Lucas 23:2 - Desano

² Aĩ ejarã Jesure weresãnʉgañorã: —Ihĩ mari ya yeba majarãre ñero iidorecʉ̃ peeabʉ. Mari opʉre Césare ihĩ wajayedorebeami. Eropigʉ ĩgʉ “Yʉhʉ opʉ ãhraa. Cristo ãhraa yʉhʉ,” arĩ wereniguimi ĩgʉ basi, arĩ weresãñorã erã Jesure.

Lucas 23:2 Iomraidhean Croise

Mateo 17:27

Eropa árĩquerecʉ̃ ta wajasea corerãre guacʉ̃ iidiabeaa mari. Eropirã wajayerãca. Ditarugue waque. Erogue eja wejericãrore mehyuque. Eropigʉ waimʉ bamʉhtadigʉre tara suaque. Eropigʉ ĩgʉ waimʉ disirogue niyerusere bocajagʉca mʉhʉ. Irise queoro wajacʉroca. Yʉre, mʉa sãre Goãmʉ wihi maja árĩburire erã wajaseacʉ̃ õaro queoro sihajaroca irise. Irisere bocajagʉ mari wajamoriñere wajayepehogʉ waque, arĩmi Jesu Pedrore.

Mateo 22:21

—César waĩcʉgʉ masa tauro opʉ masʉ ĩgʉ waĩ sã tuhyami iriseguere, arĩ yʉhrima erã. Erã eroparĩcʉ̃ peegʉ Jesu weremi: —Irisubu tamera masa tauro opʉ yare ĩgʉre oque. Goãmʉ yare Goãmʉpʉre oque, arĩmi Jesu.

Mateo 27:11

Eropi Pilatore erã Jesure ora pʉhrʉ ĩgʉpʉ ĩgʉre serẽpipʉ: —¿Diaye ta judio masa erã opʉ ta ãhriri mʉhʉ? arĩ serẽpipʉ Jesure. —Mʉ arĩro dopa ta ĩgʉ ta ãhraa, arĩ yʉhripʉ Jesu.

Marcos 12:17

Erã eroparĩcʉ̃ Jesu werepʉ erãre: —Irisubu tamerare masa tauro opʉ árĩgʉ yare ĩgʉre oque. Goãmʉ yare Goãmʉpʉre oque, arĩpʉ Jesu. Ĩgʉ eroparĩcʉ̃ pee ʉca wañorã.

Marcos 15:2

Erã aĩ ejacʉ̃ ĩagʉ Pilato ĩgʉre serẽpipʉ: —¿Diaye ta judio masa opʉ ãhriri mʉhʉ? arĩ serẽpipʉ ĩgʉ Jesure. —Mʉ arĩro dopa ta ĩgʉ ta ãhraa, arĩ yʉhripʉ ĩgʉre Jesu.

Lucas 23:14

Erã gamenerecʉ̃ ĩagʉ õpa arĩpʉ erãre: —Ĩre yʉre aĩgãrirã, “Ĩgʉ masare ñero iidoremi,” arĩraa mʉa yʉre. Dohpague mʉa ĩhuro ĩre serẽpipehoabʉ daja. Yʉ eropa serẽpira pʉhrʉ mʉa ĩgʉre weresãcʉ̃ ñeri dipuwaja mara yʉ ĩacʉ̃.

Lucas 23:5

Ĩgʉ eropa arĩquerecʉ̃ ta erã turaro weresãnemoñorã: —Ĩgʉ, ĩgʉ buheri mera masare gamequeãcʉ̃ iimi. Galilea yeba ĩgʉ irire iinʉgami. Eropa iinʉgatuha árĩpehrero Judea yebague irire ĩgʉ iimi, arĩ weresãñorã erã.

Juan 18:29

Erã ñajabiricʉ̃ ĩagʉ Pilato erã pohrogue wihi disiporogue wiriranʉgaja, erãre serẽpimi: —¿Ñehenore ĩre weresãdiari mʉa? arĩ serẽpimi Pilato erãre.

Juan 18:30

—Ihĩ õagʉ ĩgʉ árĩcʉ̃ mʉre ĩgʉre obiriboaya. Ñegʉ ãhrimi ĩgʉ, arĩ yʉhrima erã.

Juan 19:12

Ĩgʉ eroparĩcʉ̃ peegʉ Pilatopʉ ĩgʉre wiudiaripʉ. Ĩgʉ eropa wiudiaquerecʉ̃ ta dipaturi judio masapʉ gaguiniguima: —Jesu “Opʉ ãhraa,” arĩgʉ mari tauro opʉ árĩgʉre Roma majagʉre ĩhaturigʉ iimi ĩgʉ. Eropigʉ ĩgʉre wiugʉ mʉ sã mari tauro opʉ árĩgʉre ĩhaturigʉ ãhraa, arĩ gaguiniguima judio masa Pilatore.

Hechos 24:13

Eropirã yʉre weresãnirãpʉ erã weresãrare “Õpa iiami ihĩ,” arĩ weremasibeama mʉre.

Hechos 24:5

Ihĩ gʉare garibotariami. Árĩpehreri yebari majarãgue judio masare erã gua gaguiniguicʉ̃ iimi ihĩ. Eropigʉ masa erã basi gameturicʉ̃ iimi ihĩ. “Oparãre cóãrã,” arĩrã mera majagʉ ãhrimi ihĩ. Eropigʉ nazareno waĩcʉri curu opʉ ãhrimi.

Romanos 13:7

Árĩpehrerãre mʉa oparãre õaro yʉhrique. Eropirã oparã erã wajaseadorerare wajayeque mʉa. Eropirã oparã gajire wajayedorecʉ̃ sãre wajayeque. Eropirã árĩpehrerã oparãre umupeoque, arãa yʉhʉ mʉare.