Lucas 7:41 - Desano

⁴¹ Ĩgʉ eroparĩcʉ̃ Jesupʉ õpa arĩ buhebu yʉhripʉ: —Opʉre perã wajamorã árĩñuma. Yujugʉ wʉaro wajamogʉ quinientos niyeruseri wajamoñumi. Gajigʉpʉ merogã cincuenta niyeruserire wajamoñumi.

Lucas 7:41 Iomraidhean Croise

Mateo 18:28

“Ĩgʉ eropa iira pʉhrʉ wajamodigʉpʉ waha, gajigʉ pohro majagʉre bocajañumi. Ĩgʉpʉ merogã wajamoñumi ĩgʉre wajamodigʉpʉre. Eropa bocajagʉ yojaro mera ñeañumi ĩgʉre. “Yʉre mʉ wajamorare wajaye purumujuque duru,” arĩñumi ĩgʉ ĩgʉ mera majagʉre.

Mateo 6:12

Gajirã gʉare erã ñero iirare gʉa cãdijiro dopa ta mʉ sã gʉa ñero iirare cãdijique.

Marcos 6:37

—Mʉa basi ta barire oque erãre, arĩpʉ Jesu erãre. Ĩgʉ eroparĩcʉ̃ peerã õpa arĩ yʉhriñorã: —¿Wʉaro niyerupũri mera gʉa dohpa ii asũbocuri panre masa bajarã erã baburire? arĩñorã erã Jesure.

Lucas 11:4

Gajirã erã gʉare ñero iirare gʉa cãdijiro dopa ta mʉ sã gʉa ñero iirare cãdijique. Eropigʉ gʉa ñeri iiborare cãhmotaque. Gʉa ñeri iiborare tauque,” arĩ serẽque Goãmʉre, arĩpʉ Jesu erãre.

Lucas 12:48

Gajigʉ mohme coregʉpʉ ĩgʉ opʉ gamerire masibigʉ árĩcʉ̃ ĩgʉ opʉpʉ ĩgʉre daberogã ñari ĩgʉ eropa árĩri dipuwajare pagʉcumi. Goãmʉ ĩgʉ gamerire masicʉ̃ iimi masare. Eropiro masigʉre yʉhriro gahmea. Eropiro õaro masigʉre õaro yʉhriro gahmea, arĩpʉ Jesu.

Lucas 13:4

Eropirã sohõ árĩnirã diez y ocho masa Siloé waĩcʉri wihi ʉmari wihi erã weca yuribeja wejẽpehoyoro. ¿Eropa wa sĩrirã gajirã Jerusalén majarã tauro ñerã árĩra dipuwaja sĩriyuri mʉa pepicʉ̃?

Lucas 7:40

Ĩgʉ eropa arĩ pepirire masigʉ Jesu werepʉ ĩgʉre: —Simo, dohpague tamerare mʉre werediaa, arĩpʉ Jesu. —Buhegʉ, ¿yʉre dohpa arĩ werediari mʉhʉ? arĩ yʉhripʉ Simo.

Lucas 7:47

Eropa arĩgʉ mʉre weregʉ ta iiaa. Igo igo ñero iira baja gohra ãhraa. Eropigʉ igo ñero iirare cãdijiabʉ. Yʉ eropa iicʉ̃ igo turaro mahiamo yʉre. Erã ñero iirare merogã bʉjawere guñarãpʉ merogã yʉre cãdijidorema. Eropirã erã ñero iirare merogã cãdijisũnirã merogã mahima yʉre, arĩpʉ Jesu Simore.

Romanos 3:23

Mari masa árĩpehrerã ñerire iirã ãhraa. Eropirã Goãmʉ ĩgʉ gamero dopa ne iibeaa mari.

Romanos 5:20

Goãmʉ ĩgʉ dorerire Moisere apiñumi árĩpehrerã masa erã ñero iirare erã masiburire. Mari masa bʉrigã ñerire mari iiquerecʉ̃ Goãmʉpʉ marire bʉrigã mahimi. Eropa mahigʉ Jesucristo sĩrira mera mari ñerire cóãdigʉ árĩmi.