Lukas 8:53 - Bigu a tipan: I mahusay a baheta para ta panahun tam

⁵³ Ey du tolay sa, éy pinégngihitan de san ti Jesus, da tukoy de a nate dén tu anak.

Lukas 8:53 Iomraidhean Croise

Mateo 9:24

Ey kinagi ni Jesus dide, a “Lumwas kam dén! Ewan minate i anaka; natidug san.” Ey pinégngihitan de ti Jesus.

Lukas 16:14

Nadid, du Pariseyo a édsa sa a nakabati ta éya, éy inahew de ti Jesus, da side i te gustua ta kuhata.

Lukas 8:52

Ey to késdép de, éy mégsésangitén dén du tolay to lubuk, dahil to anak. “Diyan kam mégsanget,” kagi ni Jesus. “Ewan minate i anaka. Natidug san siya.”

Lukas 8:54

Pero ti Jesus, éy kembilan na tu kamét na, sakay kinagi na diya, a “Anéng, umégkat ka dén!”

Juan 11:39

Ey kinagi ni Jesus, a “Bukasan moy dén i lébénga.” Ey sala ni Marta. “Anin, Panginoon,” kagi na, “épat dén siya a aldew a nielbéng. Mebuyok dén nadid.”