१ युहन्‍ना 2:13 - धिमाल

¹³ आबागेलाइ, का नेलाइहेङ लेखेदोङखा, हाइदोनु लाम्‍फासो दोङ हितेङहिका ख्रिस्‍टहेङ नेलाइ नाल्‍सुखेना। धानागेलाइ, का नेलाइहेङ लेखेदोङखा, हाइदोनु नेलाइ इङको दुरजन दियाबलसहेङ जितिका हिसुन्‍हा।

Dhimal NT

¹³ नेलाइ जाइ नावा खान्धुराइगेलाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु लाम्फासोङ दोङ हिका येसु ख्रिस्टहेङ नेलाइ नाल्सुखेना। नावा खान्धुराइगेलाइ, का नेलाइको भाअ्सिङ लेखेदोङखा, हाइपालिपानु नेलाइ इङको साइतानहेङ जितिका हिसुन्हा। काङको म्हुइका जामाललाइ भाइकाङ का नेलाइको भाअ्सिङ लेखेदोङखा, हाइपालिपानु नेलाइ आबा परमेस्वरहेङ नाल्का हिसुन्हा।

१ युहन्‍ना 2:13 Iomraidhean Croise

मत्‍ति 11:27

“काङको आबा गोताङ काथाको जिम्‍मा कासेहेङ पिका हि। आबाबिना चानहेङ हासुङ मानाल्‍खे रो चानबिना आबाहेङ हासुङ मानाल्‍खे। कालाउ बुङ चान जाइहेङ आबा नाल्‍पालि भोखे, एम्‍बालाइ खिनिङ आबाहेङ नाल्‍खे।”

मत्‍ति 13:19

हेथे द्‍याङगेलाइ सादेलको सारभिको कथन हिङनुते हिङखे कालाउ बुङ मागेखे, कालाउ दुरजन लोखे रो इङकोको कोन्‍धाङता जे बिअ्‌का हिघाहि इङको कुर्‍हाइतेङ चुमपुखे। दामाभारि बिअ्‍न्‍हाका चालाइचाहिँ इङकोङ एइ:

मत्‍ति 13:38

मिलिङ दुनिया एइ। रेम्‍का चालाइचाहिँ सादेलको सारभिको खाल एइ रो माइरिमा दियाबलसको खाल एइ।

मत्‍ति 5:37

भुरुङ केरा माचासिङ नेलाइको दोअ्‌का काथाचाहिँ ‘एइ’ नु ‘एइ’, ‘माको’ नु ‘माको’ खिनिङ ज्‍याको। इदोइखान्‍तेङ हेन्‍जाचाहिँ दियाबलससो लोखे।

लुका 10:22

“काङको आबा कासेहेङ गोताङ थोक जिम्‍मा पिकाहि। आबाबिना का चानहेङ हासुङ मानाल्‍खे। एन्‍साङ चान रो वाको नाल्‍पाका द्‌याङगेलाइ बिना बो हासुबुङ आबाहेङ मानाल्‍खे।”

युहन्‍ना 14:7

नेलाइ कासेहेङ नाल्‍का हिनु, काङको आबाहेङ बुङ नाल्‍सुधाना। एलासो ओसो वासेहेङ नालस्‍वाना रो वासेहेङ तिङका हिसुन्‍हा।”

युहन्‍ना 14:9

इसु इङकोहेङ दोअ्‌हि, “फिलिप, इदोइ पहरथिकापा का नेलाइदोफा हिघा, कोलाउबुङ ना कासेहेङ मानाल्‍खेना? जाइ कासेहेङ तिङका हि, इङको आबाहेङ तिङका हि। ना ‘केलाइहेङ आबा तिम्‍पापि’ दोअ्‌तेङ हेसापा दोअ्‌लि द्‌वाना?

युहन्‍ना 16:3

एम्‍बालाइ इदोइ काम पावा, हाइदोनु एम्‍बालाइ आबाहेङ नाल्‍का मान्‍थु रो कासेहेङ बुङ मानाल्‍खे।

युहन्‍ना 16:33

का नेलाइहेङ इदोइ काथा इदोइ खातिरहोइ दोअ्‌का हिघा, काता नेलाइहेङ सुबिस्‍ता ज्‍याको। दुनियाता नेलाइहेङ जोखिम ज्‍यावा, कुलाउ हिमत पासु, का दुनियाहेङ जितिका हिघा।”

युहन्‍ना 17:21

हाइपानु एम्‍बालाइ झाराङ एलोङ ज्‍याको। आबा, जेसापा ना काता हिन्‍हा रो का नाता हिघा, एन्‍साङ एम्‍बालाइ बुङ केलाइता ह्‍याको। कालाउ ना कासेहेङ दिङगिलन्‍हा दोअ्‌तेङ दुनिया खान्‍धुर पाको।

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

युहन्‍ना 8:19

एम्‍बालाइ वासेहेङ हिअ्‌हि, “नाङको आबा हिता हि?” इसु दोअ्‌हि, “नेलाइ ना ते कासेहेङ ना काङको आबाहेङ नाल्‍सुखेना। नेलाइ कासेहेङ नाल्‍का हिनु, काङको आबाहेङ बुङ नाल्‍सुधाना।”

1तिमोथि 5:1

वाराङगेलाइहेङ माहाप्‍काइसु, कालाउ इङकोहेङ ताइकोङ आबाहेङ भाइपाङ मान पातेङ मतो पि। कालाउ म्‍हुइकालाइहेङ चाहिँ ओनेगेलाइहेङ भाइपाङ बेभार पा।

तितस 2:6

एन्‍सा दोङ धानागेलाइहेङ बुङ ताइमिङहेङ बसता ताअ्‌का बिद्‌या पि।

१ युहन्‍ना 1:1

का युहन्‍ना इङको ज्‍यान पिका वचनको बारेता लेखेदोङखा। जाइ सिरजाइकाको लाम्‍फासोङ हिघाहि। केलाइ साल्‍तेङ दिङगिल्‍कालाइ वाको काथा हिङका हिन्‍हाहि, वासेहेङ मिहोइ तिङका हिन्‍हाहि, रेसेतेङ तिङका हिन्‍हाहि रो खुरहोइ साइका हिन्‍हाहि।

१ युहन्‍ना 2:1

काङको दायाका जामालाइ, नेलाइ कुकरम मापासु दोअ्‌तेङ का इदोइ काथा नेलाइहेङ लेखेदोङखा। कालाउ हासुङ कुकरम पाहि पानु बुङ केलाइको भाअ्‌सिङ परमेस्‍वर आबादोफा धुइपिका एमि धरमाति इसु ख्रिस्‍ट हि।

१ युहन्‍ना 2:12

काङको दायाका जामालाइ, का नेलाइहेङ लेखेदोङखा, हाइदोनु वाको मिङको भाअ्‌सिङ नेलाइको कुकरम माफ जेङका हि।

१ युहन्‍ना 2:14

काङको दायाका जामालाइ, का नेलाइहेङ लेखेदोङखा, हाइदोनु नेलाइ आबाहेङ नाल्‍का हिसुन्‍हा। आबागेलाइ, का नेलाइहेङ लेखेदोङखा, हाइदोनु लाम्‍फासो दोङ हितेङहिका ख्रिस्‍टहेङ नेलाइ नाल्‍सुखेना। धानागेलाइ, का नेलाइहेङ लेखेदोङखा, हाइदोनु नेलाइ बोल्‍याका हिसुन्‍हा, परमेस्‍वरको वचन नेलाइता हि रो नेलाइ इङको दुरजन दियाबलसहेङ जितिका हिसुन्‍हा।

१ युहन्‍ना 3:12

केलाइ कइनभाइपा माजेनाइने। वा दियाबलसको जाहान हिनाङ ताइको ओने हाबिलहेङ सेअ्‌हि। कइन हाइपालि ताइको ओनेहेङ सेअ्‌हि? हाइदोनु वाको ताइको कामगेलाइ दुरजन हिघाखे, कालाउ वाको ओनेको कामगेलाइचाहिँ धरमाति हिघाखे।

१ युहन्‍ना 4:4

काङको दायाका जामालाइ, नेलाइ परमेस्‍वरको एइ रो नेलाइ असत आगाधुइकालाइहेङ जितिका हिसुन्‍हा। हाइदोनु नेलाइता हितेङहिका पुनित हाङसाचाहिँ दुनियाता हिका हाङसाखान्‍तेङ सरबङहिका हि।

१ युहन्‍ना 5:18

केलाइ गेन्‍हाखे, परमेस्‍वरको जाहान जेङकालाइ हासुङ बुङ कुकरम पातेङमाहिखे दोअ्‌तेङ केलाइ खान्‍धुर पान्‍हाखे। हाइदोनु परमेस्‍वरको चान एम्‍बालाइहेङ जोगाइतेङ ताअ्‌तावा रो दुरजन इङकोहेङ हाइदोङ पालि माद्‌वावा।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।