Lucas 24:4 - Desano

⁴ Ĩgʉ dʉpʉre bocabirã, “¿Dohpa wayuri?” arĩ pepiñorã erã. Erã eropa arĩ pepi erã werenigui amaro gohra perã ʉma gosesiriri suhricʉrã erã pohro niguiñorã.

Lucas 24:4 Iomraidhean Croise

Marcos 16:5

Eropa ĩarã iri gobeguere ñajañorã. Eropa ñajajarã mamʉre diayepʉ doagʉre boreri suhricʉgʉre ĩañorã. Ĩarã ĩha ʉca wañorã.

Lucas 2:9

Eropigʉ Goãmʉ ĩgʉ obeodigʉ anyu erãre dehyoapʉ. Ĩgʉ eropa dehyoacʉ̃ Goãmʉ ĩgʉ gosesiriri erãre boyoweayoro. Eropa wacʉ̃ ĩarã, ovejare ĩhadiburã güia wañorã.

Lucas 24:5

Ero erã niguicʉ̃ ĩha, nome güirã merejañorã. Eropirã ʉmapʉ erãre wereñorã: —¿Duhpimorã sĩridigʉ mʉrʉ ĩgʉ árĩdirore ahmari mʉa? Dohpaguere ĩgʉ ojocarigʉ ãhrimi.

Hechos 1:10

Eropirã erã Jesu ĩgʉ mʉriagʉre erã ĩhanʉrʉsia mujurisubu perã anyua boreri suhricʉrã Jesu ĩgʉ apinirã pohro dehyoanʉgajañorã.

Hechos 12:7

Eropigʉ Goãmʉ anyupʉ Pedro carĩgʉ pohro ĩgʉ niguicʉ̃ ĩgʉ peresu árĩri taribu boyopehrea wayoro. Eropigʉ anyu Pedro pohro niguigʉ ĩgʉ patorere puucarepʉ ĩgʉre. —Duru wahgãque, arĩpʉ ĩgʉ Pedrore. Ĩgʉ eroparĩcʉ̃ ta ĩgʉ mojotorire erã dirira comedari pãrisiri dija wayoro.

1 Timoteo 3:16

I diaye ãhraa. Marire Goãmʉ ĩgʉ buhera mari õaro iiburi buheri ãhraa. Goãmʉ iri buherire marire masicʉ̃ iimi. Iribojegue mari masibirira mʉra õatariari buheri ãhraa. I buheri õpa ãhraa: Ĩgʉ Cristo mari dʉpʉ iro dopa ta dʉpʉcʉgʉ masa dehyoadigʉ árĩmi. Õagʉ ñeri marigʉ ĩgʉ árĩcʉ̃ ĩhmudi árĩmi Espíritu Santopʉ. Anyua sã ĩgʉre ĩanirã árĩma. Eropirã gʉa ĩgʉ buhedore apinirã gaji yeba majarãre ĩgʉ yare buhebʉ. Eropirã i yebare masa bajarã ĩgʉre umupeoama. Pʉhrʉ ʉmarogue Goãmʉ aĩadi árĩmi ĩgʉre. Iri ta ãhraa õari buheri.