1 कोरिन्थि 11:2 - धिमाल

² का नेलाइहेङ हेन्‍जाङ बाखिन्‍खा, हाइदोनु गोताङ काथाता नेलाइ कासेहेङ फोमपासुखेना रो काङको धिरपाका बिद्‌या साअ्‌सुखेना।

Dhimal NT

² का नेलाइको बाखिन पाखा, हाइपालिपानु नेलाइ जेलाउ बुङ गोताङ कासेहेङ फोम पासुखेना, कालाउ काङको पिका सिक्स्यागेलाइ नेलाइ ठिकसो केम्सुखेना।

1 कोरिन्थि 11:2 Iomraidhean Croise

2 थेस्लोनिकि 2:15

इदोइभाअ्‌सिङ दादाओने बाइओनेगेलाइ, नेलाइ खान्‍धुरता बोल्‍याका जेङतेङ हिसु रो केलाइको दोअ्‌का माकोनु लेखेका बिद्‌या सत हि दोअ्‌तेङ खान्‍धुर पातेङ हिसु।

1 कोरिन्थि 4:17

एन्‍साङ पातेङ काङको माया पाका प्रभुता खान्‍धुरिलाएक चान तिमोथिहेङ नेलाइकोता दिङगिल्‍दोङखा। का गोताङ थामेता रो गोताङ मन्‍डलिता धिरपाकाआन्‍सार दोङ ख्रिस्‍टता काङको ज्‍यान हिसिका हि इङकोको बारेता इङको नेलाइहेङ धिरपावा।

2 थेस्लोनिकि 3:6

दादाओने बाइओनेगेलाइ, प्रभु इसु ख्रिस्‍टको मिङता केलाइ नेलाइहेङ हुकुम पिन्‍हाखे। केलाइको धिरपाका बिद्‌या मासाअ्‌का रो कुर्‍ह्‍या लुका द्‌याङगेलाइसो दुरे हिसु।

1 कोरिन्थि 15:2

एदि नेलाइ का पारचार पाका इदोइ रेम्‍काबानालता आरेतेङ हिसुन्‍हा पानु इङको नेलाइहेङ बान्‍चेपावा। माकोनुते नेलाइको पाका खान्‍धुर बिथाको ज्‍यावा।

1 कोरिन्थि 11:22

हाइ चालि रो आम्‍लि नेलाइको ताताइकोङ साअ् मान्‍थु कुनु? बे नेलाइ परमेस्‍वरको मन्‍डलिहेङ म्‍हुइका फोमपासुखेना? ना मान्‍थुकालाइहेङ लेदेर पालि भोसुखेना? इदोइ बारेता का नेलाइहेङ हाइ दोअ्‌लि? हाइ याको बारेता नेलाइ रेम्‍फा पासुन्‍हा दोअ्‌लि? आहाँ, नेलाइ रेम्‍का पासुन्‍हा दोअ्‌तेङ का दोअ्‌लिङ माद्‍वाङका।

1 कोरिन्थि 11:17

एला का इदोइ काथा दोअ्‌लाउ नेलाइहेङ माबाखिनाङका। हाइपानु नेलाइ एदोसा मन्‍डलिता जोम्‍लाउ इङको रेम्‍काको भाअ्‌सिङ माजेङखे, कालाउ इङको मारेम्‍काको भाअ्‍सिङ जेङखे।

लुका 1:6

इङको न्‍हेमि परमेस्‍वरको आगाता धरम हिघाखे। एम्‍बालाइ परमेस्‍वरको गोताङ हुकुम रो नियमगेलाइ माबिराइसिङ मानिघाखे।

1 थेस्लोनिकि 3:6

कालाउ एला तिमोथि एलाङखिनिङ नेलाइहेङ दुसुतेङ थुकालि लोकाहि। नेलाइता आरोङ बुङ माया रो खान्‍धुर हि दोअ्‌तेङ वा रेम्‍काबानाल चुमाहि। केलाइ भाइपाङ नेलाइ बुङ केलाइहेङ दुसुका बाराका लाल्‍सा ताअ्‌तेङ फोमपातेङ हिघासुन्‍हा।

1 कोरिन्थि 7:17

परमेस्‍वर दोङ नेलाइहेङ साल्‍का रो बर बुङ वा दोङ पिका एइ। नेलाइ झाराङ इङकोङआन्‍सार बान्‍चिलिगोइस्‍वाना। का मन्‍डलिगेलाइहेङ धिरपाका बिद्‍या बुङ इदोङ।

1 थेस्लोनिकि 1:6

नेलाइ केलाइभाइपाङ कालाउ प्रभु भाइपाङ चलितेङ तु:ता बुङ पुनित हाङसासो लेङचातेङ रेम्‍का बानालहेङ पिताइसुन्‍हा।