१ युहन्‍ना 1:3 - धिमाल

³ केलाइ जाइ तिङका रो हिङका हिन्‍हाहि, इङको केलाइ नेलाइहेङ पारचार पान्‍हाखे, कोलाउ केलाइदोफा नेलाइको मिलाप ज्‍याको। केलाइको मिलापचाहिँ परमेस्‍वर आबा रो वाको चान इसु ख्रिस्‍टदोफा हि।

Dhimal NT

³ ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 1:3 Iomraidhean Croise

युहन्‍ना 17:11

“का आरोङ दुनियाता माह्‍याङका, कुलाउ एबालाइ ते दुनियाता ह्‍यावा। हाइपानु काचाहिँ नाङकोता लोदोङखा। पुनित आबा, ना कासेहेङ पिका नाङको मिङता एम्‍बालाइहेङ हिफाजत ताअ् रो केलाइ भाइपाङ एम्‍बालाइ बुङ ए ज्‍याको।

युहन्‍ना 17:21

हाइपानु एम्‍बालाइ झाराङ एलोङ ज्‍याको। आबा, जेसापा ना काता हिन्‍हा रो का नाता हिघा, एन्‍साङ एम्‍बालाइ बुङ केलाइता ह्‍याको। कालाउ ना कासेहेङ दिङगिलन्‍हा दोअ्‌तेङ दुनिया खान्‍धुर पाको।

युहन्‍ना 17:25

“धरमाति आबा, दुनिया नासेहेङ मानाल्‍खे, कुलाउ का नासेहेङ नाल्‍खा। कालाउ ना कासेहेङ दिङगिल्‍का एइ दोअ्‌तेङ चात्‍यागेलाइ गेखे।

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

युहन्‍ना 19:35

नेलाइ बुङ खान्‍धुर पालि दोसु दोअ्‌तेङ इदोइ तिङकालाइ दासि पिका एइ रो वाको दासि जातिङको हि रो जातिङको धुइखा दोअ्‌तेङ वा गेखे।

साल्न्हाका चात्या 13:32

“एला परमेस्‍वर आबाखालहेङ पाका इङको बाचाको रेम्‍काबानाल केलाइ नेलाइकोता लोका हिन्‍हाहि।

साल्न्हाका चात्या 13:41

‘ओइ गिल्‍ला पाकालाइ, खाङसु रो भारभुसाइसु, कालाउ मुअ्‌तेङ हान्‍हेसु! हाइपानु नेलाइको पहरता का एलोङ काम पाङका, इसिका काम जाइको बारेता हासुङ बाखिन पापिलाउ बुङ नेलाइ हेअ्‌लाउ खान्‍धुर मापास्‍वाना।’”

साल्न्हाका चात्या 2:42

एम्‍बालाइ साल्‍तेङ दिङगिल्‍कालाइको बिद्‍या, सङगति, तोले पेङलि रो पुकारता ए मन जेङतेङ लागितेङहिघाखे।

साल्न्हाका चात्या 20:27

हाइदोनु परमेस्‍वर केलाइको भाअ्‌सिङ पालिखाङका हिदिङ काथा बुङ मादाइपासिङ का नेलाइहेङ गोताङ दोअ्‌पिहोइका।

साल्न्हाका चात्या 4:20

हाइपानु केलाइ तिङका रो हिङका काथागेलाइ माधुइसिङ केलाइ हिलि मामाद्‍वाङ।”

1 कोरिन्थि 1:30

परमेस्‍वर नेलाइहेङ इसु ख्रिस्‍टदोफाङ ए बान्‍हाइका हि। वाकोङ कामसो ख्रिस्‍ट केलाइको आकिल जेङका हि। केलाइ ख्रिस्‍टसो परमेस्‍वरको आगा धरमाति ठर्‍हाइन्‍हाङ। कालाउ केलाइ परमेस्‍वरको पुनित रो छुटकारा निङका द्‌याङ जेनाङ।

1 कोरिन्थि 1:9

परमेस्‍वर इदोइ काथा पावा, हाइदोनु वा खान्‍धुरलाएक हि। वा दोङ ताइको चान केलाइको प्रभु इसु ख्रिस्‍टदोफा मिलापता हिलि नेलाइहेङ काइहि।

1 कोरिन्थि 15:1

दादाओने बाइओनेगेलाइ, का नेलाइहेङ पारचार पाका रेम्‍काबानालको बारेता आरोङ दोअ्‌पिलि भोखा। जेदोङ रेम्‍काबानाल नेलाइ र्‍हुसुन्‍हा कालाउ इङकोताङ नेलाइ आरितेङ हिसुन्‍हा।

फिलिप्पि 1:7

नेलाइको बारेता इसिकाङ बिचार पालि कासेहेङ उचित लागेहि। हाइदोनु का नेलाइहेङ ताइको कोन्‍धाङसोङ माया पाखा। कालाउ का थुनाता हिलाउ बुङ, बाहार हिलाउ बुङ नेलाइ कासेहेङ रेम्‍काबानाल पारचारपालि रो इदोइहेङ जोगाइलि परमेस्‍वरको पिका इदोइ गोताङ निगाहाता नेलाइ कादोफाङ भाकर्‍हुका हिसुन्‍हा।

फिलिप्पि 2:1

एदि ख्रिस्‍टता हिका नेलाइको ज्‍यान नेलाइहेङ हिमत पिका हि पानु, वाको माया नेलाइहेङ थुमथुमाइ पिका हि पानु, नेलाइ पुनित हाङसाता सङगति पासुखेना पानु, नेलाइ ए भेनेङहेङ दाया रो माया पासुखेना पानु,

फिलिप्पि 3:10

का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

कलस्सि 1:13

परमेस्‍वर दोङ केलाइहेङ दियाबलसको सरबङसो छुटकारा पिका हि। कालाउ वा केलाइहेङ ताइको दायाका चानको सारभिता चुमाका हि।

1 थेस्लोनिकि 1:10

कालाउ नेलाइ सादेलसो लोका परमेस्‍वरको चानको दामा खान्‍तेङ हिसुन्‍हा आङ दोअ्‌तेङ एम्‍बालाइ दोअ्‌हि। परमेस्‍वर ताइको चान इसुहेङ सिकासो सिन्‍हुपाहि रो वा दोङ केलाइहेङ परमेस्‍वरको लोलि तोम्‍का चेरसो सिन्‍हुपावा।

1तिमोथि 6:2

खान्‍धुरि गिर्‍हिगेलाइहेङ इङकोको कामत्‍यागेलाइ खान्‍धुरता दादाओने दोङ दोअ्‌तेङ आनादर मापाको। भुरुङ एम्‍बालाइ ओबालाइको झन हेन्‍जा चाकर पाको। हाइदोनु एम्‍बालाइको चाकरसो लाभ निङकालाइ खान्‍धुरि रो मोन्‍दाताकालाइ दोङ। इदोङ काथागेलाइ साअ्‌लि धिरपा रो हाउसा पि।

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

२ पत्‍रुस 1:16

केलाइको प्रभु इसु ख्रिस्‍ट बाराका प्रताप रो बाराका सरबङता आरोङ ल्‍वावा दोअ्‌तेङ केलाइ नेलाइहेङ एन्‍साङ दोअ्‌का माको। कालाउ केलाइ ताइकोङ मि होइ वाको बाराका प्रताप तिङन्‍हाहि।

१ युहन्‍ना 1:1

का युहन्‍ना इङको ज्‍यान पिका वचनको बारेता लेखेदोङखा। जाइ सिरजाइकाको लाम्‍फासोङ हिघाहि। केलाइ साल्‍तेङ दिङगिल्‍कालाइ वाको काथा हिङका हिन्‍हाहि, वासेहेङ मिहोइ तिङका हिन्‍हाहि, रेसेतेङ तिङका हिन्‍हाहि रो खुरहोइ साइका हिन्‍हाहि।

१ युहन्‍ना 1:5

एला केलाइ जेदोङ बानाल इसु ख्रिस्‍टसो हिङका हिन्‍हाहि इङको बानाल नेलाइहेङ पारचार पादोङन्‍हाखे: परमेस्‍वर जोल्‍का हि रो वाता हेथे बुङ कितिकितिका मान्‍थु।

१ युहन्‍ना 1:7

कालाउ वा जोल्‍काता हिनाभाइपाङ केलाइ बुङ जोल्‍काता हिन्‍हाखे पानु, एमि भेनेङदोसा केलाइको मिलाप जेनावा रो परमेस्‍वरको चान इसुको हितिहोइ केलाइहेङ गोताङ कुकरमसो चोखाइ पावा।