Lucas 21:1 - Desano

¹ Eropa arĩ weretuha Jesu Goãmʉ wihi maja erã amuburi niyeru gameneori comoro pohrogue ĩha doapʉ. Iri comorogue doberi oparã erã niyeru sãcʉ̃ ĩapʉ Jesu.

Lucas 21:1 Iomraidhean Croise

Mateo 27:6

Eropirã pahia oparã niyeruserire aĩrã õpa arĩñorã: —I niyerure Goãmʉ wihi maja comorogue niyeru diburi comorogue mari apimasibeaa. I niyeru mera ta masʉre wejẽdorema. Eropiro mari doreri marire eropa árĩri niyerure dibudorebeaa Goãmʉ wihigue, arĩñorã erã erã basi.

Lucas 20:47

Erã wapeweyarã nome erã wajamocʉ̃ ĩha erã ya wirire ehmama erã nomere. Eropa erãre mojomoro ĩabiriquererã erã masa erã ĩhurore yoari boje Goãmʉre serẽma, “Gʉa Goãmʉre õaro umupeoa,” arĩ gʉyarã. Erã eropa iira dipuwaja Goãmʉ erãre gajirã tauro dipuwaja moagʉcumi, arĩpʉ Jesu erãre.

Juan 8:20

Jesu erãre buhegʉ eropa arĩ wereniguimi Goãmʉ wihigue erã niyeru apiri comoro pohro. Ĩgʉ ñero tariburisubu ejabiribʉ dohpa. Eropirã erã mera ĩgʉ árĩquerecʉ̃ ta ĩgʉre ñeabirima.