1 कोरिन्थि 3:1 - धिमाल

¹ दादाओने बाइओनेगेलाइ, नेलाइदोफा धुइलाउ पुनित हाङसा निङका द्‌याङगेलाइदोफा धुइकाभाइपाङ का धुइलि मादोघा। कालाउ दुनियाको द्‍याङगेलाइ भाइपा, ख्रिस्‍टता दुदुआम्‍का जामालदोफा धुइकाभाइपाङ का धुइघा।

Dhimal NT

¹ खान्धुराइ ओनेगेलाइ, का नेलाइ दोफा पबित्तरो आत्मा हिकालाइ भाइपा नुइ धुइलि मादोघा, भरु सुमिङको द्‍याङगेलाइ दोफा भाइपाङ धुइघा, कालाउ येसु ख्रिस्टको खाङधुरिता म्हुइका जामाललाइ भाइपा नेलाइ दोफा नुइ धुइलि गोइहि।

1 कोरिन्थि 3:1 Iomraidhean Croise

मत्‍ति 16:23

कालाउ बुङ इसु पत्‍रुसभारि घुरितेङ दोअ्‌हि, “ओइ दियाबलस, काङको आगासो हाने, ना काङको भाअ्‌सिङ छेकाभाजि हिन्‍हा। हाइदोनु ना परमेस्‍वरको काथागेलाइता माको, कालाउ बुङ द्‍याङगेलाइको काथागेलाइता मन लागाइखेना।”

1 कोरिन्थि 14:20

दादाओने बाइओनेगेलाइ, नेलाइ फोमपालाउ जामालभाइपा माजेङसु। मारेम्‍का काथागेलाइता जामालभाइपाङ मागेका जेङसु। कालाउ फोमपालाउ पुर्‍हिका जेङसु।

1 कोरिन्थि 14:37

एदि नेलाइता हासुङ ताइमिङहेङ आगाधुइका माकोनु पुनित हाङसाको पिका बर हि दोअ्‌तेङ फोमपाखे पानु, काङको लेखेका इदोइ काथागेलाइ प्रभुको हुकुम दोङ एइ दोअ्‌का इङको ग्‍याको।

1 कोरिन्थि 2:6

कौलाउबुङ खान्‍धुरता पुर्‍हिकालाइदोफा केलाइ आकिलको काथा पान्‍हाखे, कालाउ इङको आकिल इदोइ जुकको माको। इदोइ जुकता राज पाकालाइको आकिल बुङ माको। इदोइ राज पाकालाइ ते जोकसोङ सितेङ हानावा।

गलाति 6:1

दादाओने बाइओनेगेलाइ, एदि हासुङ कुकरमको जालेता परेहि पानु नेलाइ पुनित हाङसाको आधिनता चलिकालाइ नोइका जेङतेङ इङकोहेङ सुधिर पासु। इदोइता ताइमिङ बुङ मारेम्‍का कामता मावालाताइने दोअ्‌तेङ हुस पासु। माकोनु ते नेलाइ बुङ कुकरमता वालालि दोस्‍वाना।

१ युहन्‍ना 2:12

काङको दायाका जामालाइ, का नेलाइहेङ लेखेदोङखा, हाइदोनु वाको मिङको भाअ्‌सिङ नेलाइको कुकरम माफ जेङका हि।