२ तिमोथि 3:6 - देवास राई

⁶ किसाबुने उखर्ह्‌वामध्ये कट्‌का मानुसलक् घर-घरै पोसिबानाइ पापे जाताल आउँ जम्माय थरिकाक् दुस्ट इच्छाक् अधिनै पोर्लो कमजोर अइमाइलकलाइ आफ्निक् अधिनै धरेट्‌थ्ला।

२ तिमोथि 3:6 Iomraidhean Croise

मर्कुस 4:19

उखर्ह्‌वाइ परमेस्वरक् बचन ता सुनट्‌थ्ला, तर यि सन्सारक् चिन्ता, धन-सम्‍पतिक् माया आउँ ओर्को थोकलकक् लोभे कर्टे उखर्ह्‌वाइ सुन्ल बचनलाइ झाँकाइ देट्‌थ्ला। आउँ उखर्ह्‌वाक् जिबनै किच्‍छुय फोर नाफोराथ्।

१ तिमोथि 5:6

तर जुन् बिध्वाइ आफ्निक् जिबनलाइ मोज-मस्तिमा बिताइस् बुनेमा उ जिउँटो भेटौसुधा मोर्लोहिंक् परौ हो।

१ तिमोथि 6:9

तर धनि भेबाक् खोज्लाहार मानुसलक् परिछ्‍याइ आउँ नराम्‍रो पासोइ पोरोट्‌थ्ला, उखर्ह्‌वा थुप्‍रोय थरिकाक् मुर्ख आउँ हानि कर्लाहार इच्छालकै फँसट्‌थ्ला, यिहे खाराब इच्छाक्‌भटे मानुसलकलाइ दुक्ख आउँ सर्बनासै पुगायट्‌थ्ला।

तितस 1:11

इखर्ह्‌वाक् मुखै बुजा लागाइ देबा पोर्लाहार। किसाबुने उखर्ह्‌वाइ पैसा कामाबाक् लागि सिखाबाय नहिं भेलाहार झुठा सिच्छा सिखाहिन् पुराय घरपरिबारै भाँर-भैलो काराइदेल धरेट्‌थ्ला।

तितस 3:3

किसाबुने हामि आको एक समइमा मुर्ख, आग्या नहिंमान्लाहार आउँ भुलै पोर्लो रैल्हुहुँक्। हामि बिभिन्‍न पर्कारक् देहिक् नराम्‍रो इच्छालक् आउँ सेब्‌भ्‍रोउ सुक्ख-बिलासक् कामारालक् भेल रैल्हुहुँक्। हामि दुस्ट आउँ दाहा करिहिने जिबन बिताहुँक् आउँ मानुसलके आको हाम्‍रानि हेला करथ्। तसौ हामि एक्टाइ-ओर्कोलाइ घिर्ना कर्लाहार रैल्हुहुँक्।