Lucas 16:9 - Desano

⁹ Eropa arĩtuha Jesu werenemopʉ: —Eropigʉ mʉare arĩgʉ tiiaa. Mʉa oparire, i yeba majare mojomorocʉrãre mʉa ocʉ̃, erãpʉ mʉare mahirãcoma. Mʉa eropa iicʉ̃ mʉa opara pehrera pʉhrʉ ʉmʉsigue mʉa ejacʉ̃ erogue mʉare õaro mahirãcoma.

Lucas 16:9 Iomraidhean Croise

Mateo 19:21

Ĩgʉ eroparĩcʉ̃ peegʉ Jesu werenemomi: —Mʉhʉ Goãmʉ mera õaro árĩdiagʉ mʉ yare árĩpehrerire duagʉ waque. Eropa duagʉ árĩpehreri niyerure mʉ wajatarare mojomorocʉrãre oque. Mʉ eropa iicʉ̃ wʉaro mʉ ya ʉmaroguere Goãmʉ pohroguere árĩyuroca. Mʉ eropa iira pʉhrʉ yʉ mera majagʉ árĩbu arique, arĩ weremi Jesu.

Mateo 6:19

Jesu werenemopʉ daja: —I yeba majare aĩ gameneobiricãque. Õ maja boa waboca. Iri boabiricʉ̃ yajari masʉ aĩbocumi irire. Ĩgʉ yajabiricʉ̃ mega tʉabocoma. Eropiro i yeba maja dederema gʉhya ãhraa. Eropirã i yeba majare bʉrigã gamebiricãque.

Mateo 6:24

Eropigʉ ĩgʉ erãre werenemopʉ: —Yujugʉ Goãmʉpʉre guñagʉ niyerupʉre guñabeami. Niyerupʉre bʉrigã guñagʉ Goãmʉpʉre guñabeami. Eropigʉ niyeru dihtare gamegʉ árĩgʉ Goãmʉre mucubiricʉ̃ iibeami. Goãmʉ sãre niyeru sãre peñere gametarimaja masiya mara mʉare, arĩ werepʉ Jesu.

Lucas 11:41

Eropirã mʉa Goãmʉ ya árĩburire iidiarã mʉa pepirire õarire gohrotomʉhtaque. Mʉa eropa iira pʉhrʉ õarire iirã árĩrãca.

Lucas 12:33

Eropirã mʉa yare duapehoque. Irire duacã, iri niyerure mojomorocʉrãre oque. Eropirã ʉmaro maja Goãmʉ ya árĩburire mohmeque. Eropa iirã ʉmaro maja mʉa wajatari ne pehresome. Ʉmarogue mʉa ya árĩri ne pehrebeaa. Eroguere mʉa yare aĩmasibeami yajari masʉ. Eropirã mega sã irire tʉamasibeama.

Lucas 14:14

Mʉ eropa iicʉ̃ ĩagʉ Goãmʉ mʉre õaro iigʉcumi. Erãpʉ mʉre erã sihura wajamorire wajayemasibeama. Eropigʉ õarã sĩrinirã erã masa mʉriarisubu árĩcʉ̃ Goãmʉpʉ mʉre wajayegʉcumi, arĩpʉ Jesu wihi opʉre.

Lucas 16:11

Eropirã i yebague mʉa opari mera mʉa õaro iibirã Goãmʉ mʉare iidoreri sãre õaro iisome mʉa.

Lucas 16:13

“Yujugʉ Goãmʉpʉre guñagʉ bʉrigã gohra niyerupʉre guñabeami. Niyerupʉre bʉrigã guñagʉ Goãmʉpʉre guñabeami. Eropigʉ niyeru dihtare gamegʉ árĩgʉ Goãmʉpʉre mucubiricʉ̃ iibeami. Goãmʉ sãre niyeru sãre yujuro mera gametarima masiya mara mʉare. Niyerure gametarigʉ Goãmʉpʉre umupeomasibeami, arĩpʉ Jesu.

Lucas 16:4

Dohpague tamerare yʉ iiburire masia yʉhʉ. Õpa yʉ iicʉ̃ yʉ mohmeri maricʉ̃ erã yʉ itamurã árĩrãcoma. Eropirã erã ya wirigue ñajadorerãcoma yʉre,” arĩ pepipʉ ĩgʉ.

Hechos 10:31

Eropigʉ ĩgʉ yʉre õpa arãmi: “Cornelio, mʉhʉ mari Pagʉ mera mʉ serẽcʉ̃ ĩgʉ peeami. Eropigʉ mojomorocʉrãre erã gamerire mʉ ocʉ̃ ĩagʉ mari Pagʉ mʉ mera mucubirigʉ itamugʉcumi.

Hechos 10:4

Eropigʉ Cornelio ĩgʉre ĩha güigʉ õpa arĩpʉ: —Opʉ, ¿ñehenore gahmeri? arĩpʉ ĩgʉ. —Masare mʉ orare, mari Pagʉre mʉ serẽniguirare Goãmʉ peeami.

2 Corintios 4:17

Dohpaguere ñero tariquererã ta pʉhrʉ ñero tarisome. Eropirã Cristo yare were duhubeaa. Iri ñero mari tariri pehrea waroca. Eropirã marire merogã ñero tariro gahmea. Eropa mari ñero tarinirã árĩrã, pʉhrʉguere wʉaro mucubiriri mera árĩniguirãca Goãmʉ mera. Eropirã mari ñero taridiro tauro bʉrigã mucubiriri mera eropa árĩniguicãrãca.

Judas 1:21

Goãmʉ mʉare bʉrigã mahimi. Eropirã ĩgʉ mʉare mahiniguiboro dopa ñeri mariro árĩniguicãque Goãmʉ ĩgʉ dorero dopa. Eropirã Jesucristo mera mʉa eropa árĩniguiburire coreque. Ĩgʉ marire mojomoro ĩagʉ ʉmaroguere eropa árĩniguicʉ̃ iigʉcumi.