Lucas 22:57 - Desano

⁵⁷ Igo eroparĩcʉ̃ Pedro yʉhripʉ: —Nomeo, ĩgʉre ne masibeaa yʉhʉ, arĩripʉ Pedro.

Lucas 22:57 Iomraidhean Croise

1 Juan 1:9

Eropirã mari ñero iirare werero gahmea Goãmʉre. Eropa wererã mari ñero iira pʉhrʉ Goãmʉre mari weretaripehocãcʉ̃, ĩgʉ mari ñero iirare cãdijipehocãgʉcumi. Ĩgʉ arĩdiro dopa ta diaye ta iigʉ õagʉ ãhrimi. Eropigʉ daja mari ñeri árĩpehreri sãre coeweagʉcumi.

Hechos 3:19

Eropirã dohpaguere mʉa ñero iirare bʉjawererã árĩque. Õaripʉre gohrotoque. Cristore umupeoque. Mʉa eropa iicʉ̃ mʉa ñerire cãdijigʉcumi Goãmʉ. Eropigʉ mʉare mucubiririnʉrire apigʉcumi ĩgʉ. Eropirã õaro sĩñajarãca.

Juan 18:27

—Yʉhʉ ĩgʉ mera árĩbirabʉ, arĩ yʉhrimi Pedro. Ĩgʉ eroparĩcʉ̃ ta cãreña weregʉ carimi.

Juan 18:25

Eropi Simo Pedro peame tʉro sõhma niguigʉ iimi. Eropa ĩgʉ sõhma niguicʉ̃ ĩarã ero majarã ĩgʉre serẽpima. —¿Mʉ sã Jesu buherã mera majagʉ árĩbeari? arĩ serẽpima erã Pedrore. —Árĩbeaa yʉhʉ, arĩ yʉhrimi Pedro.

Lucas 12:9

Yujugʉ masare güigʉ yʉre “Jesucristore masibeaa,” masare arĩ weregʉre yʉ sã “Ĩgʉre masibeaa,” arĩ weregʉca anyuare.

Mateo 26:70

Igo eroparĩcʉ̃ peegʉ Pedro õpa arĩpʉ: —¿Dohpa arĩmaacãgo iiri mʉhʉ? Mʉ arĩgʉre ne masibeaa yʉhʉ, arĩpʉ Pedro árĩpehrerã erã peero.

Mateo 10:33

Yujugʉ masare güigʉ “Jesucristo yagʉ árĩbeaa,” masare ĩgʉ arĩ werecʉ̃ yʉ sã “Yahagʉ árĩbeami ĩgʉ,” arĩ weregʉra yʉ Pagʉguere ʉmaro majagʉguere, arĩ weremi Jesu.

Lucas 22:56

Ĩgʉ peame boyorogue doacʉ̃ yujugo pohro majago ĩgʉre õaro ĩhanʉrʉ gajirãre õpa arĩ werepo: —Ihĩ sã ĩgʉ mera ta ãhrami, arĩpo igo.

Lucas 22:58

Pʉhrʉ ñari gajigʉ Pedrore ĩha, õpa arĩ werepʉ: —Mʉ sã erã mera majagʉ ta ãhraa, arĩpʉ ĩgʉ. —Ne, árĩbeaa, arĩripʉ Pedro.