Lucas 13:9 - Desano

⁹ Yʉ eropa iira pʉhrʉ irigʉre gaji bojori dʉcacʉcʉ̃ õaroca. Dʉca maricʉ̃ mʉhʉ padoregʉca,” arĩpʉ mohme coregʉ pohe opʉre, arĩ werepʉ Jesu.

Lucas 13:9 Iomraidhean Croise

Lucas 13:10

Irisubure Sabadonʉ Jesu judio masa buheri wihigue buhegʉ iipʉ.

Lucas 13:8

Ĩgʉ eroparĩcʉ̃ peegʉ mohme coregʉ õpa arĩpʉ: “Opʉ, irigʉ yuju bojori gohra niguiniporo. Yʉhʉ irigʉ gubuyere seatu nujatu iigʉra. Tuhaja waibʉgʉ gʉra mera iri gobere yaagʉra.

Juan 15:2

Iguirure iri dʉpʉri gamesʉriro dopa ta mʉa yaharã yʉ mera ãhraa. Dʉca mariri dʉpʉrire iguirure ĩhadibugʉ ĩgʉ peha cóãro dopa ta yʉ Pagʉ ĩgʉ gamerire iibirãre cohãmi. Dʉcacʉri dʉpʉrire iguirure ĩhadibugʉ ĩgʉ amuro dopa ta yʉ Pagʉ ĩgʉ gamerire iirãre itamugʉcumi ĩgʉ “Yʉ gamerire iinemoporo,” arĩgʉ.

1 Tesalonicenses 2:15

Mata judio masapʉ iribojegue majarã Goãmʉ ya weremʉhtanirãre wejẽmʉrinirã árĩma. Eropirã mari Opʉ Jesucristo sãre wejẽñorã erã. Eropirã erã Jesucristo yare gamebirã gʉa sãre ñero ii cohãma gʉare erã ya yebare. Eropirã erã judio masa árĩbirãre erã dederebiriborore gʉa erãre Goãmʉ yare werecʉ̃ gʉare judio masa cãhmotamʉrima. Goãmʉ yare weredorebirima gʉare. Erã Jesu yarãre ĩhaturi árĩmʉrima. Erã eropiirare Goãmʉ gamebirigohracãmi. Eropiro erã judio masa ñero iira dipuwaja wʉaro árĩtuhaya. Erãre Goãmʉ bʉrigã dipuwaja moagʉcumi.

Hebreos 6:8

Gaji yebapʉ añapora mera, taa mera iri yeba tiaro duhpiburi yeba árĩbeaa. Eropa árĩri pohere cóãcãro gahmea. Eropa ta Goãmʉ iimi ĩgʉ ĩgʉ yare peequererã iibirãre. Erãre dipuwaja moa peamegue cóãgʉcumi.