Lucas 19:42 - Desano

⁴² Õpa arĩpʉ ĩgʉ: —Jerusalén majarã, dohpague tamerare mʉare õaro árĩburire mʉa masicʉ̃ õatariaboya. Eropa árĩquerecʉ̃ mʉa dohpaguere irire ne peediabirabʉ. Eropigʉ Goãmʉ mʉare irire masidorebirimi.

Lucas 19:42 Iomraidhean Croise

Lucas 19:41

Eropa arĩtuha Jesu Jerusalén pohrogue eja, iri macare ĩhabeogʉ orepʉ.

Lucas 19:43

Mʉare ĩhaturirã mʉa árĩri macare cãhmotarãcoma. Eropa iirã erã mʉare wiriaro iisome.

Lucas 19:44

Irisubu erã mʉa ya macare cóãpehorãcoma. Mʉare mʉa porã sãre wejẽrãcoma. Mʉare ĩhaturirã õaro weasirirãcoma mʉa ya macare. Goãmʉ peamegue wabonirãre mʉare ĩgʉ taubure yʉre mʉa masidiabirabʉ. Mʉa masidiabirira dipuwaja mʉare ĩhaturirãre Goãmʉ cóãdoregʉcumi mʉa ya macare, arĩpʉ Jesu Jerusalén majarãre.

Hechos 10:36

Goãmʉ gʉa judio masa pohro Jesucristore obeomi. Masa Goãmʉ mera õaro erã árĩboro dopa Jesupʉ õari buherire weremi. Iri buherire mʉa masia. Jesucristopʉ árĩpehrerã masa opʉ ãhrimi.

Hechos 13:46

Erã eroparĩcʉ̃ peerã, Pablo, Bernabé mera erãre quere goroweonirãre güiro mariro wereñorã. —Goãmʉ ĩgʉ dorediro dopa ta mʉare judio masare buhemʉhtarabʉ gʉa. Mʉapʉ irire gamebirituhabʉ. Ʉmʉri nʉcʉ Goãmʉ mera árĩniguicʉ̃ sãre gamebirituhabʉ mʉa. Eropirã gʉapʉ judio masa árĩbirãpʉre buhenʉgarãca.

Hebreos 3:13

Eropirã ipʉre iiro gahmea: Mʉa mera majarã ʉmʉri nʉcʉ Goãmʉ yare mʉa basi game wereniguique ñerire iiri arĩrã. Ñerire iirã “Iri mera mucubiria,” arĩrã, gʉyarire pepirã iiaa mari. Eropa pepibiricãque. Ñeripʉre iiniguirã Goãmʉ yapʉre sʉabeaa mari. Eropa iirã ñerire duhudiabirã wahaa. Eropa iiri arĩrã mʉa mera majarãre Goãmʉ yare mʉa basi game wereniguique. Jesucristo ĩgʉ dujariboro core eropa game wereniguique.

Hebreos 3:15

Goãmʉ yare erã gojarapũ yʉ dohparagã werediro dopa werea daja mʉare Goãmʉ wereniguirire: Dohpagãre yʉhʉ Goãmʉ mʉare werecʉ̃ õaro yʉhrique mʉa yʉre. Iribojegue majarã Israe masa erãre yʉ werequerecʉ̃ ta umupeodiabirã yʉre yʉhridiabirima. Eropirã erã iidiro dopa iibiricãque mʉa, arĩmi Goãmʉ, arĩ gojañuma iribojeguere.

Hebreos 3:7

Eropirã Jesucristore mari umupeo duhubiriborore õpa iro gahmea marire. Irire weremi Espíritu Santo Goãmʉ yare gojarapũguere. Dohpagãre yʉhʉ Goãmʉ mʉare yʉ werecʉ̃ yʉhridiabirã árĩbiricãque mʉa.