Lucas 19:12 - Desano

¹² Erã eropa arĩ pepicʉ̃ Jesu i queorire õpa werepʉ erãre: —Yujugʉ gaji yebague yoarogue wabu iiñumi. Eroguere ero majagʉ erã tauro opʉ árĩgʉ ĩgʉre ĩgʉ ya maca majarã opʉre acucʉ̃ wabu iiñumi. Pʉhrʉ ĩgʉ ya wihigue dujarabu iiñumi.

Lucas 19:12 Iomraidhean Croise

Mateo 21:38

Ĩgʉ eropa arĩ pepiquerecʉ̃ ta pohere mohme corerã ĩgʉ magʉ ĩgʉ aricʉ̃ ĩarã, õpa arĩñuma: “Pohe opʉ magʉ ahrimi ĩgʉ. Ĩgʉre wejẽ cóãcãrã mari. Eropiro i pohe mari ya pohe dujaroca,” arĩriñuma erã basi.

Mateo 28:18

Ĩgʉpʉ õpa arĩmi gʉare: —I yebaguere, ʉmaro sãre Goãmʉ árĩpehrerã tauro turarire omi yʉre.

Marcos 12:1

Eropi Jesu queori mera buhenʉgapʉ daja erãre. —Yeba opʉ árĩñumi. Iri yebare ĩgʉ ya iguidarire oteñumi. Otetuha sãrirore nugu, iguire erã cʉhra bujuburi gobere seañumi. Pohe decogue ʉmari wihigã sãre iiñumi ĩhadibuma õaro. Eropigʉ gajirãre ĩgʉ ya pohe deco mera apiñumi erã mohme corera waja. Eropigʉ iri pohere erãre mohme coredoretuhaja gaji yebague waha wañumi ĩgʉ.

Marcos 16:19

Eropa arĩ weretuha mari Opʉ Jesu ʉmarogue mʉria wapʉ. Erogue ejagʉ Goãmʉ diayepʉ doapʉ ĩgʉ mera opʉ árĩgʉ.

Lucas 20:9

Eropi Jesu queori moa õpa arĩ buhenʉgapʉ masare: —Yeba opʉ árĩñumi. Ĩgʉ ya pohere iguire oteñumi. Otetuha, iri pohere gajirãre deco mera apiñumi erã mohme corera waja. Eropa apigʉ erãre iri pohere ĩhadibudoretuhaja gaji yebague waha wañumi. Yoari boje deyobiriñumi.

Lucas 24:51

Eropa arĩtuha erãre api, ʉmarogue mʉria wapʉ.

Juan 18:37

—¿Eropigʉ opʉ ãhraa arĩri mʉhʉ eropa arĩgʉ? arĩpʉ Pilato. —Mʉ arĩro dopa ta opʉ ta ãhraa. Masa opʉ árĩbu masa dehyoabʉ yʉhʉ. Eropigʉ i yebague arigʉ erã opʉ árĩbu aribʉ. Diaye majare weregʉ aribʉ. Árĩpehrerã diaye árĩrire peediarã yʉ wererire peema, arĩpʉ Jesu.

Hechos 17:31

Pʉhrʉ ĩgʉ queorinʉ árĩpehreri yeba majarãre diaye ta beyegʉcumi Goãmʉ õarãre, ñerãre. Ĩgʉ beyedore ĩgʉ apidiro dopa Jesupʉ beyegʉcumi. Jesure sĩridigʉguere masupʉ ĩgʉ. Eropa masugʉ “Ihĩ yʉ apidigʉ ãhrimi,” arĩ, ĩhmugʉ iipʉ Goãmʉ masare, arĩ werepʉ Pablo Atena majarãre.

1 Corintios 15:25

Ĩgʉ wiaboro core mari Pagʉ Cristore ĩhaturirãre ĩgʉ tarinʉgapehoboro core Cristo tamera árĩpehrerã weca opʉ árĩgʉcumi. Eropa iibu ta árĩro gahmea ĩgʉre.

Hebreos 9:28

Yujusubu ta mari sĩriro dopa ta Cristo sã yujusubu ta sĩripʉ bajarã masa erã ñero iirare cóãbu. Pʉhrʉ dipaturi dujarigʉcumi. Mari ñerire cóãdigʉgue dujarigʉcumi. Eropigʉ irire dipaturi cóãgʉ arisome. Eropa arigʉ mucubiriri mera ĩgʉre corerãre taugʉ arigʉcumi. Ĩgʉ pohrogue erãre aĩgãbu arigʉcumi.

1 Pedro 3:22

Ĩgʉ Jesucristo ʉmarogue wadi árĩmi Goãmʉ mera dorebu. Eropigʉ ĩgʉ anyua tauro, ʉmaro majarã oparã tauro, árĩpehrerã dorerã tauro erãre doregʉ ãhrimi.

Apocalipsis 1:7

Õaro pee masi coreque mʉa. Imica cururi weca dijarigʉcumi Cristo. Ĩgʉ eropa aricʉ̃ ĩarãcoma árĩpehrerã. Ĩgʉre crusague pabia wejẽnirã mʉra sã ĩarãcoma. Eropirã ĩgʉ aricʉ̃ ĩarã i yeba majarã árĩpehreri cururi majarã orerãcoma güirã. Eropa ta árĩporo.