Lucas 2:11 - Desano

¹¹ Dohpagã ñamire opʉ mʉrʉ Davi ya macague mʉare peamegue wabonirãre taubu, Cristo Goãmʉ ĩgʉ obeodigʉ mari Opʉ masa dehyoatuhami.

Lucas 2:11 Iomraidhean Croise

Mateo 1:16

Jacobo José pagʉ árĩñumi. José María marapʉ árĩmʉriñumi. Maríapʉ Jesu pago árĩmo. Jesupʉ masare taubu árĩgʉ Cristo erã arĩ piyudigʉ árĩmi.

Mateo 1:21

Igo porãcʉgocumo. Ĩgʉ igo magʉ ta ĩgʉ ya maca majarãre erã ñeri iira dipuwajare taubu árĩgʉcumi. Ĩgʉ eropa taubu árĩcʉ̃ Jesu waĩyegʉca mʉhʉ ĩgʉgãre, arĩpʉ anyu Josére.

Mateo 16:16

Simo Pedropʉ yʉhrimi: —Mʉhʉ Cristo Goãmʉ obeodigʉ ãhraa. Goãmʉ ojocarigʉ magʉ ãhraa mʉhʉ, arĩ yʉhrimi Simo Pedro.

Mateo 16:20

Ĩgʉ eropa arĩra pʉhrʉ gʉare ĩgʉ buherãre weremi: —Yʉre “Cristo ãhrimi ĩgʉ,” ne arĩ weresiribiricãque gajirãre, arĩmi gʉare.

Lucas 1:43

Cue, yʉ Opʉ pago yʉ pohro aricʉ̃ õaro iimi yʉre Goãmʉ.

Lucas 1:69

Eropigʉ Goãmʉ turagʉre marire peamegue wabonirãre õaro taubure obeomi. Marire õaro taubu ĩgʉ acaweregʉ Davi mʉrʉ ãhrimi. Davipʉ Goãmʉ pohro majagʉ árĩmʉriñumi.

Lucas 2:26

Eropigʉ “Mʉ sĩriboro core Goãmʉ ĩgʉ obeobure Cristore ĩagʉca mʉhʉ,” arĩ weremʉhtapʉ Espíritu Santo ĩgʉre Simeore.

Lucas 2:4

José sã Nazaregue Galilea árĩri yeba árĩri macague árĩnirã waha, Judea yebague Belén waĩcʉri macague ejañorã. Opʉ Davi iribojegue majagʉ ĩgʉ masa dehyoadiro árĩyoro Belén. José Davi mʉrʉ pãrami árĩgʉ Beléngue wapʉ ĩgʉ waĩre gojapeogʉ wagʉ.

Juan 1:41

Eropigʉ ĩgʉ mata ĩgʉ tĩgʉre ahma boca, õpa arĩ werepʉ ĩgʉre: —Mesiare Goãmʉ marire taubure Goãmʉ ĩgʉ obeodigʉre bocabʉ gʉa, arĩpʉ Andre Simore. Mesia ero majarã ya mera arĩrã, Cristo arĩrã iima.

Juan 1:45

Eropigʉ Felipe Natanaere ahma, boca õpa arĩ weremi: —Goãmʉ dorerire Moise ĩgʉ gojarapũgue ĩgʉ weredigʉre, gajirã Goãmʉ yare weremʉhtanirã sã erã weredigʉre gʉa bocabʉ. Jesu Nazare majagʉ José magʉ ĩgʉ ta árĩcumi, arĩmi ĩgʉ Natanaere.

Juan 11:27

—Opʉ, masia yʉhʉ. “Cristo Goãmʉ magʉ i yebague arigʉcumi,” erã arĩdigʉ mʉ árĩcʉ̃ masia yʉhʉ, arĩmo Marta Jesure.

Juan 20:31

Eropa gojapehobiriqueregʉ ta ipũ yʉ wererare gojagʉ, “Jesu ta Cristo Goãmʉ ĩgʉ obeodigʉ ãhrimi. Ĩgʉ diaye ta Goãmʉ magʉ ãhrimi,” mʉa arĩ masiburire gojabʉ. Eropirã mʉa ĩgʉre umupeorã Goãmʉ mera mʉa eropa árĩniguiburire gojabʉ ipũre.

Juan 4:25

Ĩgʉ eroparĩcʉ̃ igo yʉhripo: —Mesia, “Cristo,” erã arĩgʉpʉ, masare taubu ĩgʉ ariburire masia yʉhʉ. Ĩgʉ arigʉ marire árĩpehrerire buhepehogʉcumi, arĩpo igo.

Juan 4:42

Õpa arĩma masa nomeore: —Nere mʉ arĩrare peerã Jesure umupeonʉgarabʉ. Dohpague tamerare ĩgʉ wereniguirire gʉa basi peerã ĩgʉre õaro umupeoa. Eropirã ĩgʉpʉre peerã i yeba majarãre peamegue wabonirãre taubu diaye ta ĩgʉ árĩcʉ̃, dohpague gʉa masia, arĩma masa Samaria majagore.

Juan 6:69

Eropirã gʉa mʉre umupeoa. Eropa mʉhʉ õagʉ, Goãmʉ magʉ ĩgʉ obeodigʉ mʉ árĩcʉ̃ gʉa masia. Eropirã mʉre cóãsome gʉa, arĩmi Simo Pedro Jesure.

Juan 7:41

Õpa arĩma gajirã sã: —Ihĩ Cristo marire taubu ãhrimi, arĩma. Gajirãpʉ õpa arĩma: —Cristo árĩgʉ Galilea majagʉ árĩsome ĩgʉ. Ihĩ Jesupʉ ero majagʉ ta ãhrimi.

Hechos 10:36

Goãmʉ gʉa judio masa pohro Jesucristore obeomi. Masa Goãmʉ mera õaro erã árĩboro dopa Jesupʉ õari buherire weremi. Iri buherire mʉa masia. Jesucristopʉ árĩpehrerã masa opʉ ãhrimi.

Hechos 13:23

Ihĩ Davi ĩgʉ pãrami árĩturiagʉ ãhrimi Jesu. Goãmʉ Jesure apidigʉ árĩmi Israe masare itamubure. “Masare õaro iigʉca,” arĩñumi Goãmʉ. Ĩgʉ arĩdiro dopa ta iidi árĩmi ĩgʉ Jesu.

Hechos 17:3

Eropigʉ ĩgʉ Goãmʉ yare werepʉ õpa arĩgʉ: —Judio masa, mʉa Opʉ mʉa coregʉ Cristo árĩpʉ masa ya árĩburire ñero taribu. Eropigʉ ĩgʉ sĩria waha masa mʉriapʉ. Eropigʉ ihĩ Jesu yʉhʉ arĩ weregʉ, ĩgʉ Cristo gohra ta ãhrimi marire taubu. Ĩgʉ ta ãhrimi mʉa coregʉ. Eropa ta werea Goãmʉ yare erã gojarapũ, arĩ werepʉ Pablo.

Hechos 2:36

“Eropirã árĩpehrerã Israe masa ire õaro masique mʉa. Ihĩ Jesure mʉa crusague wejẽdigʉre mʉa opʉ acuami Goãmʉpʉ. Ĩgʉre mʉare taubure Cristore apiami Goãmʉ, arĩ werepʉ Pedro masare.

Hechos 5:31

Jesure masura pʉhrʉ Goãmʉ ĩgʉre “Õagʉ ãhrimi,” arĩ, ĩgʉ diayepʉ doadoremi Jesure ĩgʉ Pagʉpʉ. Eropigʉ Jesu masa opʉ, masare masugʉ árĩgʉ, Israe masare erã ñeri iirare bʉjawererã árĩdoregʉ, erã ñerire cóãdiami Jesu.

1 Corintios 15:47

Õpa ta ãhraa: Árĩmʉhtadigʉ Adánpʉ i yeba maja nicu mera Goãmʉ ĩgʉ iira dʉpʉre dʉpʉcʉñumi. Ĩgʉ pʉhrʉ aridigʉpʉ Cristopʉ ʉmaro majagʉ árĩpʉ.

Filipenses 2:11

Eropa ĩgʉre opʉ acugʉcumi mari Pagʉ árĩpehrerã Jesucristore “Mari Opʉ ãhrimi,” erã arĩbure. Eropa arĩrã mari Pagʉ Goãmʉre umupeorãcoma.

Filipenses 3:8

Jesucristo yʉ Opʉre yʉ masicʉ̃ tamerare õataria. Eropigʉ gaji doreripʉre duhpiburi árĩbeaa, arĩ pepia yʉhʉ. Iri árĩpehrerire cóãcãbʉ Cristo yapʉre iibu. Eropigʉ iribojegue yʉ iirare cóãgʉ “Ñeri gohra ãhraya,” arĩ pepia. Cristo yare õaro masibu ĩgʉ mera majagʉ árĩbu eropa pepia.

Colosenses 2:6

Eropirã mari Opʉ Jesucristore opamorã ĩgʉre mʉa umupeonʉgadiro dopa ta umupeoniguicãque. “Eropa ta yʉre itamugʉcumi,” arĩrã ʉmʉri nʉcʉ ĩgʉ mera õaro árĩniguicãque.

1 Juan 4:14

Mari Pagʉ ĩgʉ magʉre i yeba majarãre taubure ĩgʉ obeocʉ̃ gʉa ĩabʉ. Eropirã irire ĩanirã gajirãguere irire werea gʉa.

1 Juan 5:1

Árĩpehrerã Jesupʉre “Cristo ãhrimi. Goãmʉ obeodigʉ ire bʉrigã mahimi,” arĩãhrimi,” arĩrã Goãmʉ porã ta ãhrima. Gajirã pagʉre mahirã ĩgʉ porã sãre mahia mari. Eropa ta mari mari Pagʉre Goãmʉre mahirã, ĩgʉ porã sãre mahia.