Lucas 6:3 - Desano

^3-4 —Iribojegue Davi ĩgʉ mera majarã mera oaboagʉ Goãmʉ wihigue ñaja, iri wihi árĩri panre bapʉ. Eropa bagʉ ĩgʉ mera majarã sãre badoregʉ iri panre ópʉ. Iri pan pahia dihtare badorera árĩriyoro. Goãmʉ doreri iri panre gajirãre badorebiriyoro. ¿Davi irire ĩgʉ eropa iirare Goãmʉ yare erã gojarapũgue buhebirari mʉa? Davi i panre bagʉ Goãmʉre tarinʉgagʉ iibiriñumi. Dohpagãre yʉ buherã sã i trigo yerire tʉrĩ barã Goãmʉre tarinʉgarã iibeama.

Lucas 6:3 Iomraidhean Croise

Mateo 19:4

Jesu yʉhrimi. —¿Goãmʉ yare erã gojarapũgue ne ire buhebiriniari mʉa? Õpa arĩ gojara ãhraa: “Negohraguere i yebare ĩhacũnugudigʉ ʉmʉ, nomeo sãre iipʉ,” arĩ gojañumi Moise.

Mateo 21:16

Eropa guarã õpa arĩma Jesure: —¿Erã eroparĩcʉ̃ peebeari mʉhʉ? Eropa arĩbiricãporo, arĩ dorema erã Jesure. —Erã eroparĩcʉ̃ peea. ¿Goãmʉ yare erã gojarapũre ire ne buhebiriri mʉa? Majirãgãre Goãmʉre õaro umupeocʉ̃ iibʉ mʉhʉ, ãhraa Goãmʉ yare erã gojarapũ, arĩmi Jesu erãre.

Mateo 21:42

Erã eroparĩcʉ̃ Jesu werenemomi erãre: —¿Goãmʉ yare erã gojarapũ ire yʉre ĩgʉ arĩ gojarare buhebiriri mʉa? Ihĩ Cristo ʉtãye iro dopa ta ãhrimi. Masa Cristore gamebirãcoma. Erã gamebiriquerecʉ̃ Goãmʉ ĩgʉre beye opʉ acumi. Goãmʉpʉ irire iimi. Ĩgʉ eropa iicʉ̃ ĩarã “Õataria,” arĩ pepia mari, arĩ gojañuma iribojeguere. ¿Irire ne buhebiriri mʉa?

Mateo 22:31

Sĩrinirã mʉra erã masa mʉriaboropʉre weregʉra. ¿Goãmʉ iribojegue ĩgʉ arĩrare ne buhebiriri mʉa? Õpa arĩñumi ĩgʉ:

Mateo 4:2

Erogue ejagʉ, cuarenta nʉri gohra baro mariro árĩpʉ Jesu. Eropiro pʉhrʉguere ĩgʉre oa pũriyoro pare.

Marcos 12:10

¿Goãmʉ yare erã gojarapũgue õpa arĩrire irire buhebiriri mʉa? Õpa arĩ gojañuma: Ihĩ Cristo ʉtãye iro dopa ãhrimi. Masa Cristore gamebirãcoma. Erã gamebiriquerecʉ̃ Goãmʉ ĩgʉre beye opʉ acumi. Goãmʉpʉ ire iimi. Ĩgʉ eropa iicʉ̃ ĩarã “Õataria,” arĩ pepia mari, arĩ gojañuma iribojeguere. ¿Irire ne buhebiriri mʉa? arĩpʉ Jesu erãre.

Marcos 12:26

Sĩrinirã erã masa mʉriaboropʉre mʉare weregʉra, arĩpʉ Jesu. Irire Moise õaro werepehocãñumi. Iri yucʉgʉgãgue ʉ̃jʉrisubu árĩgʉ Goãmʉ õpa wereñumi Moisere: “Yʉhʉ Abrahã, Isaa, Jacobo, erã opʉ ãhraa,” arĩ wereñumi Goãmʉ iribojegue.