Lucas 2:4 - Desano

⁴ José sã Nazaregue Galilea árĩri yeba árĩri macague árĩnirã waha, Judea yebague Belén waĩcʉri macague ejañorã. Opʉ Davi iribojegue majagʉ ĩgʉ masa dehyoadiro árĩyoro Belén. José Davi mʉrʉ pãrami árĩgʉ Beléngue wapʉ ĩgʉ waĩre gojapeogʉ wagʉ.

Lucas 2:4 Iomraidhean Croise

Mateo 1:20

Irire ĩgʉ pepirisubu Goãmʉ anyupʉ quẽrogue Josére dehyoagʉ, õpa arĩpʉ. —José, Davi mʉrʉ pãrami, María mera gʉhyasĩriro mariro mojoto dirique. Igo Espíritu Santo ĩgʉ turari mera ne nijipo árĩ wahgãrigo ãhrimo. Eropigʉ gʉhyasĩriro mariro igore mojoto dirique.

Mateo 2:23

Iri yebaguere Nazare waĩcʉri macague eja árĩñorã erã. Eropa iiñorã erã Goãmʉ yare weremʉhtanirã erã gojadiro dopa ta. Õpa arĩ wereyumʉriñuma: “‘Cristo Goãmʉ beyedigʉ Nazare majagʉ ta ãhrimi,’ arĩrãcoma masa,” arĩ gojamʉriñuma iribojegue majarã.

Lucas 2:3

Eropirã árĩpehrerã erã ñecʉ sʉmarã iribojegue majarã ya macarigue erã waĩre gojapeorã wañorã.

Lucas 2:5

Eropigʉ ĩgʉ María ĩgʉ mojoto diribo árĩcʉ̃ erogue igo mera ĩgʉ waĩre gojapeodoregʉ wapʉ. Igopʉ majigʉre bocatuhadigogue árĩpo.

Lucas 4:16

Pʉhrʉ Nazaregue Jesu ĩgʉ bʉgadirogue ta ejapʉ. Erogue eja, Sabado árĩcʉ̃ ĩgʉ eropa iiniguiro dopa ta ĩgʉ judio masa erã buheri wihigue ñajajapʉ. Ero ĩgʉ Goãmʉ yare erã gojarapũre buhediagʉ niguipʉ. Ĩgʉ eropa niguicʉ̃ ĩarã ero majarãpʉ Goãmʉ yare weremʉhtadigʉ Isaia ĩgʉ gojarapũre ĩgʉre oñorã. Iripũre Jesu i wererire bocagʉ buhepʉ:

Juan 1:46

—Nazareguere ne yujugʉ õagʉ marimi, arĩmi Natanaepʉ. —Ĩagʉ arique mʉhʉ, arĩmi Felipe.

Juan 7:42

Cristo Davi mʉrʉ pãrami gajisubu majagʉ arigʉ árĩbocumi. Eropigʉ Davi ya maca mʉraro Belén waĩcʉri maca masa dehyoagʉcumi Cristopʉ. Eropa ta arĩ werea Goãmʉ yare erã gojarapũ. Ihĩ Jesupʉ Belén macague masa dehyoabiripʉ. Eropigʉ ĩgʉ Goãmʉ ĩgʉ obeodigʉ Cristo gohra árĩbeami, arĩrima erã.