1 कोरिन्थि 1:1 - धिमाल

¹ परमेस्‍वरको ताइकोङ लाल्‍सासो ख्रिस्‍ट इसुको साल्‍तेङ दिङगिल्‍का जेङलि काइन्‍हाका का पावल रो केलाइको ओने सोस्‍थेनेससो,

Dhimal NT

¹ का, पावल इदोइ पात्तारा लेखेदोङखा। का येसु ख्रिस्टको छाल्न्हाका चात्या जेङलिको भाअ्सिङ परमेस्वरको इच्छासो काइन्हाका हिघा। कालाउ का इता केलाइको दोफाङको खान्धुराइ ओने सोस्थेनस दोफा हिघा।

1 कोरिन्थि 1:1 Iomraidhean Croise

लुका 6:13

र्‍हिमा जेङलाउ वा चात्‍यागेलाइहेङ काइहि रो एम्‍बालाइता तेन्‍हेमिहेङ साल्‍हि। कालाउ एम्‍बालाइहेङ साल्‍तेङ दिङगिल्‍का मिङ पिहि।

युहन्‍ना 15:16

कासेहेङ नेलाइ मासालसुन्‍हा, कालाउ का नेलाइहेङ साल्‍घा रो नेलाइहेङ भर्ना पाघा। नेलाइ हानेसु रो फल सेपासु कालाउ नेलाइको फल हितेङह्‍याको। एन्‍साङ नेलाइ आबादोफा काङको मिङता जेदोङ र्‍हेस्‍वाना, वा नेलाइहेङ इङको प्‍यावा।

युहन्‍ना 20:21

कालाउ इसु आरोङ एम्‍बालाइहेङ दोअ्‌हि, “नेलाइहेङ सुबिस्‍ता ज्‍याको! जेसापा आबा कासेहेङ दिङगिल्‍हि, एन्‍साङ का बुङ नेलाइहेङ दिङगिलाङका।”

साल्न्हाका चात्या 1:15

एनि इन्‍ता झान्‍दै एसाइ एकुरि झोको खान्‍धुर पाका द्‌याङगेलाइ जोम्‍का हिघाखे। कालाउ पत्‍रुस जाअ्‌तेङ एम्‍बालाइको माझाता धुइलि तेङहि,

साल्न्हाका चात्या 1:2

इसु सादेल हानेका खान्‍तेङ लाम्‍फा ताइमिको साल्‍का साल्‍तेङ दिङगिल्‍कालाइहेङ पुनित हाङसाको सरबङसो हुकुम पिहि।

साल्न्हाका चात्या 18:17

कोलाउ यहुदिगेलाइ झाराङ कचहरिसाअ्‌को हाकिम सोस्‍थेनेसहेङ रिम्‍तेङ नियापाकाथामेको आगाता दान्‍हाइहि। कुलाउ गलियोन इङको काथाता हाइदोङ मातिङका भाइपिहि।

साल्न्हाका चात्या 22:21

कालाउ प्रभु दोअ्‌हि, ‘ना हाने, का नासेहेङ दुरेदुरेथिकापा बो जात्‍यागेलाइकोता दिङगिलदोङखा।’”

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

1 कोरिन्थि 3:9

हाइपानु केलाइ झाराङ परमेस्‍वरको काम पाका खेताला हिन्‍हाहि रो नेलाइचाहिँ परमेस्‍वरको मिलिङ हिसुन्‍हा। कालाउ नेलाइचाहिँ परमेस्‍वरको साअ्‌ हिसुन्‍हा।

गलाति 1:1

का पावल साल्‍तेङ दिङगिल्‍कासो इदोइ चिथि लेखेदोङखा। का हिदिङ बुङ द्‍याङगेलाइसो माको कालाउ इसु ख्रिस्‍ट रो वासेहेङ सिकासो सिन्‍हुपाका परमेस्‍वर आबासो दोङ साल्‍का एइ।

कलस्सि 1:1

परमेस्‍वरको लाल्‍साहोइ ख्रिस्‍ट इसुको साल्‍तेङ दिङगिल्‍का का पावल रो केलाइको ओने तिमोथिसो,

1तिमोथि 1:1

केलाइहेङ छुटकारा पिका परमेस्‍वर रो आस पिका ख्रिस्‍ट इसुको हुकुमआन्‍सार ख्रिस्‍ट इसुको साल्‍तेङ दिङगिल्‍का का पावलसो,

1तिमोथि 2:7

इदोइभाअ्‌सिङ का बोजात्‍याको द्‍याङगेलाइहेङ खान्‍धुर रो सत काथा धिरपालिको भाअ्‌सिङ परमेस्‍वर कासेहेङ पारचार पाका रो साल्‍तेङ दिङगिल्‍का जेङलि साल्‍का। का जातिङको दोअ्‌का, ढाटाइका माको।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।