Lucas 4:23 - Desano

²³ Erã eroparĩcʉ̃ masigʉ Jesu werepʉ erãre: —Iribojegue majarã erã eropa wereniguidiro dopa ta mʉa sã yʉre õpa arĩdiarã ãhraa: “Mʉhʉ duhturu árĩgʉ mʉ basi ocoyeque mʉhʉ duhturu árĩrire ii ĩhmuboro dopa ta. Mʉhʉ Goãmʉ ĩgʉ obeodigʉ árĩgʉ mʉ basi ĩgʉ turari mera ii ĩhmuque gʉare. Capernaumguere Goãmʉ turari mera ii ĩhmuayoro mʉhʉ. Ohõ mʉ ya macague sãre gʉare ii ĩhmuque. Diaye ta mʉ Goãmʉ ĩgʉ obeodigʉ árĩrire gʉa masiboro dopa ii ĩhmuque,” arĩdiaa mʉa yʉre.

Lucas 4:23 Iomraidhean Croise

Mateo 13:54

Waha, ĩgʉ masara macague ejabʉ. Erogue eja, gʉa buheri wihigue buhemi ĩgʉ. Ĩgʉ eropa buhecʉ̃ peerã, pee ʉca wama erã. —¿Nohogue masiyuri ihĩ i buherire? ¿Dohpa ii ĩgʉ i deyoro moarire iimasiri? arĩ wereniguima erã erã basi.

Mateo 4:13

Ero árĩri macague Nazaregue waha, tarigã, Capernaum waĩcʉri macague ejapʉ. Galilea waĩcʉri ditaru pohro árĩbʉ Capernaum. Iri maca Zabulón yeba pohro, Neftalí yeba pohro árĩbʉ Capernaum. Erogue eja árĩpʉ Jesu.

Mateo 4:23

Eropi árĩpehrerogue Galilea yebare Jesu buhe curipʉ. Judio masa gʉa buheri wirigue õari buherire, ʉmaro majagʉ ĩgʉ opʉ árĩricʉrire buhepʉ. Eropigʉ dorecʉrãre õarã iigʉ árĩpehreri dorecʉrire cóãpʉ ĩgʉ.

Marcos 6:1

Eropigʉ ero árĩdigʉ waha wa, ĩgʉ buherã mera ĩgʉ ya yebague ejapʉ.

Lucas 2:39

Goãmʉ ĩgʉ dorero dopa ta iituhaja, erã ya macague Nazaregue dujaañorã. Galilea yeba árĩyoro iri maca.

Lucas 2:51

I árĩpehreri ĩgʉ iirare Maríapʉ õaro guñapo. Eropigʉ Jesu Nazaregue dujaa wapʉ. Ĩgʉ pagʉ sʉmarãre õaro yʉhrigʉ árĩmʉripʉ.

Lucas 4:16

Pʉhrʉ Nazaregue Jesu ĩgʉ bʉgadirogue ta ejapʉ. Erogue eja, Sabado árĩcʉ̃ ĩgʉ eropa iiniguiro dopa ta ĩgʉ judio masa erã buheri wihigue ñajajapʉ. Ero ĩgʉ Goãmʉ yare erã gojarapũre buhediagʉ niguipʉ. Ĩgʉ eropa niguicʉ̃ ĩarã ero majarãpʉ Goãmʉ yare weremʉhtadigʉ Isaia ĩgʉ gojarapũre ĩgʉre oñorã. Iripũre Jesu i wererire bocagʉ buhepʉ:

Lucas 4:31

Pʉhrʉ Jesu Galilea yeba árĩri macague Capernaum waĩcʉri macague eja, Sabado árĩcʉ̃ masare buhepʉ.

Lucas 4:35

Ĩgʉ eroparĩcʉ̃ peegʉ Jesu turipʉ watĩre: —Ejarimaricãque. Duhuque ĩgʉre, arĩpʉ Jesu. Ĩgʉ eropa arĩra pʉhrʉ watĩpʉ masʉre yebague mehmereja tũrucʉ̃ iipʉ. Ĩgʉ eropa iira pʉhrʉ wiria wapʉ. Ĩgʉ masʉpʉ õagʉ dujapʉ.

Lucas 6:42

Õpa arĩ wereniguia mʉa acawererãre: “Acaweregʉ, mʉ ñerire iigʉ iica. Eropigʉ iri ñerire duhucãque,” arĩ wereniguia mʉa. Eropa ĩgʉ ñerire duhudorequererã mʉapʉ iri ñerire iirã duhubeaa. ¿Duhpirã mʉa ñerire iiquererã ta irire eropa pepicãri mʉa? Masa erã pʉrʉpʉpʉre ñero ii corerã ãhraa mʉa eropa iirã. Mʉa ñero iiripʉre duhumʉhtaque. Mʉa eropa iira pʉhrʉ mʉa acaweregʉre “Mʉ ñero iirire duhucãque,” arĩ weremasia, arĩ buhepʉ Jesu.

Juan 4:28

Eropigo nomeo igo sorobure ero duhudobocã, macague waha wamo. Eja masare werego õpa arĩpo:

2 Corintios 5:16

Eropirã dohpaguere Jesure gamebirã gajirã erã árĩricʉrire ĩha werewʉaro dopa ne arĩ ĩabeaa gʉa. Iribojeguere gʉa Cristore eropa ĩaquererã dohpaguere ĩgʉre õaro masia.