1 कोरिन्थि 3:3 - धिमाल

³ एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

Dhimal NT

³ हाइपालिपानु नेलाइ एलाङ बुङ सुमिङको द्‍याङगेलाइ भाइपा जिबन जियाइसुखेना। कालाउ नेलाइको माझाता डाहा कालाउ चेरसुका हिदोङ हि, इङकोहोइ तिङपाखे कि नेलाइ आझाइ बुङ सुमिङको द्‍याङगेलाइ भाइपा जियाइका हिसुन्हा। हाइ एन्सानु नेलाइ परमेस्वरहेङ खाङधुरि मापाका द्‍याङगेलाइ भाइपा बान्चितेङ हिसुन्हा?

1 कोरिन्थि 3:3 Iomraidhean Croise

1 कोरिन्थि 1:10

दादाओने बाइओनेगेलाइ, केलाइको प्रभु इसु ख्रिस्‍टको मिङता का नेलाइहेङ दोअ्‌खा नेलाइ झाराङ मिलितेङ हिसु रो नेलाइको माझाता खेङन्‍हाका काथा माज्‍याको। कालाउ नेलाइ एलोङदोङ मन रो एलोङदोङ बिचारको जेङसु।

1 कोरिन्थि 1:11

हाइदोनु नेलाइ ताइमिङता झागारा पातेङहिका काथा क्‍लोएको साअ्‌को जाहानगेलाइ कासेहेङ हिङपाका हि।

1 कोरिन्थि 11:18

हाइदोनु झाराङखान्‍तेङ लाङ काथा, नेलाइ मन्डलिता एदोसा जोम्‍लाउ नेलाइको माझाता मिलाप माजेङखे दोअ्‌का का हिङखा, इदोइ काथा जातिङको बुङ वाला दोअ्‌तेङ का खान्‍धुर पाखा।

1 कोरिन्थि 3:4

हाइदोनु नेलाइता हासुङ “का पावलको द्‌याङ” रो भेनेङ “का अपोल्‍लोसको द्‌याङ” दोअ्‌खे पानु, हाइ नेलाइ दुनियाको द्‍याङगेलाइ भाइपाङ माजेङसुन्‍हा कुनु?

गलाति 5:15

कालाउ नेलाइ ताताइमिता चेरसुतेङ एमि भेनेङहेङ चेर ताम्‍पापिसुखेना पानु हुस पासु, माकोनुते नेलाइ ताताइमिता मुअ्‌तेङ हानेस्‍वाना।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

याकुब 3:16

हाइपानु जेता ताइको खिनिङ भालाइ भोखे, इन्‍ता गोलमाल रो गोताङ खालको आखेका कामगेलाइ जेङखे।

1पतरुस 4:2

एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।