Lucas 11:2 - Desano

² Ĩgʉ eroparĩcʉ̃ peegʉ Jesu erãre werepʉ: —Õpa arĩ Goãmʉre serẽque: “Gʉa Pagʉ, ʉmaro majagʉ mʉhʉ õagʉ ãhraa. Dohpaguere árĩpehrerã weca opʉ ãhraa. Ʉmaroguere mʉ dorero erã iiro dopa ta i yeba majarã sã iiporo.

Lucas 11:2 Iomraidhean Croise

Mateo 10:32

Eropigʉ gʉa sãre werenemomi: —Yujugʉ “Jesucristo yagʉ ãhraa,” masare ĩgʉ arĩ werecʉ̃ yʉ sã ĩgʉre “Yahagʉ ãhrimi,” arĩ weregʉra yʉ Pagʉ ʉmaro majagʉguere.

Mateo 3:2

Õpa arĩ werepʉ masare ĩgʉ pohro ejarãre. —Mʉa ñero iirare bʉjawere duhucãque. Ʉmaro majagʉ Goãmʉ mʉa opʉ ĩgʉ árĩboro merogã dʉhyaa, arĩ werepʉ ĩgʉ Ñu.

Mateo 5:16

Eropirã mʉa sã mʉa Goãmʉre mʉa umupeorire dibubiricãque. Õaro wereque. Eropirã õarire iique. Mʉa eropa iicʉ̃ ĩarã masa erã mari Pagʉ ʉmaro majagʉre umupeorãcoma. “Ĩgʉ turagʉ, õagʉ ãhrimi,” arĩrãcoma, arĩ werepʉ Jesu.

Lucas 11:1

Yujunʉ Jesu ĩgʉ Pagʉre Goãmʉre serẽgʉ iipʉ. Ĩgʉ serẽtuhacʉ̃ yujugʉ ĩgʉ buherã mera majagʉ õpa arĩpʉ: —Opʉ, Ñu ĩgʉ buherãre ĩgʉ buhediro dopa ta Goãmʉre serẽrire gʉa sãre buheque mʉhʉ, arĩpʉ ĩgʉ Jesure.

Romanos 1:7

Mʉare Goãmʉ ĩgʉ mahirãre, ĩgʉ yarã árĩmorãre iidi árĩmi ĩgʉ mʉare. Eropigʉ mʉare Romague árĩrãre ipũre gojabeoa. Eropigʉ Goãmʉ mari Pagʉ mari Opʉ Jesucristo mera mʉare õadorea. Ĩgʉ itamuri mera õaro árĩque mʉa.

Romanos 8:15

Espíritu Santo mari mera ĩgʉ árĩnʉgacʉ̃ Goãmʉ porã árĩnʉgabʉ mari. Eropigʉ ĩgʉ porã árĩcʉ̃ marire dipuwaja moasome. Peamegue wadoresome. Eropirã güibeaa mari iribojeguere mari güidiro dopa. Ĩgʉ porã árĩrã, Espíritu Santo ĩgʉ itamuri mera dohpaguere “Ahʉ,” arãa mari Goãmʉre mari Pagʉre

1 Corintios 1:3

Eropirã Goãmʉ mari Pagʉ, mari Opʉ Jesucristo mera mʉare õadorea. Ĩgʉ itamuri mera õaro árĩque mʉa.

2 Corintios 1:2

Eropirã Goãmʉ mari Pagʉ, mari Opʉ Jesucristo mera mʉare õadorea. Ĩgʉ itamuro mera õaro árĩque mʉa.

Gálatas 1:4

Jesucristo, ĩgʉ Pagʉ Goãmʉ gamediro dopa ta iigʉ, ĩgʉ basi mari ñeri iira dipuwaja sĩribasadigʉ árĩmi. Eropiidi árĩmi i ʉmʉ majarã ñero árĩricʉrire mari iibiriboro dopa.

Efesios 1:2

Goãmʉ mari Pagʉ mera Jesucristo mari Opʉ mera mʉare õadorea. Ĩgʉ mʉare itamuri mera õaro árĩque mʉa.

Filipenses 1:2

Eropirã Goãmʉ mari Pagʉ mari Opʉ Jesucristo mera mʉare õadorea. Ĩgʉ itamuri mera õaro árĩque mʉa.

Filipenses 4:20

Ʉmʉri nʉcʉ mari Pagʉre Goãmʉre umupeorã. Eropa ta iiporo.

1 Tesalonicenses 1:1

Yʉ Pablo, Silvano, Timoteo mera ipũre mʉare gojabeoa. Mʉapʉ Tesalónica majarã mari Pagʉ Goãmʉ yarã árĩrã mari Opʉ Jesucristo yarã sã ãhraa mʉa. Eropigʉ Goãmʉ mari Pagʉ, Jesucristo mari Opʉ mera mʉare õadorea. Ĩgʉ itamuri mera õaro árĩque.

1 Tesalonicenses 1:3

Mʉa Jesucristore “Diaye iigʉ ãhrimi,” arĩ umupeoniguicã waĩcʉa. Eropa umupeoniguicãrã Jesucristo ya árĩburire õaro iirã waĩcʉa. Jesucristore, gajirã sãre mʉa õaro mahi umupeorã waĩcʉa. Eropa mahirã Jesucristo ya árĩburire bʉrigã iirã waĩcʉa mʉa. Eropirã Jesucristo ĩgʉ itamurire corerã waĩcʉa mʉa. Ĩgʉre eropa corerã ĩgʉ yare iirã duhubirã waĩcʉa. Eropa iirã mʉa Goãmʉ mari Pagʉ ĩacʉ̃ õaro iiaa. Goãmʉre gʉa serẽrã irire mʉa eropa õaro ii waĩcʉrare guñaniguicãa.

2 Tesalonicenses 2:16

Mari Opʉ Jesucristo ĩgʉ basi Goãmʉ mari Pagʉ mera marire mahigʉ, ʉmʉri nʉcʉ marire mucubiricʉ̃ iimi. Marire mahigʉ peamegue wabonirãre taugʉcumi marire. Eropirã Goãmʉ ĩgʉ tauborore õaro masi mucubiria mari.

Apocalipsis 11:15

Pʉhrʉ seis corneta dipurure erã purira pʉhrʉ gajigʉ anyu ĩgʉ yarure puriami. Ĩgʉ eropa puricʉ̃ ʉmarogue turaro wereniguiro carabʉ. Õpa arĩro carabʉ: Dohpague mari Pagʉ, Cristo mera i yeba majarã tauro opʉ árĩgʉcumi. Eropigʉ eropa opʉ árĩniguigʉcumi Goãmʉ, arĩro carabʉ.

Apocalipsis 15:4

Árĩpehrerã mʉre güima. Árĩpehrerã mʉre “Turagʉ ãhrimi,” arĩrãcoma. Mʉ dihta ñeri marigʉ ãhraa. Árĩpehrerã i yeba majarã mʉ pohrogue ejarã mereja mʉre umupeorãcoma. Eropa ta iirãcoma erã árĩpehrerã õaro mʉ iirare ĩarã, arĩ bayarã iiama erã.

Apocalipsis 19:6

Pʉhrʉ bajarã masa erã wereniguirã caracʉ̃ peeabʉ. Erã ʉtãmu iro dopa bupu iro dopa bʉsʉrã carama yʉ peecʉ̃. Õpa arĩ gaguiniguirã carama: Aleluya. Goãmʉre õaro wereniguirã. Ĩgʉ mari Opʉpʉ opʉ ñajatuhami. Turatariagʉ ãhrimi ĩgʉ.

Apocalipsis 20:4

Pʉhrʉ oparã doarire ĩhabʉ. Iri doarire doarã sãre ĩhabʉ. Erãre masare erã beyedoboborore apiami Cristo. Gajirã sãre ĩhabʉ. Erãpʉ Jesu yare Goãmʉ yare erã werera dipuwaja erãre dipure tabe cóãnirã ãhrama. Nʉgʉ majagʉre, ĩgʉ wéadigʉ sãre ne umupeobirinirã ãhrama. Eropirã erã diaporire erã mojotori sãre ĩgʉ waĩre gojatudorebirinirã ãhrama erã. Eropirã gajirã erãre wejẽnirã árĩma. Erãre wejẽra pʉhrʉ masa mʉria wanirã árĩma. Masa mʉriarã erã mil bojori gohra Cristo mera oparã árĩrãcoma.