Lukas 22:13 - Bigu a tipan: I mahusay a baheta para ta panahun tam

¹³ Nadid, to pégkagi dén ni Jesus ta éya, éy inumuli dén du éduwa ta banuwan. Ey nanyari tu étanan a kinagi ni Jesus dide. Ey naghanda sa side ta péngapon de a para ta Piyesta na Ala-ala.

Lukas 22:13 Iomraidhean Croise

Lukas 19:32

Nadid, éy inumange sa du éduwa a alagad, éy neta de tu étanan a kinagi ni Jesus dide.

Lukas 21:33

Maibut i langet éy ta luta, pero i kagi ko éy éwan maibut.”

Lukas 22:12

Eng kagi moy diya i éya,” kagi ni Jesus, “éy ipeta na dikam tu kuwarto ta ontok a nakahanda dén. Ey saya i paghandaan moya ta péngapon tama.”

Lukas 22:14

Nadid, oras de a péngan, éy négdipon de Jesus ta éya, sakay du apostol na.

Juan 11:40

Pero kinagi ni Jesus, a “Ewan mo naala-ala, Marta, bakén a kinagi ko dén diko, éng méniwala ka éy meta mo i kapangyarian na Diyos?”

Juan 2:5

Nadid, kinagi no ina na du bataan sa, a “Sundin moy i maski anya a kagi na dikam.”

Hebreo 11:8

Sakay ti Abraham: dahil to péniwala na, éy sinunud na i Diyos to pégpaange na diya ta iba a banuwan a iatéd na diya. Gininanan na tu dati a banuwan na, maski éwan na pabi tukoy éng ahe i angayan na.