जेङसु दोअ्‌तेङ परमेस्‍वरको लाल्‍सा इदोइ हि, एन्‍साङ नेलाइ दुराचारसो खेङन्‍हातेङ हिसु।

1 थेस्लोनिकि 5:18

जिसिकालाउबुङ हालतता च्‍याबास पिसु, हाइपानु ख्रिस्‍ट इसुता नेलाइको भाअ्‌सिङ परमेस्‍वरको लाल्‍सा इदोङ।

याकुब 4:14

जुम्‍नि हाइ ज्‍याङ दोअ्‌तेङ नेलाइ हाइदोङ मागेसुखेना। नेलाइको ज्‍यान हिसिका हि? नेलाइ ते कुकुह्‍वा भाइका हिसुन्‍हा रो जाइ इघुरिङको भाअ्‌सिङ देखाल पिखे कालाउ राम्‍खे।

1पतरुस 1:5

नेलाइ आखिरि पहरता देखाल जेङलि तोम्‍का छुटकाराको भाअ्‌सिङ खान्‍धुरसो परमेस्‍वरको सरबङसो सामर्‍हाइतेङ ताअ्‌न्‍हाका हिसुन्‍हा।

1पतरुस 4:2

एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।