1 कोरिन्थि 2:1 - धिमाल

¹ दादाओने बाइओनेगेलाइ, का परमेस्‍वरको रेम्‍काबानाल पारचार पालि नेलाइकोता लोलाउ, बाबारका काथागेलाइ पातेङ आकिलहिका भाइपा नेलाइकोता मालोघा।

Dhimal NT

¹ खान्धुराइ ओनेगेलाइ, जेलाउ का नेलाइकोता लोघा का नेलाइहेङ परमेस्वरको सन्‍देस दोअ्लाउ का बा-बार्का काथागेलाइ मापाघा कालाउ बुद्दिमानि जेङलि माभोघा।

1 कोरिन्थि 2:1 Iomraidhean Croise

साल्न्हाका चात्या 20:21

का यहुदि रो बोजात्‍यागेलाइहेङ ताताइको कुकरम लाअ्‍तेङ परमेस्‍वरकोता घुरिसु रो केलाइको प्रभु इसुता खान्‍धुर पासु दोअ्‌तेङ पारचार पाघा।

साल्न्हाका चात्या 22:18

प्रभु कासेहेङ एसा दोअ्‌हि, ‘मार्फा पातेङ यरुसलेमसो ओल्‍हे, हाइपानु ना काङको बारेता पिका दासि इताको द्‍याङगेलाइ माहिङप्‍यावा।’

1 कोरिन्थि 1:17

हाइदोनु ख्रिस्‍ट कासेहेङ चिभुअ्‌लि माको, कालाउ रेम्‍काबानाल पारचारपालि खाटाइका एइ। दुनियाको आकिलको काथाता माको, माकोनुते ख्रिस्‍टको सरबङ बिथाको जेङधावा।

1 कोरिन्थि 1:6

हाइपानु ख्रिस्‍टको बारेता पिका दासि सत हि दोअ्‌तेङ परमेस्‍वर नेलाइता तिङपाहि।

1 कोरिन्थि 2:13

इदोइखातिर केलाइ द्‍याङको आकिलहोइ धिरपाका काथा माधुइन्‍हाखे, कालाउ पुनित हाङसा धिरपाका काथागेलाइ धुइन्‍हाखे। कालाउ परमेस्‍वरको हाङसा हिका द्‌याङगेलाइहेङ दोङ केलाइ पुनित हाङसाको सत काथागेलाइ बुझिपान्‍हाखे।

1 कोरिन्थि 2:4

का नेलाइदोफा धुइलाउ रो परमेस्‍वरको रेम्‍काबानाल पारचार पालाउ हेन्‍जा गेका जेङतेङ बाबारका काथागेलाइ मापाघा। कालाउ परमेस्‍वरको हाङसा रो सरबङको पाक्‍का दासि पितेङ का पारचार पाघा।

1 कोरिन्थि 2:7

कालाउ केलाइ हासु बुङ मागेका परमेस्‍वरको आकिलको पारचार पान्‍हाखे, हाइपानु इदोइ काथा लाम्‍फा हासुहेङ बुङ तिङपाका मान्‍थुघाहि। इदोइ उपाइ केलाइको भालाइको भाअ्‌सिङ परमेस्‍वर दुनिया सिरजाइका पहरसो दोङ ठर्‍हाइका हिघाहि।

2 थेस्लोनिकि 1:10

इदोइ काथा प्रभु इसु लोका दिनाता ज्‍यावा। इङको दिना परमेस्‍वर ताइको पुनित जनगेलाइसो मान निनावा। नेलाइ बुङ एम्‍बालाइदोफा हिस्‍वाना, हाइदोनु नेलाइ केलाइको पारचार पाका रेम्‍काबानालहेङ खान्‍धुर पासुन्‍हा।

1तिमोथि 1:11

इदोइ बिद्‍या सहसाम्‍पा पिका परमेस्‍वरको प्रतापि रेम्‍काबानाल माफिक हि। परमेस्‍वर खान्‍धुर पातेङ इदोइ रेम्‍का बानाल कासेहेङ पिका हि।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

१ युहन्‍ना 4:14

केलाइ तिङका हिन्‍हाहि रो दासि पिन्‍हाखे, परमेस्‍वर आबा ताइको चानहेङ दुनियाको छुटकारापिकाको आकारता दिङगिल्‍का एइ।