१ युहन्‍ना 1:8 - धिमाल

⁸ एदि केलाइता कुकरम मान्‍थु दोअ्‌तेङ केलाइ दोअ्‌न्‍हाखे पानु केलाइ ताइमिङहेङ छल पान्‍हाखे रो केलाइता सत मान्‍थुखे।

Dhimal NT

⁸ जेसापा केलाइता पाप मान्थु दोअ्तेङ केलाइ दोअ्नाखे पानुते केलाइ ताइमिहेङ धोका पिनाखे, कालाउ परमेस्वर तिङपाका सत्ये काथा मागिन्हाखे।

१ युहन्‍ना 1:8 Iomraidhean Croise

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

1 कोरिन्थि 3:18

हासुङ ताइमिङहेङ छल मापाको। नेलाइता हासुङ इदोइ दुनियाको आकिलहिका द्‌याङ हिघा दोअ्‌तेङ फोमपाखे पानु, इङको जातिङको आकिलहिका जेङलिको भाअ्‌सिङ निरबुदि जेङलि गोयाङ।

गलाति 6:3

एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

याकुब 1:22

परमेस्‍वरको कथन साअ्‌का जेङसु रो हिङका खिनिङ जेङतेङ ताइमिङहेङ छल मापासु।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

याकुब 3:2

केलाइ झाराङ हेन्‍जा बिराम पान्‍हाखे। कालाउ जाइ ताइमि धुइलाउ बिराम मापाखे, इङको धरमाति द्‌याङ एइ। इन्‍सिका द्‌याङ दोङ ताइमिहेङ बसता ताअ्‌लि दोखे।

२ पत्‍रुस 2:13

एम्‍बालाइ जेसापा बोमिहेङ तु: पिखे एम्‍बालाइ बुङ एन्‍साङ तु: निङचालि गोयावा। हाइपानु एम्‍बालाइ नितिमाङ ताइ जिउको लाल्‍सागेलाइ पोङघापालि भोखे। एम्‍बालाइदोफा चालिआम्‍लि योम्‍लि दोङ नेलाइको भाअ्‌सिङ लेदेरपाका रो बादनामको काथा एइ। एम्‍बालाइ दिनाङ छलछाम पालि मोन्‍दाताखे।

१ युहन्‍ना 1:10

एदि केलाइ कुकरम पाका मान्‍थुन्‍हाहि दोअ्‌तेङ केलाइ दोअ्‌न्‍हाखे पानु केलाइ परमेस्‍वरहेङ असत ठर्‍हाइन्‍हाखे रो वाको वचन केलाइदोफा माह्‍यावा।

१ युहन्‍ना 1:6

एदि केलाइ परमेस्‍वरको मिलापता हिन्‍हाहि दोअ्‌तेङ दोअ्‌न्‍हाखे कालाउ केलाइ जेलाउ बुङ आखेका काम पान्‍हाखे पानु, केलाइ असत धुइन्‍हाखे रो सतता माचलेन्‍हाखे।

१ युहन्‍ना 2:4

एदि हासुङ वासेहेङ नाल्‍खा दोअ्‌खे कालाउ वाको हुकुम मासाअ्‌खे पानु इङको असत एइ कालाउ इङकोता सत मान्‍थुखे।

१ युहन्‍ना 4:20

एदि हासुङ “का परमेस्‍वरहेङ माया पाखा” दोअ्‌खे, कालाउ ताइको दादाओने बाइओनेहेङ दिगमिग पाखे पानु इङको असत एइ। हाइदोनु ताइमिको तिङका दादाओने बाइओनेहेङ माया पालि मादोखे पानु मातिङका परमेस्‍वरहेङ हेसापा माया पालि द्‌वावा?

२ युहन्‍ना 1:2

हाइदोनु सत केलाइलिअ्‌ता हि इङको भाअ्‌सिङ नेलाइहेङ माया पान्‍हाखे। इङको सत दिनाङ केलाइदोफा ह्‍यावा।

३ युहन्‍ना 1:3

ख्रिस्‍‍टहेङ खान्‍धुर पाकालाइ हेअ्‌मि काङकोता लोतेङ कासेहेङ दोअ्‌हि। ना परमेस्‍वरको सत दामाता हिगिल्‍खेना कालाउ जातिङकोङ ना इङको आन्‍सार दोङ पाखेना दोअ्‌का हिङतेङ का हेन्‍जाङ लेङचाघा।