Lucas 11:1 - Desano

¹ Yujunʉ Jesu ĩgʉ Pagʉre Goãmʉre serẽgʉ iipʉ. Ĩgʉ serẽtuhacʉ̃ yujugʉ ĩgʉ buherã mera majagʉ õpa arĩpʉ: —Opʉ, Ñu ĩgʉ buherãre ĩgʉ buhediro dopa ta Goãmʉre serẽrire gʉa sãre buheque mʉhʉ, arĩpʉ ĩgʉ Jesure.

Lucas 11:1 Iomraidhean Croise

Lucas 10:42

Goãmʉ ĩgʉ yare peedoremi. María õarire iibo irire beyemo. Eropigʉ yʉre igo peecʉ̃, “Mohmetamugo waque,” arĩbeaa igore, arĩpʉ Jesu Martare.

Lucas 11:2

Ĩgʉ eroparĩcʉ̃ peegʉ Jesu erãre werepʉ: —Õpa arĩ Goãmʉre serẽque: “Gʉa Pagʉ, ʉmaro majagʉ mʉhʉ õagʉ ãhraa. Dohpaguere árĩpehrerã weca opʉ ãhraa. Ʉmaroguere mʉ dorero erã iiro dopa ta i yeba majarã sã iiporo.

Lucas 6:12

Irinʉrire Jesu ʉtãgʉgue Goãmʉre serẽgʉ mʉria wapʉ. Erogue árĩgʉ, ñamire Goãmʉ mera werenigui butahmua wapʉ.

Lucas 7:13

Igo eropa wacʉ̃ ĩagʉ Jesu igore mojomoro ĩapʉ. —Orebita, arĩpʉ Jesu igore.

Lucas 7:19

Jesure serẽpidoregʉ obeopʉ Ñu. Õpa arĩ serẽpidorepʉ: —“Yʉ pʉhrʉ gajigʉ arigʉcumi,” ¿Ñu ĩgʉ arĩdigʉ ta ãhriri mʉhʉ? ¿O gajigʉre corerãcuri gʉa? arĩ serẽpidorepʉ Ñu perã ĩgʉ buherãre.

Lucas 9:18

Yujunʉ Jesu yujugʉ ta Goãmʉre serẽgʉ iipʉ. Ĩgʉ wereniguirisubu ĩgʉ buherã ĩgʉ pohrogue árĩñorã. Eropigʉ Jesu serẽpipʉ erãre: —¿Nihino árĩcuri yʉhʉ, masa erã pepicʉ̃? arĩ serẽpipʉ. Ĩgʉ eroparĩcʉ̃ peerã ĩgʉ buherã yʉhriñorã:

Lucas 9:28

Eropi ocho nʉri irire ĩgʉ werera pʉhrʉ Jesu Pedrore, Ñure, Santiagore erã dihtare sihupʉ. Eropi waha, Goãmʉ mera wereniguirã wañorã. Ʉtãgʉre mʉria wañorã erã.

Hebreos 5:7

Cristo i yeba árĩgʉ bʉrigã gaguinigui, co deco mera Goãmʉre turaro serẽpʉ ĩgʉ, “Yʉre masuque,” arĩgʉ. Mari Pagʉpʉ Goãmʉpʉ ĩgʉre sĩridigʉre masumasigʉ árĩpʉ. Ĩgʉ eropa serẽcʉ̃ Goãmʉ peepʉ ĩgʉre. Goãmʉ gameri dihtare ĩgʉ iidiacʉ̃ ĩagʉ Goãmʉpʉ ĩgʉ serẽrare peegʉ yʉhripʉ.

Judas 1:20

Mʉapʉ yʉ mahirã, Jesucristo ya buherire õaro peenemoque guñaturarã mʉa árĩboro dopa. Iri buheripʉ õataria. Espíritu Santo itamuri mera Goãmʉ mera wereniguique mʉa.